1. ຊ່ວຍຫຼຸດນ້ຳໜັກ: ກະຫຼ່ຳດອກມີແຄລລໍລີຕ່ຳຫຼາຍ ປະລິມານ 100 ກຼາມໃຫ້ພະລັງງານພຽງ 26 ແຄລໍລີ້ ອີກທັງມີສານຕ້ານອະນຸມູນອິດສະຫຼະ ແຮ່ທາດ ແລະ ວິຕາມິນທີ່ເປັນປະໂຫຍດຕໍ່ຮ່າງກາຍຫຼາຍຊະນິດ.

2.ຕ້ານມະເຮັງ: ມີສານຊັນໂຟຣາເຟນ  (Sulforaphane) ແລະ ສານ indole-3-carbinol ເຊິ່ງສານເຫຼົ່ານີ້ເປັນສານຕ້ານອະນຸມູນອິດສະຫຼະທີ່ຊ່ວຍປ້ອງກັນມະເຮັງຕ່ອມລູກໝາກ, ມະເຮັງເຕົ້ານົມ, ມະເຮັງປາກມົດລູກ, ມະເຮັງລຳໄສ້, ມະເຮັງຮັງໄຂ່.

3. ຊ່ວຍສ້າງພູມຄຸ້ມກັນໃຫ້ແຂງແຮງ : ເປັນແຫຼ່ງຂອງວິຕາມິນຊີ ປະລິມານພຽງ 100 ກຼາມໃຫ້ປະລິມານວິຕາມິນຊີ 48.2 ມິນລີກຼາມ ເຊິ່ງວິຕາມິນຊີເປັນສານຕ້ານອະນຸມູນອິດສະຫຼະຈາກທຳມະຊາດ ທີ່ຈະຊ່ວຍເສີມສ້າງພູມຄຸ້ມກັນ ແລະ ປ້ອງກັນການຕິດເຊື້ອ.

4. ບຳລຸງແມ່ຍິງຖືພາ: ມີໂຟເຫຼດເຊິ່ງເປັນສານອາຫານທີ່ຈຳເປັນຫຼາຍສຳລັບຜູ້ຍິງທີ່ກຳລັງຖືພາ ເຊິ່ງມີຜົນຕໍ່ການຈະເລີນເຕີບໂຕຂອງເດັກໃນທ້ອງ ຈຶ່ງຊ່ວຍປ້ອງກັນຂໍ້ບົກພ່ອງໃນເດັກແລກເກີດ.

5. ຂັບສານພິດໃນຮ່າງກາຍ: ມີໄຟເບີ້ສູງ ຈຶ່ງຊ່ວຍກະຕຸ້ນລຳໄສ້ເຮັດໃຫ້ກາກອາຫານນຸ້ມລົງ ແກ້ອາການທ້ອງຜູກໄດ້ດີ ມີເສັ້ນໄຍອາຫານສູງ ຈຶ່ງຊ່ວຍລະບົບທາງເດີນອາຫານ ດູດຊືມສານພິດທີ່ສະສົມຢູ່ຕາມຜະໜັງລຳໄສ້ໃຫ້ອອກໄປ.

6. ເຕັມໄປດ້ວຍກຸ່ມວິຕາມິນບີລວມທີ່ສຳຄັນ ເຊັ່ນ: ໂຟເລດ ວິຕາມິນບີ 3, ວິຕາມິນບີ 5, ບີ 6 ແລະ ວິຕາມິນບີ 1 ເຊິ່ງຈຳເປັນສຳລັບການເຜົາຜານໄຂມັນ ໂປຣຕີນ ຄາໂບໄຮເດດ.

7. ເຕັມໄປດ້ວຍແຮ່ທາດສຳຄັນ ເຊັ່ນ:  ແມງການີສ ທອງແດງ ເຫຼັກ ແຄນຊຽມ ແລະ ໂພເທສຊຽມ.

ຂໍ້ມູນຈາກ: news.com.la