ຂໍ້ມູນຈາກ: www.news.com.la

ການອຸ່ນ ຫຼື ເກັບອາຫານດຽວນີ້ກໍ່ສະດວກສະບາຍຂຶ້ນຫຼາຍ ພຽງໃຊ້ພລາສຕິກຫຸ້ມຫໍ່ອາຫານ (Plastic Wrap) ຫໍ່ອາຫານໃຫ້ແໜ້ນ ແລ້ວນໍາເຂົ້້າເຕົາໄມໂຄຣເວບ ຫຼື ນໍາໄປເກັບໄວ້ໃນຕູ້ເຢັນເທົ່ານີ້ກໍ່ສໍາເລັດແລ້ວ ແຕ່ໃນຕວາມສະດວກສະບາຍແບບນີ້ຮູ້ໂຕບໍ່ວ່າໄພຮ້າຍຈາກພລາສຕິກອອ່ນໃສ ກໍາລັງເຄື່ອນເຂົ້າມາເລື້ອຍໆ ຮູ້ໂຕພາຍຫຼັງກໍ່ອາດຈະເປັນພະຍາດ ຫຼື ເຈັບໄຂ້ໂດຍໂລກໄພໄປແລ້ວກໍ່ໄດ້.

ໃນພລາສຕິກອ່ອນທຸກຊະນິດ ຢ່າງເຊັ່ນ : ພລາສຕິກຫຸ່ມຫໍ່ອາຫານ, ບັດເຄຣດິດ, ຜ້າກັ້ງຫ້ອງນໍ້າ ແລະ ອື່ນໆ ຈະມີສານເຄມີທີ່ຊື່ວ່າ ພາທາເລດ (phthalate) ປະກອບຢູ່ນໍາ ເພື່ອຊ່ວຍເພີ່ມຄວາມອ່ອນໃນວັດຖຸ ເຊິ່ງຫາກເຮົາໄດ້ຮັບສານໂຕນີ້ເຂົ້້າໄປຫຼາຍໆກໍ່ຈະສ່ຽງເປັນໂລກຄວາມດັນເລືອດສູງ

ໂດຍໄດ້ຮັບການຢືນຢັນຈາກງານວິໄຈຂອງສະຖາບັນທີ່ໄດ້ເກັບຜົນທົດສອບຈາກກຸ່ມຕົວຢ່າງໃນຕອນເດັກອາຍຸ 6 – 19 ປີ ແລະ ພົບວ່າເດັກທີ່ໄດ້ຮັບສານເຄມີທາພາເລດຈະມີພາວະຄວາມດັນເລືອດສູງກວ່າເດັກກຸ່ມທີ່ບໍ່ໄດ້ຮັບສານເຄມີໂຕນີ້.

ຟັງເບິ່ງແລ້ວອາດຈະບໍ່ມີອັນຕະລາຍເທົ່າໃດ ແຕ່ຄວາມຈິງແລ້ວເປັນອັນຕະລາຍໃນໄລຍະຍາວຕ່າງຫາກ ເພາະສານເຄມີໂຕນີ້ຈະເຮັດໃຫ້ຮ່າງກາຍເກີດພາວະຄວາມຄຽດອອກຊິເດຊັ່ນ (oxidative stress)

ເຊິ່ງກໍ່ຄືການທີ່ເຊລຖືອານຸມູນອິດສະລະທໍາລາຍ ເປັນສາເຫດຂອງໂລກແຫ່ງຄວາມເສື່ອມແຜ່ຫຼາຍກວ່າ 70 ຊະນິດ ເຊິ່ງລ້ວນເປັນພື້ນຖານຂອງການເກີດໂລກຫຼອດເລືອດຫົວໃຈແຂງຕົວ,​ ໂລກມະເຣັງ,​ ໂລກຫຼອດເລືອດສະໝອງ,​ຂໍ້ຕໍ່ອັກເສບ, ການແຂງຕົວຂອງເນືື້ອເຍື່ອຊໍ້າຊ້ອນ, ໂລກຄວາມຈໍາສັ້ນ ແລະ ຄວາມເສື່ອມສະເພາະຈຸດ.

ນອກຈາກນີ້ ສານພາທາເລດທີ່ແຝງໂຕຢູ່ໃນພລາສຕິກຫຸ້ມຫໍ່ອາຫານ ຍັງເປັນໂຕການລົບກວນການເຮັດວຽກຂອງຕ່ອມໄຮ້ທໍ່ໃນຮ່າງກາຍມະນຸດ ໂດຍສະເພາະກັບບຸກຄົນທີ່ມີຄວາມຜິດປົກກະຕິ ແລະ ເລັ່ງການຈະເລີນເຕີບໂຕຂອງເດັກຜູ້ຍິງ ເຮັດໃຫ້ໃຫຍ່ເກີນອາຍຸ ແລະ ຍັງມີສ່ວນໃຫ້ເກີດໂລກເບົາຫວານ,​ ສະມາທິສັ້ນ,​ໂລກພູມແພ້ ຫຼື ໂລກຫອບຫືດອີກດ້ວຍ.

ດັ່ງນັ້ນການຫຼີກລ່ຽງບໍ່ກ່ຽວຂ້ອງກັບສານເຄມີໂຕນີ້ກໍ່ຈະດີຫຼາຍ ໂດຍຫຼີກລ່ຽງການກິນອາຫານສໍາເລັດຮູບ ຫຼື ອາຫານທີ່ຢູ່ໃນຫີບຫໍ່ພລາສຕິກ ແລະ ທີ່ສໍາຄັນບໍ່ຄວນຫໍ່ອາຫານດ້ວຍພລາສຕິກຫຸ້ມຫໍ່ອາຫານ ແລ້ວນໍາເຂົ້້າໄປອຸ່ນໃນໄມໂຄຣເວບ ຄວນຫັນມາເກັບມ້ຽນອາຫານໃນຖ້ວຍທີ່ເປັນແກ້ວຈະດີກວ່າ ຍອມສະຫຼະຄວາມສະດວກສະບາຍພຽງເລັກນ້ອຍເພື່ອປ້ອງກັນໂລກໄພອັນຕະລາຍ ແລະ ເພື່ອສຸຂະພາບທີ່ດີຂອງເຮົາທຸກຄົນ.

ຢ່າລືມແບ່ງປັນໃຫ້ຄົນທີ່ທ່ານຮັກ ສຳລັບທ່ານໃດມີຂໍ້ມູນດີໆ ກໍ່ສາມາດແບ່ງປັນກັນ