ໝາກທຸ​ຣຽນ​​ເປັນໝາກໄມ້​ຫາກິນໄດ້​ທັງ​ປີ​ ການ​ຮັບປະທານ​ໝາກໄມ້​ນອກ​ຈາກ​ຈະ​ໄດ້ຮັບ​ວິ​ຕາ​ມິນ​ຕ່າງ​ໆ​ທີ່​ເປັນ​ປະໂຫຍດ​ແກ່​ຮ່າງກາຍ​ແລ້ວ​ ໝາກໄມ້​ບາງຢ່າງ​ຍັງ​ເປັນ​ຢາ ​ຫຼື ​ສະຫ​ມຸນ​ໄພ​ໄດ້​ອີກ​ດ້ວຍ​ ຮູ້​ແລ້ວບໍ​ວ່າ​ຫມາກໄມ້​ຊະນິດ​ໜຶ່ງ​ເມື່ອ​ຮັບປະທານ​ເຂົ້າໄປ​ແລ້ວ​ ຈະ​ເປັນ​ຕົວ​ຢາ​ຊ່ວຍ​ຖ່າຍ​ພະຍາດ​ໃຫ້​ກັບ​ຮ່າງ ກາຍ​ຂອງ​ເຮົາ​ໄດ້​ເປັນ​ຢ່າງ​ດີ​ ຫມາກໄມ້​ທີ່​ມີສັບພະຄຸນ​ດັ່ງ​ກ່າວ​ນີ້​ນັ້ນ​ກໍ​ຄື​ “ໝາກທຸ​ຣຽນ​” ເພາະ​ໃນ​ຊີ້ນໝາກ​ທຸ​ຣຽນ​ຈະ​ມີ​ສານ​ກຳ​ມະ​ຖັນ​ປະກອບ​ຢູ່​ເປັນ​ຈຳນວນ​ຫຼາຍ​ ຊຶ່ງ​ຈະ​ສັງເກດ​ໄດ້​ຈາກ​ເວລາ​ທີ່​ເຮົາ​ຮັບປະທານໝາກ​ທຸ​ຣຽນ​ຈະ​ຮູ້ສຶກ​ມີ​ອາການ​ຮ້ອນ​ໆ​ ພາຍ​ໃນ​ຮ່າງກາຍ​ຂອງ​ເຮົາ​ນັ້ນ​ເອງ​

ແລະ​ວິທີ​ການ​ຮັບປະທານ​ໝາກທຸ​ຣຽນ​ເພື່ອ​ການ​ຖ່າຍ​ພະຍາດ​ນັ້ນ​ກໍ​ເຮັດ​ໄດ້​ງ່າຍໆ​ ພຽງ​ແຕ່​ເຈົ້າ​ຕື່ນ​ແຕ່​ເຊົ້າ​ (ເວລາ​ປະ​ມານ​ 05.00 ໂມງ.​) ແລ້ວ​ຮັບປະທານ​ໝາກທຸ​ຣຽນ​ທີ່ກຽມ​ໄວ້ປະ​ມານເ​ຄິ່ງໜ່ວຍ​ ເມື່ອ​ຮັບປະທານ​ໝາກທຸ​ຣຽນ​ໝົດ​ແລ້ວ​ໃຫ້​ດື່ມ​ນ້ຳ​ອຸ່ນ​ໆ​ລົງໄປຫຼາຍ​ໆ​ ຫຼັງ​ຈາກ​ນັ້ນ​ຄວາມ​ຮ້ອນ​ໃນ​ສານ​ກຳ​ມະຖັນ​ທຳມະຊາດ​ ແລະ​ ກາກ​ໃຍ​ຈາກໝາກ​ທຸ​ຣຽນ​ກໍ​ຈະ​ດຳ​ເນີນ​ການ​ອອກ​ລິດ​ເປັນ​ຢາ​ຖ່າຍ​ພະຍາດ​ຊະນິດ​ຕ່າງ​ໆ​ໃນ​ຮ່າງກາຍ​ຂອງ​ເຮົາ​ ແລະ ​ດ້ວຍ​ວິທີ​ນີ້​ເປັນ​ການ​ຊ່ວຍ​ຊຳ​ລະ​ລ້າງ​ຂີ້ເຫຍື້ອ​ໃນ​ລຳ​ໄສ້​ທີ່ຕົກ​ຄ້າງ​ໄວ້​ໃຫ້​ອອກ​ມາ​ໄດ້​ອີກ​ດ້ວຍ​ ຫຼື​ ອາດຈະ​ເອີ້ນວ່າ​ເປັນ​ການ​ດີ​ທັອກ​​ດ້ວຍໝາກ​ທຸ​ຣຽນ​ອີກ​ວິທີ​ໜຶ່ງ​ກໍ​ໄດ້​

ຂໍ້ມູນຈາກ: news.com.la