ໝາກແຕງ ນັບວ່າເປັນໝາກໄມ້ ຕະກຸນພືດຜັກຊະນິດໜຶ່ງທີ່ອຸດົມໄປດ້ວຍວິຕາມິນ ແລະ ກາກໄຍອາຫານຫຼາຍຊະນິດ ທີ່ມີປະໂຫຍຫຼວງຫຼາຍຕໍ່ຮ່າງກາຍ ແລ ທີ່ສໍາຄັນ ຍັງເປັນອາຫານສໍາລັບຄົນທີ່ຄວບຄຸມນໍ້າໜັກອີກດ້ວຍ ເຊິ່ງຈະມີປະໂຫຍດແນວໃດນັ້ນມາເບິ່ງພ້ອມກັນເລີຍ!!! ຄົນໃດທີ່ດື່ມນ້ຳໜ້ອຍ ການຮັບປະທານໝາກແຕງກໍສາມາດຊ່ວຍທ່ານໄດ້ ເພາະໝາກແຕງປະກອບດ້ວຍນ້ຳ ເຖິງ 90%, ຊ່ວຍຫຼຸດອາການຮ້ອນໃນ, ຊ່ວຍຂັບສານພິດໃນຮ່າງກາຍ, ຊ່ວຍລະລາຍໜິ້ວໃນໝາກໄຂ່ຫຼັງ, ເຮັດໃຫ້ລະບົບພູມຄຸ້ມກັນແຂງແຮງ ທັງມີວິຕາມິນຕ່າງໆ ທີ່ຊ່ວຍໃຫ້ຜິວພັນເປັ່ງປັ່ງ, ມີສານໂພແທສຊຽມສູງ ແລະ ແມັກນີຊຽມ, ໂປຣຕາສຊຽມທີ່ຊ່ວຍໃນການເຜົາຜານ ແລະ ຫຼຸດນ້ຳໜັກມີກາກໃຍທີ່ຊ່ວຍບໍ່ເຮັດໃຫ້ທ້ອງອືດ, ຫຼຸດການອັກເສບ, ຫຼຸດຄວາມສ່ຽງການເປັນມະເຮັງຮັງໄຂ່, ມະເຮັງເຕົ້ານົມ ແລະ ມະເຮັງຕ່ອມລູກໝາກ, ຫຼຸດໄຂມັນ ແລະ ຄວບຄຸມຄວາມດັນເລືອດໃຫ້ເປັນປົກກະຕິ, ຊ່ວຍຮັກສາໂຣກເຫງືອກ ໝາກແຕງມາປາດເປັນວົງມົນບາງໆໃຊ້ລີ້ນດັນໄວ້ເທິງແພດານປາກເຄິ່ງນາທີ ຈະຊ່ວຍຂ້າເຊື້ອພະຍາດໃນປາກທີ່ເປັນສາເຫດຂອງກິ່ນປາກໄດ້.

ນອກນັ້ນ, ຍັງຊ່ວຍແກ້ອາການເມົາຄ້າງ ພຽງແຕ່ຂໍແນະນຳຫຼັງດື່ມສິ່ງມຶນເມົາແລ້ວ ໃຫ້ກິນໝາກແຕງກ່ອນເຂົ້ານອນ ຈະສາມາດຊ່ວຍຫຼຸດອາການເຈັບຫົວໃນຕອນເຊົ້າ ເພາະໝາກແຕງມິວີຕາມິນບີ ແລະ ນ້ຳຕານຈິ່ງຊ່ວຍຫຼຸດອາການເມົາຄ້າງໄດ້.

ຂໍ້ມູນຈາກ: news.com.la