1.ໄດ້ກິນອາຫານເຊົ້າທີ່ດີຕໍ່ສຸຂະພາບ: ຄົນຕື່ນເຊົ້າມັກຈະໄດ້ກິນອາຫານເຊົ້າໃນຂະນະທີ່ຄົນຕື່ນສວາຍຈະຟ້າວຟັ່ງອອກຈາກບ້ານ ແລະ ກິນສິ່ງທີ່ສະດວກວ່ອງໄວ ເຊິ່ງບໍ່ຄ່ອຍດີຕໍ່ສຸຂະພາບ ຫຼື ບາງເທື່ອກໍ່ຂ້າມຄາບເຊົາໄປເລີຍ ໂດຍບັນຫາຂອງການງົດອາຫານເຊົ້າຄືມັນຈະເຮັດໃຫ້ທ່ານຕິດເປັນນິໃສໃນພາຍຫຼັງ ແລະ ຫາກທ່ານເກີດຫິວຂື້ນມາເພາະບໍ່ໄດ້ກິນເຂົ້າເຊົ້າ ເຂົ້າໜົມຊ່ວງເບກເຊິ່ງບໍ່ແມ່ນອາຫານເພື່ອສຸຂະພາບ ກໍ່ເຮັດໃຫ້ທ່ານອົດໃຈບໍ່ໄຫວໄດ້.

2.ຊ່ວຍໃຫ້ຜິວພັນເບີ່ງສຸຂະພາບດີ: ຫຼັງຈາກນອນຫຼັບພັກຜ່ອນຢ່າງເຕັມທີ່ທັງຄືນ ຜິວຂອງເຮົາຈະເປັນສິ່ງທຳອິດທີ່ດູດີທີ່ສຸດໃນຕອນເຊົ້າ ແລະ ຖ້າທ່ານເປັນຄົນຕື່ນເຊົ້າຢູ່ແລ້ວ ທ່ານຈະຍິ່ງສາມາດໃຊ້ປະໂຫຍດຈາກເວລາທີ່ມີໃນຕອນເຊົ້າດູແລບຳລຸງຜິວເພີ່ມເຕີມໄດ້ອີກ ຄືກັນກັບການມີເວລາກິນອາຫານເຊົ້ານັ້ນເອງ ສຳລັບຄົນທີ່ຕຶ່ນສວາຍໃຫ້ຄວາມສຳຄັນກັບການບຳລຸງຜິວໃນຕອນເຊົ້າໜ້ອຍລົງ ໂດຍຄົນທີ່ຕື່ນເຊົ້າຈະມີນິໃສການນອນຫຼັບທີ່ດີ ບໍ່ຄືນອນເດິກ ເຊິ່ງການນອນຫຼັບຢ່າງເປັນເວລາເປັນປະຈຳ ຈະຊ່ວຍໃຫ້ຜິວໄດ້ຮັບການຟື້ນຟູທີ່ເໝາະສົມ.

3. ມີເວລາໃນການອອກກຳລັງກາຍຫຼາຍຂື້ນ: ເມື່ອທ່ານໄດ້ອອກກຳລັງກາຍໃນຕອນເຊົ້າ ທ່ານຈະຄົ້ນພົບວ່າ ການອອກກຳລັງກາຍໃນຕອນເຊົ້າຈະເຮັດໃຫ້ທ່ານມີພະລັງຕະຫຼອດວັນ.

4. ມີສະມາທິດີຂື້ນ: ການເລີ່ມຕົ້ນວັນໃໝ່ດ້ວຍການຕື່ນເຊົ້າ ຈະຊ່ວຍໃຫ້ທ່ານມີສະມາທິຫຼາຍຂຶ້ນ ໂດຍການຕື່ນເຊົ້າໄປເຮັດວຽກ ຫຼື ໄປໂຮງຮຽນ ຈະເຮັດໃຫ້ທ່ານມີເວລາເຫຼືອໃນການປັບສະພາບໂຕເອງໃນແຕ່ລະວັນ ເຊິ່ງມັນຈະເຮັດໃຫ້ທ່ານຕຶ່ນໂຕຢູ່ສະເໝີ.

5. ເພີ່ມປະສິດທິພາບໃນການເຮັດວຽກ: ຄົນທີ່ປະສົບຄວາມສຳເລັດບອກວ່າພວກເຂົາຈະຕື່ນກັນຕັ້ງແຕ່ 5 ໂມງເຊົ້າ ຫຼື ຕື່ນກ່ອນໜ້ານັ້ນ ໂດຍຄົນທີ່ຕື່ນເຊົ້າມັກຈະມີແນວໂນ້ມມີປະສິດທິພາບໃນການເຮັດວຽກຫຼາກຫຼາຍປະການ.

6. ປັບເວລາໃນການນອນ: ເມື່ອຮ່າງກາຍຂອງທ່ານປັບການນອນໄດ້ເປັນເວລາ ຈະເຮັດໃຫ້ມັນງ່າຍຂື້ນຕໍ່ການຫຼັບ ແລະ ການຕື່ນນອນໃນເວລາເດີມ ແຕ່ຫາກທ່ານເຂົ້ານອນເດິກ ແລະ ຕື່ນສວາຍໃນທ້າຍອາທິດ ຈະເຮັດໃຫ້ຍິ່ງຍາກຕໍ່ການປັບສະພາບຮ່າງກາຍໃຫ້ຕື່ນໃນຕອນເຊົ້າ.

7. ໄດ້ເພີດເພີນກັບເວລາທີ່ງຽບສະຫງົບ: ຊ່ວຍໃຫ້ທ່ານເພີດເພີນກັບຄວາມງຽບສະຫງົບ ແລະ ທ່ານຈະພົບວ່າການເດີນທາງປະຈຳວັນຂອງທ່ານມັນງ່າຍຂື້ນ ຫາກທ່ານອອກຈາກບ້ານໄວຂື້ນ ແລະ ທ່ານສາມາດເອົາຊະນະຈາກການຈະລາຈອນທີ່ຕິດຂັດທັງໝົດໄດ້.

ຂໍ້ມູນຈາກ: news.com.la