1.ໝາກເຜັດຫວານ: ໝາກເຜັດຫວານຫຼາກສີສັນທີ່ເຮົາເຫັນກັນເຊັ່ນ ຂຽວ ເຫຼືອງ ແດງ ເຕັມໄປດ້ວຍວິຕາມິນເອແລະວິາມິນຊີ ເຊິ່ງວິຕາມິນເອຊ່ວຍບຳລຸງສາຍຕາ ວິຕາມິນຊີຊຊ່ວຍປ້ອງກັນການເກີດຕໍ້ກະຈົກ ໃນໝາກເຜັດຫວານຍັງມີວິຕາມິນບີ6 ລູທີນ ເບຕ້າແຄໂລທີນ ແລະໄລໂຄປີນເຊິ່ງລ້ວນແຕ່ມີປະໂຫຍດກັບດວງຕາ

2.ກາຣົດ: ຖືເປັນອາຫານບຳລຸງສາຍຕາທີ່ເດັດໂຕໜຶ່ງ ເພາະເບຕ້າແຄໂລທີນ ວິຕາມິນເອ ແລະລູທີນໃນກາຣົດມີລິດໃນການດູແລສຸຂະພາບຕາໂດຍກົງ ຊ່ວຍບຳລຸງໃຫ້ກະຈົກຕາໃສແຈ໋ວ ປ້ອງກັນເຊລຕ່າງໆໃນດວງຕາອີກທັງຍັງປ້ອງກັນການເກີດໂລກຕາບອດຕອນກາງຄືນໄດ້ ລູທີນໃນກາຣົດຍັງຊ່ວຍເສີມສ້າງການທຳງານຈໍປະສາດຕາ ແລະປ້ອງກັນໂລກຈໍປະສາດຕາເສື່ອມອີກດ້ວຍ

3.ຜັກໃບຂຽວ: ຜັກໃບຂຽວມີສານອາຫານທີ່ຊ່ວຍບຳລຸງສາຍຕາຫຼວງຫຼາຍຈົນປະຕິເສດບໍ່ລົງເລີຍ ບໍ່ວາຈະເປັນວິຕາມິນເອ ລູທີນ ສານຕ້ານອະນຸມູນອິດສະຫຼະ ໂດຍສະເພາະຜັກຫົມ ຜັກປ໋ວຍເລັ້ງ ຫຼືບລ໊ອກໂຄລີ້

4.ໝາກໄມ້ຕະກູນເບີລີ້: ເຮົາຮູ້ກັນດີຢູ່ແລ້ວວ່າໝາກໄມ້ຕະກູນເບີລີ້ມີປະໂຫຍດຕໍ່ສຸຂະພາບຂະໜາດໃດ ໂດຍສະເພາະບລູເບີລີ້ ແລະໂກຈິເບີລີ້ ທີມີຊື່ສຽງໃນດ້ານການບຳລຸງສາຍຕາ ປ້ອງກັນສາຍຕາເສື່ອມສະພາບ ອີກທັງສານຕ້ານອະນຸມູນອິດສະຫຼະກໍ່ຍັງປ້ອງກັນເຊວຕ່າງໆໃນດວງຕາບໍ່ໃຫ້ຖືກທຳລາຍ ແຖມໝາກໄມ້ຊະນິດນີ້ລົດຊາດຍັງແຊບອີກດ້ວຍ

5.ໄຂ່: ບໍ່ເຊື່ອກໍ່ຕ້ອງເຊື່ອ ແຕ່ພຽງກິນໄຂ່ເປັນປະຈຳກໍ່ຊ່ວຍໃຫ້ມີສຸຂະພາບດວງຕາທີ່ດີໄດ້ ເພາະໄຂ່ເຕັມໄປດ້ວຍລູທີນແລະຊີແຊນທີນ ຊ່ວຍຫຼຸດຄວາມສ່ຽງໂລກຕາທີ່ເກີດຕາມໄວ

6.ມັນດ້າງ: ວິຕາມິນເອໃນມັນດ້າງ ເປັນອີກໜຶ່ງສານອາຫານທີ່ສຳຄັນກັບສຸຂະພາບຕາ ຊ່ວຍບຳລຸງສາຍຕາ ປ້ອງກັນຕໍ້ກະຈົກ ຈໍປະສາດຕາເສື່ອມ ໂລກຕໍ້ຫິນແລະປ້ອງກັນການຕາແຫ້ງໄດ້ ອີກທັງຍັງປ້ອງກັນການຕິດເຊື້ອທີ່ດວງຕາຈົນເຮັດໃຫ້ຕາອັກເສບ

7.ປາແຊວມ່ອນ: ປາແຊວມ່ອນຖືເປັນຊຸບເປີ້ຟູດບຳລຸງສາຍຕາບຳລຸງສາຍຕາ ໂດຍສະເພາະໃຜທີ່ມັກຈ້ອງໜ້າຈໍດົນໆຈົນຕາແຫ້ງ ເພາະປາແຊວມ່ອນເຕັມໄປດ້ວຍ DHA ເຊິ່ງເປັນກົດທີ່ມີຢູ່ໃນຈໍປະສາດຕາ ອີກທັງຍັງຊ່ວຍປ້ອງກັນອາການຕາແຫ້ງໄດ້ອີກດ້ວຍ ບໍ່ພຽງເທົ່ານັ້ນໄຂມັນໂອເມກ້າ 3 ຍັງຊ່ວຍບຳລຸງສາຍຕາໄດ້

8.ອາໂວຄາໂດ: ເປັນໝາກໄມ້ທີ່ເຕັມໄປດ້ວຍລູທີນ ເບຕ້າແຄໂລທີນ ວິຕາມິນບີ6 ແລະວິຕາມິນຊີ ເຊິ່ງລ້ວນແຕ່ມີຄວາມສຳຄັນຕໍ່ສຸຂະພາບດວງຕາ ຊ່ວຍປ້ອງກັນອາການຕາຝ້າຟາງ ອີກທັງຍັງຊ່ວຍຊະລໍອາການເສື່ອມສະພາບຂອງດວງຕາຕາມໄວໄດ້

9.ຖົ່ວອັນມ່ອນ: ອັນມ່ອນເປັນແຫຼ່ງທີ່ເັມໄປດ້ວຍໄຂມັນໂອເມກ້າ 3 ທີ່ມີສ່ວນສຳຄັນໃນການບຳລຸງສາຍຕາ ນອກຈາກນີ້ກໍ່ຍັງມີສານຕ້ານອະນຸມູນອິດສະຫຼະ ສັງກະສີແລະວິຕາມິນອີ ອັນມີຊັບພະຄຸນໃນຊ່ວຍຊະລໍພາວະຈໍປະສາດຕາເສື່ອມ ວ່າກັນວ່າຖົ່ວອັນມ່ອນພຽງ 1 ກຳມືກໍ່ໄດ້ວິຕາມິນອີເຖິງ 50% ຂອງປະລິມານທີ່ຄວນໄດ້ຮັບຕໍ່ວັນ

10.ຊາ: ບໍ່ວ່າຈະເປັນຊາຂຽວ ຊາດຳ ຫຼືຊາອູ່ຫຼົງກໍ່ລ້ວນແຕ່ມີປະໂຫຍດໂດດເດັ່ນໃນເລື່ອງຂອງການບຳລຸງສາຍຕາ ເພາະຊາເຕັມໄປດ້ວຍສານຕ້ານອະນຸມູນອິດສະຫຼະ ປ້ອງກັນບໍ່ໃຫ້ເຊວຕ່າງໆຖືກທຳລາຍ ລວມທັງເຊວຕ່າງໆໃນດວງຕາອີກດ້ວຍ ທັງຍັງປ້ອງກັນການກໍ່ໂຕຂອງຕໍ້ກະຈົກ ແລະພາວະຈໍປະສາດຕາເສື່ອມໄດ້ອີກດ້ວຍ

ຂໍ້ມູນຈາກ: news.com.la