ແກ້ວ​ມັງ​ກອນ​ ເປັນ​ໝາກໄມ້​ທີ່​ຫຼາຍ​ໆ​ຄົນ​ມັກ​ ເປັນ​ໝາກໄມ້​ທີ່​ມີ​ໄຟ​ເບີ​​ ແຄ​ໂລທີນ​ ແຄລ​ຊຽມ​ ວິ​ຕາ​ມິນ​ B, C ສູງ​ ຊ່ວຍ​ຫຼຸດ​ຄວາມ​ດັນ​ເລືອດ​ ໄຂ​ມັນ​ໃນ​ເລືອດ​ ຊ່ວຍ​ລ້າງ​ປອດ​ ຂັບ​ສານ​ພິດ​ ບຳລຸງ​ຜິວ​ ບຳລຸງ​ສາຍ​ຕາ​ ແລະ​ ອື່ນ​ໆ​ອີກ​​

1. ແກ້ວ​ມັງ​ກອນ​ ຖື​ເປັນ​ຫມາກໄມ້​ເຢັນ​ ເຮັດໃຫ້​ຖອກທ້ອງ​ໄດ້​ງ່າຍ​ ມື​ຕີນ​ອ່ອນ​ແຮງ​ ຄົົນທີ່​ຮ່າງກາຍ​ເຢັນ​ບໍ່​ຄວນ​ກິນ​ຫຼາຍ​.

2. ຜູ້ຍິງ​ບໍ່​ຄວນ​ກິນຫຼາຍ ຮ່າງກາຍ​ຂອງ​ຜູ້ຍິງ​ຈະ​ຂ້ອນ​ຂ້າງ​ເຢັນ​ ເພາະສະນັ້ນ​ພະຍາຍາມ​ຢ່າ​ກິນ​ແກ້ວ​ມັງ​ກອນ​ຫຼາຍ.
3. ອີກ​ຢ່າງ​ ຜູ້ຍິງ​ທີ່​ກຳ​ລັງ​ມີ​ປະຈຳ​ເດືອນ​ ຮ່າງກາຍ​ຈະ​ເຢັນ​ຫຼາຍ​ ຊ່ວງ​ເວລາ​ນີ້​ບໍ່​ຄວນ​ກິນ​ ເພື່ອ​ຫຼີກ​ລ້ຽງ​ບໍ່​ໃຫ້​ໄປ​ຂັດ​ຂວາງ​ການ​ໄຫຼ​ຂອງ​ປະຈຳ​ເດືອນ​.

4. ຄົນ​ທ້ອງ​ຕ້ອງລະ​ວັງ​ເປັນ​ພິເສດ​ ແກ້ວ​ມັງ​ກອນ​ມີ​ Plant albumin ເພາະ​ສະນັ້ນຄົນ​ທ້ອງ​ທີ່​ມີ​ອາການ​ແພ້​ຕ້ອງ​ລະ​ວັງ​.
5. ບໍ່​ຄວນ​ຮັບປະທານ​ແກ້ວ​ມັງ​ກອນພ້ອມກັບນົມ​ ເພື່ອ​ຫຼີກ​ລ້ຽງ​ບັນຫາ​ການ​ຍ່ອຍ​ອາຫານ.​

6. ເວລາ​ເລືອກ​ຊື້​ແກ້ວ​ມັງ​ກອນ​ສາມາດ​ເບິ່ງ​ຈາກ​ເປືອກ​ສີ​ແດງ​ຂອງ​ມັນ​ ຍິ່ງ​ແດງ​ຍິ່ງດີ​ ອີກ​ຢ່າງ​ບໍລິເວນ​ “ໃບ​ທີ່​ປ່ຽນ​ຮູບ​” ຂອງ​ມັນຍິ່ງ​ຂຽວຍິ່ງ​ແປ​ວ່າສົດ​ ຖ້າ​ມັນ​ເລີ່ມ​ເປັນ​ສີ​ເຫຼືອງ​ ແປວ່າ​ແກ້ວ​ມັງ​ກອນ​ໜ່ວຍນັ້ນ​ເລີ່ມ​ບໍ່​ສົດ​ແລ້ວ​ ເພາະສະນັ້ນເວລາ​ເລືອກ​ຊື້​ຕ້ອງ​ສັງເກດ​ດີ​ໆ.​

7. ກ່ອນ​ຜ່າ​ແກ້ວ​ມັງ​ກອນ​ຕ້ອງ​ລ້າງ​ໃຫ້​ສະ​ອາດ​ ຈຳ​ໄວ້​ວ່າ​ຕ້ອງ​ລ້າງ​ເປືອກ​ໃຫ້​ສະ​ອາດ​ ເພື່ອ​ຫຼີກ​ລ້ຽງ​ບໍ່​ໃຫ້​ແບັກ​ທີ​ເຣຍໃນ​ເປືອກ​ເຂົ້າໄປ​ໃນ​ເນື້ອໄດ້​.

8. ຖ້າ​ເປັນ​ແກ້ວ​ມັງ​ກອນ​ທີ່​ຊື້​ມາ​ແບບ​ຊອຍ​ຮຽບຮ້ອຍ​ແລ້ວ​ ແນະ​ນຳ​ໃຫ້​ຟ້າວ​ຮັບປະທານ​ໃຫ້​ໝົດ​ ສະຖານ​ທີ່​ສຳລັບ​ເກັບ​ຕ້ອງ​ເປັນ​ບ່ອນ​ເຢັນ​ ແຕ່​ຫ້າມ​ເອົາເຂົ້າ​ຕູ້​ເຢັນ​ເດັດ​ຂາດ​! ເນື່ອງ​ຈາກ​ແກ້ວ​ມັງ​ກອນ​ຖື​ເປັນ​ໝາກໄມ້​ເຂດ​ຮ້ອນ​ ຖ້າ​ຢູ່ໃນ​ຕູ້​ເຢັນ​ໂດຍ​ທີ່​ບໍ່​ມີ​ເປືອກ​ປົກ​ປ້ອງ​ ເນື້ອ​ແກ້ວ​ມັງ​ກອນ​ຈະ​ເສຍ​ໄດ້​ງ່າຍ​.

9. ຄົົນທີ່​ຮ່າງກາຍ​ມີ​ອາການ​​ຂີ້ກະເທີ​ ມີ​ເລືອດ​ອອກ​ ຄວນ​ຈະ​ຮັບປະທານ​ໃຫ້​ໜ້ອຍ​ລົງ​ ສາມາດ​ເຮັດ​ເປັນ​ນ້ຳ​ໝາກໄມ້​ດື່ມ​ຫຼັງ​ກິນ​ເຂົ້າ​.

10. ສຸດ​ທ້າຍ​ ຫຼາຍ​ໆ​ຄົນ​ເຊື່ອ​ວ່າ​ແກ້ວ​ມັງ​ກອນ​ເປັນໝາກໄມ້​ທີ່​ມີ​ນ້ຳ​ຕານ​ນ້ອຍ ​ເນື່ອງ​ຈາກ​ມັນ​ບໍ່​ຄ່ອຍ​ຫວານ​ ແຕ່​ແທ້ໆ​ແລ້ວ​ນ້ຳ​ຕານ​ໃນ​ແກ້ວ​ມັງ​ກອນ​ເປັນ​ຄົນ​ລະ​ຊະນິດ​ກັບ​ນ້ຳ​ຕານ​ໃນໝາກໄມ້​ ມັນ​ເປັນ​ກູ​ໂຄສ​ທີ່​ສາມາດ​ດູດ​ຊືມ​ໄດ້​ງ່າຍ​ ມີ​ນ້ຳ​ຕານ​ສູງ​ ດັ່ງ​ນັ້ນ​ ຜູ້​ປ່ວຍ​ພະຍາດ​ເບົາ​ຫວານ​ຄວນ​ຮັບປະທານ​ໃຫ້​ນ້ອຍ​ ເພື່ອ​ຫຼີກ​ລ້ຽງ​ນ້ຳ​ຕານ​ຂຶ້ນ.​

ເຖິງວ່າ​ແກ້ວ​ມັງ​ກອນ​ຈະ​ມີ​ຂໍ້​ດີ​ຫຼາຍ​ ແຕ່​ໃນ​ແງ່​ຂອງ​ໂພຊະນາ​ການ​ອາຫານ​ກໍ​ບໍ່​ຄວນ​ບໍລິໂພກຫຼາຍຈົນເກີນໄປ

ຂໍ້ມູນຈາກ: www.news.com.la