ຫລາຍໆຄົນ ເລືອກກາເຟ ເປັນເຄື່ອງດື່ມຂອງການເລີ່ມຕົ້ນວັນໃໝ່ ໃນທຸກໆເຊົ້າ ຫລື ໃນເວລາຫວ່າງຈາກການທຳງານ, ແຕ່ຫລາຍຄົນ ອາດບໍ່ຮູ້ດອກວ່າ ຮ່າງກາຍຂອງທ່ານ ຈະມີການປ່ຽນແປງຄືແນວໃດ ເຊີ່ງຜູ້ຊ່ຽວຊານດ້ານໂພສະນາການ ໄດ້ເຜີຍ 14 ສີ່ງທີ່ເກີດຂຶ້ນກັບຮ່າງກາຍ ເມື່ອທ່ານດື່ມເປັນປະຈຳ ແຕ່ລະຢ່າງມີຫຍັງແດ່ ບັນດາຄໍກາເຟ ຫ້າມພາດ ເຮົາມາເບີ່ງໄປພ້ອມໆກັນເລີຍ:

  1. ກາເຟ ສາມາດຫລຸດອັດຕາຄວາມສ່ຽງການເປັນໂລກຫົວໃຈເຖີງ 26% ໂດຍສະເພາະແມ່ນເພດຍິງ ເຊີ່ງມີການວິໄຈພົບວ່າ ຄົນທີ່ດື່ມກາເຟ ວັນລະບໍ່ເກີນ 6 ຈອກ ມີສ່ວນຊ່ວຍຫລຸດຄວາມສ່ຽງການເປັນໂລກຫົວໃຈຫລາຍຂຶ້ນ ເນື່ອງຈາກສານນີໂຄຕີນ ( ບໍ່ແມ່ນຊະນິດທີ່ມີໃນຢາສູບ ແຕ່ແມ່ນຊະນິດວິຕາມິນບີລວມ ) ໃນກາເຟ ຈະໄປຊ່ວຍຫລຸດຄໍເລສເຕີຣອນໃນເລືອດ ບໍ່ເຮັດໃຫ້ເລືອດແຂງຕົວ ແລະ ທັງເປັນການຊ່ວຍຫລຸດພະວະໄຂມັນໃນເລືອດອີກດ້ວຍ.

  2. ກາເຟ ຫລຸດໂອກາດເປັນໂລກເບົາຫວານເຖີງ 60% ຜູ້ທີ່ດື່ມກາເຟວັນລະ 4 ຈອກ ຈະມີໂອກາດເປັນໂລກເບົາຫວານນ້ອຍກ່ວາຄົນທີ່ບໍ່ດື່ມ.

 3. ກາເຟ ຊ່ວຍຫລຸດອາການຄວາມຈຳເສື່ອມ ແລະ ໂລກອັນໄຊເມີ ໄດ້ເຖີງ 65% ໃນການສຶກສາຂອງປະເທດຟີນແລນ ໂດຍໃຫ້ຄົນໄວກາງຄົນ ດື່ມກາເຟວັນລະ 5 ຈອກ ພົບວ່າ ຫລຸດອັດຕາຄວາມສ່ຽງຂອງໂລກອັນໄຊເມີ່ ແລະ ໄດ້ເພີ່ມຄວາມຈຳໄລຍະສັ້ນ ໃຫ້ມີຄວາມຈຳທີ່ດີກ່ວາຄົນທີ່ບໍ່ດື່ມກາເຟ ແລະ ເປັນການກະຕຸ້ນສະໝອງໃຫ້ທຳງານໄດ້ດີ ແລະ ໄວຂຶ້ນ.

4. ກາເຟ ຊ່ວຍບັນເທົາອາການປວດຫົວ ເນື່ອງຈາກກາເຟ ມີສານກາເຟອິນ ( ທີ່ເປັນທາດແອນກໍຮໍ ) ຈະຊ່ວຍຂະຫຍາຍຫລອດເລືອດ ເພີ່ມການໄຫລວຽນຂອງເລືອດໄດ້ດີ ແລະ ມີຄຸນສົມບັດລະງັບຄວາມເຈັບປວດໄດ້.

5. ຊ່ວຍຢັບຢັ້ງການເກີດມະເລັງໄດ້ ເຖີງ 50% ຈາກຜົນການວິໄຈໃນປະເທດຍີປຸ່ນ ພົບວ່າ ຜູ້ຍິງທີ່ດື່ມກາເຟວັນລະ 3 ຈອກ ຈະຊ່ວຍຫລຸດຄວາມສ່ຽງການເກີດມະເລັງລຳໄສ້ໃຫຍ່ໄດ້ ແລະ ຜູ້ຊາຍທີ່ດື່ມກາເຟວັນລະ 6 ຈອກ ຈະຫລຸດຄວາມສ່ຽງເປັນມະເລັງຕ່ອມລູກໝາກ ເພາະວ່າ ໃນກາເຟ ມີກົດອາເຊຕິກ ທີ່ຊ່ວຍຢັບຢັ້ງ ແລະ ທຳລາຍເຊລຜິດປົກກະຕິ ກຳຈັດສານພິດພາຍໃນຮ່າງກາຍ ຈຶ່ງເປັນການປ້ອງກັນການເກີດມະເລັງໄລຍະແລກໄດ້ຫລາຍຊະນິດ.

6. ຊ່ວຍຫລຸດໂອກາດເປັນໂລກໜີ້ວຖົງບີ ເຖີງ 50% ຈາກການວິໄຈ ພົບວ່າ ຄົນທີ່ດື່ມກາເຟປະມານ 4 ຈອກຕໍ່ວັນ ຫລື ຫລາຍກ່ວານັ້ນ ຈະມີອັດຕາການເປັນໂລກໜີ້ວຖົງນ້ຳບີນ້ອຍລົງ.

7. ຊ່ວຍປ້ອງກັນ ແລະ ບັນເທົາອາການໂລກຫອບຫືດ ເນື່ອງຈາກວ່າ ສານກາເຟອິນ ຊ່ວຍລະງັບຄວາມຄຽດຂອງປະສາດສຳຜັດສຳຮອງ ເຊີ່ງເປັນສາເຫດສຳຄັນໃຫ້ເກີດອາການໂລກຫອບຫືດ ( ຄົນທີ່ເປັນໂລກຫອບຫືດ ຄວນຈະໄດ້ພິສູດລອງເບີ່ງສາແລ້ວ ).

8. ຊ່ວຍຫລຸດຄວາມຄຽດໄດ້ ເຖີງ 15 – 20%  ໂດຍມີຜົນການວິໄຈວ່າ ການດື່ມກາເຟ ວັນລະ 3 – 4 ຈອກ ຈະຫລຸດຄວາມຄຽດໄດ້ເຖີງ 20% ເພາະປະລິມານກາເຟອິນທີ່ເໝາະສົມ ຈະສາມາດສ້າງໃຫ້ລະບົບປະສາດຂອງເຮົາມີຄວາມແຈ່ມໃສໄດ້.

9. ການດື່ມກາເຟຫລັງອາຫານ ຈະເປັນການຊ່ວຍສະຫລາຍໄຂມັນໃນອາຫານທີ່ເຮົາກິນລົງໄປ ຈຶ່ງເປັນຜົນດີໃນການຄວບຄຸມນ້ຳໜັກ ຫລື ໂລກຕຸ້ຍນັ້ນເອງ.

10. ຊ່ວຍໃນການຫລີ້ນກິລາໃຫ້ດີຂຶ້ນ ເພາະສານກາເຟອິນ ຈະເປັນຕົວຊ່ວຍບັນເທົາອາການປວດ ແລະ ເມື່ອຍຂອງກ້າມຊີ້ນໄດ້ ເຖີງ 50%.

11. ກາເຟ ຊ່ວຍຫລຸດການເກີດໂລກພາຣກີນສັນ ເຖີງ 25%.

12. ຊ່ວຍຫລຸດອັດຕາຄວາມສ່ຽງຂອງໂລກເກົາໄດ້ ເຖີງ 60% ມີຜົນການວິໄຈວ່າ ຄົນທີ່ມີອາຍຸ 40 ປີຂຶ້ນໄປ ຖ້າດື່ມກາເຟ ວັນລະ 3 – 6 ຈອກ ຈະຊ່ວຍຫລຸດອາການອັກເສບຂອງຂໍ້ ທີ່ມີສາເຫດຈາກການມີກົດຍູຣິກເກີນຂະໜາດ.

13. ຊ່ວຍໃຫ້ຜີວໜັງສົດໃສ ແລະ ບໍ່ແກ່ກ່ອນໄວ ກາເຟ ມີສານຕ້ານອະນຸມູນອິດສະຫລະສູງ ຊຶ່ງມີສັບພະຄຸນ ຊ່ວຍໃຫ້ຜິວໜັງແຂງແຮງ ປ້ອງກັນບໍ່ໃຫ້ເກີດຮອຍແຫ່ວແຫ້ງ ແລະ ສາມາດຂັບສານພິດທີ່ສະສົມຢູ່ນຳຜິວໜັງໄດ້ດີອີກດ້ວຍ.

14. ກາເຟ ຊ່ວຍໃຫ້ຜູ້ດື່ມຫາຍຈາກອາການງ້ວງນອນ ແລະ ອ່ອນເພຍ ກັບມາມີອາການສົດຊື່ນ ແຕ່ເປັນຊ່ວງໄລຍະເວລາສັ້ນໆເທົ່ານັ້ນ.

ຂອບໃຈຂໍ້ມູນຈາກ: http://www.khwamjing.com/contents/3187