ອາຫານ ແລະ ສ່ວນປະສົມ ທີ່ຈຳເປັນບາງຢ່າງ ນອກຈາກຈະມີຄຸນປະໂຫຍດດ້ານໂພຊະນາການແລ້ວ ຖ້າຫາກຮັບປະທານຫລາຍເກີນໄປ ຫລື ບໍ່ຖືກກັບເວລາ ກໍ່ຈະນຳຜົນເສຍມາໃຫ້ຄົນເຮົາ, ດັ່ງອາຫານ 10 ຊະນິດ ທີ່ຈະນຳສະເໜີ ຕໍ່ໄປນີ້:

1. ໄຂ່​ຍ່ຽວ​ມ້າ ຖ້າ​ກິນ​ຫລາຍ​ເລື້ອຍໆ ອາດ​ເກີດ​ພິດ​ຈາກ​ສານ​ຊືນ ການ​ດູດ​ຊຶມ ​ແຄ​ຊຽມຫ​ລຸດ​ນ້ອຍ​ລົງ ຂາດ​ແຄ​ຊຽມ​ເຮັດໃຫ້​ກະດູກ​ຜ່ອຍ​ໄດ້.

2. ເຂົ້າໜົມຄູ່ ໃຊ້​ສານ​ສົ້ມ ເຊິ່ງ​ມີ​ຊືນ ເປັນ​ພິດ​ຕໍ່​ເຊລສະຫມອງ ຄວາມ​ຈຳ​ເສື່ອມ ຄໍ​ແຫ້ງ ເຈັບ​ຄໍ.

3. ຊີ້ນປິ້ງ ເກີດ​ສານ​ເບນ​ໂຊ​ໄພ​ລິນ ກໍ່​ເກີດມະ​ເຮັງ.

4. ຜັກ​ດອງ ເກີດ​ການ​ສະ​ສົມ​ເກືອ​ໂຊ​ດຽມ ຫົວ​ໃຈ​ເຮັດວຽກ​ໜັກ ເກີດ​ຄວາມ​ດັນ​ເລືອດ​ສູງ ເປັນ​ພະຍາດ​ຫົວ​ໃຈ​ງ່າຍ.

5. ຕັບ​ຫມູ 1ກິໂລກຣາມ ມີ​ຄໍ​ເລດ​ເຕີ​ລໍສູງກວ່າ 400 ມິລີກຣາມ ຖ້າ​ມີ​ຫລາຍ​ ແລະ ​ດົນ​ເຮັດໃຫ້​ຫລອດ​ເລືອດ​ແຂງ​ໂຕ ສ່ຽງ​ຕໍ່​ພະຍາດ​ຫົວ​ໃຈ, ຫລອດ​ເລືອດ​ທາງ​ສະຫມອງ, ມະ​ເຮັງ.

6. ຜັກ​ຫົມ ມີ​ກົດ​ອອກ​ຊາ​ເລດ​ຫລາຍ ເຮັດໃຫ້​ການ​ຂັບ​ສັງ​ກະ​ສີ ​ແລະ ​ແຄ​ຊຽມ​ອອກຈາກ​ຮ່າງກາຍ​ຫລາຍ ເກີດ​ພາ​ວະ​ຂາດ​ແຄນ.

7. ໝີ່​ສຳ​ເລັດ​ຮູບ ເຮັດໃຫ້​ຂາດ​ສານອາຫານ ເກີດ​ການ​ສະ​ສົມ​ສານ​ພິດ​ໃນ​ຮ່າງ​ກາຍ.

8. ແກ່ນຕາເວັນ ມີ​ສ່ວນ​ປະກອບ​ຂອງ​ກົດ​ໄຂ​ມັນ​ບໍ່​ອີ່ມ​ໂຕ ກິນ​ຫລາຍ​ເຮັດໃຫ້​ມີ​ການ​ສະ​ສົມ​ໄຂ​ມັນ​ທີ່​ຕັບ​ໄດ້.

9. ເຕົ້າ​ຮູ້​ໝັກ ການ​ໝັກ​ມີ​ໂອ​ກາດ​ປົນ​ເປື້ອນ​ເຊື້ອ​ພະຍາດ ແລະ ​ມີ​ສານ​ຍ່ອຍ​ໂປ​ຕີນ ໄຮ​ໂດນ​ເຈນ​ຊັນ​ໄຟ ທີ່​ເປັນ​ອັນຕະລາຍ​ຕໍ່​ຮ່າງກາຍ.

10. ແປ້ງນົວ ບໍ່​ຄວນ​ກິນ​ກາຍ 6 ກຣາມ​ຕໍ່​ມື້ ຈະ​ເຮັດໃຫ້​ກົດ​ ກູ​ຕາ​ມິກ ​ໃນ​ເລືອດ​ສູງ ເຊິ່ງ​ມີ​ຜົນ​ຕໍ່​ການເຮັດວຽກງານ​ຂອງ​ປະ​ຈຸ​ ແຄ​ຊຽມ ​ແລະ ​ແມກ​ນີ​ຊຽມ ເຮັດໃຫ້​ປວດ​ຫົວໃຈ​ສັ່ນ ຄື້ນ​ໄສ້ ແລະ ​ມີ​ຜົນ​ເສຍ​ຕໍ່​ອະໄວຍະວະ​ສືບ​ພັນ.

ເມື່ອຮູ້ແນວນັ້ນແລ້ວ ທ່ານຈະມີວິທີການຫລີກລ່ຽງ ຫລື ຮັບປະທານໃນຄວາມພໍດີ ຄືແນວໃດ ກໍ່ຂື້ນກັບຕົວຂອງທ່ານເອງ.

ຂໍ້ມູນຈາກ: www.news.com.la