ພິມ
ໝວດ: ຮູ້ໄວ້ໄດ້ປະໂຫຍດ
ກົດເບິ່ງ: 1551

ໝາກມ່ວງຫິມມະພານ ຫຼື Cashew  ມີຊື່ວິທະຍາສາດວ່າ Anacardium occidentale L ໝາກມີລັກສະນະຄ້າຍໝາກກ້ຽງ ສ່ວນຂອງໝາກມ່ວງຫິມມະພານຈະຍື່ນອອກມາມີ 2 ພັນຄື ສີແດງແລະ ສີເຫຼືອງ ມີຄຸນຄ່າທາງສານອາຫານສູງ ຈຶ່ງຄວນກິນເປັນປະຈຳເພື່ອສຸຂະພາບທີ່ດີ.

ສັບພະຄຸນຂອງໝາກມ່ວງຫິມມິພານ

1. ປ້ອງກັນໄຂມັນອຸດຕັນໃນເສັ້ນເລືອດ ໝາກມ່ວງຫິມມະພານມີກົດໄລໂນເລອິກ ຈຶ່ງຊ່ວຍປ້ອງກັນໄຂັມັນອຸດຕັນໃນເສັ້ນເລືອດ ທັງຊ່ວຍຫຼຸດຄວາມສ່ຽງການເກີດໂລກກ່ຽວກັບເສັ້ນເລືອດ ແລະ ຫົວໃຈ.

2. ປ້ອງກັນໂລກຫົວໃຈ ມີກົດໄຂມັນອີ່ມໂຕເຊີງດ່ຽວ ເຊິ່ງກົດນີ້ ມີປະໂຫຍດຕໍ່ຮ່າງກາຍ ຊ່ວຍເພີ່ມລະດັບໄຂມັນຊະນິດດີ ແລະ ຫຼຸດໄຂມັນບໍ່ດີ ຈຶ່ງມີປະໂຫຍດຕໍ່ຫຼອດເລືອດແດງ ເພາະຈະຊ່ວຍຫຼຸດໄຂມັນບໍ່ດີໃນຫຼອດເລືອດ ຊ່ວຍໃຫ້ຫົວໃຈທຳງານດີຂຶ້ນ.

3. ມີໄຂມັນຊະນິດດີສູງ ເມັດມ່ວງຫິມມະພານມີແຄລໍລີ້ສູງໃນປະລິມານ 100 ກຼາມ ໃຫ້ແຄລໍລີ້ເຖິງ 553 ກິໂລແຄລໍລີ້ ແຕ່ກໍ່ມີໄຂມັນຊະນິດດີ 75% ຂອງໄຂມັນທັງໝົດ ເຊິ່ງຈະຊ່ວຍຫຼຸດຄໍເລັດເຕີລອນຊະນິດບໍ່ດີ.

4. ປ້ອງກັນໂລກຫຼອດເລືອດຫົວໃຈ ມີການສຶກສາວິໃຈເມັດມ່ວງຫິມມະພານ ພົບວ່າ ເຕັມໄປກ້ວຍກົດໄຂມັນບໍ່ອິ່ມໂຕເຊີງດ່ຽວ ເຊິ່ງມີສ່ວນຊ່ວຍໃນການປ້ອງກັນໂລກຫຼອດເລືອດຫົວໃຈ ແລະ ໄຂມັນອຸດຕັນໃນເສັ້ນເລືອດ.

5. ບັນເທົາອາການປວດໄມເກນ ເມັດມ່ວງຫິມມະພານມີແມັກນະຊຽມ ຊ່ວຍເພີ່ມການໄຫຼວຽນຂອງເລືອດໃນຮ່າງກາຍ ຊ່ວຍຫຼຸດຄວາມຄຽດ ຊ່ວຍຫຼຸດຄວາມຮຸນແຮງຂອງອາການປວດໄມເກນໃຫ້ຫຼຸດໜ້ອຍລົງ ຈຶ່ງເຮັດໃຫ້ຮູ້ສຶກຜ່ອນຄາຍນອນຫຼັບງ່າຍຂື້ນ.

6. ເຕັມໄປດ້ວຍກຸ່ມວິຕາມິນບີລວມ ບີ1 ບີ2 ບີ3 ບີ5 ບີ6 ແລະ ໂຟເຫຼດ ຊ່ວຍໃນການເຜົາຜານອາຫານ ແລະ ຊ່ວຍປ້ອງກັນໂລກບາງຊະນິດໄດ້.

7. ປ້ອງກັນການເສື່ອມຂອງສາຍຕາ ເພາະມີສານຕ້ານອະນຸມູນອິດສະຫຼະທີ່ຊື່ວ່າລູທີນ ແລະ ຊີແຊນທີນ ຊ່ວຍປ້ອງກັນຄວາມເສຍຫາຍຂອງຈໍປະສາດຕາ ຈຶ່ງຊ່ວຍປ້ອງກັນໂລກຈໍປະສາດຕາເສື່ອມໃສຜູ້ສູງອາຍຸ.

8. ປ້ອງກັນເລືອດຈາງ ໝາກມ່ວງຫິມມະພານຍັງມີທາດເຫຼັກ ເຊິ່ງເປັນສານອາຫານທີ່ມີສ່ວນສຳຄັນໃນການຜະລິດຮິໂມໂກບິນ ແລະ ມີໜ້າທີ່ໃນການສ້າງເຊວເມັດເລືອດແດງ ຈຶ່ງຊ່ວຍບຳລຸງເລືອດ ແລະ ປ້ອງໂລກເລືອດຈາງໄດ້.

ຂໍ້ມູນຈາກ: news.com.la