ໝາກອາງຸ່ນ ທີ່ຫຼາຍຄົນຈະມັກກິນເປັນປະຈຳ ແລະ ປະກອບມີ 3 ສີດ້ວຍກັນຄື ສີຂຽວ, ສີແດງ ແລະ ສີດຳ ແຕ່ລະສີນັ້ນ ຈະມີປະໂຫຍດທີ່ແຕກຕ່າງກັນ ດັ່ງນີ້:

  ອາງຸ່ນຂຽວ: ເຕັມໄປດ້ວຍສານພຶກສາເຄມີເຊິ່ງມີຄຸນສົມບັດເປັນສານແອນຕີ້ອອກຊິແດ້ນ ເຊັ່ນ ຄາເຕຊິນ ແລະ ເທີຊໍທິລບິນ ອາງຸ່ນຂຽວຈຶ່ງຊ່ວຍປ້ອງກັນມະເຮັງລຳໃສ້ໃຫຍ່ ມະເຮັງພົກຍ່ຽວ ມະເຮັງຕ່ອມລູກໝາກ ແລະ ມະເຮັງເຕົ້ານົມ ໂລກຫຼອດເລືອດຫົວໃຈ ໂລກລະບົບປະສາດ ໂລກອັນໄຊເມີ້ ແລະ ລູຄີເມຍ ຕະຫຼອດຈົນປ້ອງກັນການຕິດເຊື້ອລາ ແລະ ເຊື້ອໄວຣັສຕ່າງໆດ້ວຍ.

  ອາງຸ່ນແດງ: ຈັດເປັນລາຊິນີແຫ່ງໝາກໄມ້ທຸກຊະນິດ ແລະ ມີສານອາຫານທີ່ເປັນປະໂຫຍດຕໍ່ສຸຂະພາບອີກຫຼາຍ ເພາະສີແດງເຂັ້ມຂອງໝາກອາງຸ່ນ ປະກອບດ້ວຍສານຟລາໂວນອຍ ເຊິ່ງເປັນສານຕ້ານອະນຸມູນອິດສະຫຼະ ແລະ ມີສານອາຫານທີ່ສຳຄັນຄື ເຣສເວີລາໂທລ ເຊິ່ງມີຄຸນສົມບັດຊ່ວຍປ້ອງກັນໂລກຫົວໃຈ ໂລກມະເຮັງ ແລະ ຊ່ວຍຊະລໍໄວ, ນອກຈາກນີ້ ຍັງມີສານຊາໂປນິນ ເຊິ່ງມີຄຸນສົມບັດເປັນສານຕ້ານແບັກທີເລຍ ໄວຣັສ ປ້ອງກັນເນື້ອງອກ ຫຼຸດການດູດຊຶມຂອງຄໍເລັດເຕີລອນໃນກະແສເລືອດ ເຊິ່ງສົ່ງຜົນຕໍ່ການປ້ອງກັນໂລກຫົວໃຈອີກດ້ວຍ.

 ອະງຸ່ນດຳ: ສາຖາບັນການແພດ Mayo Clinic ແນະນຳວ່າ ຖ້າຕ້ອງການຫຼຸດນ້ຳໜັກ ໃຫ້ກິນອາງຸ່ນດຳວັນລະ 1 ຄັ້ງ ອາດກິນເປັນຂອງກິນຫຼີ້ນ ຫຼື ໃສ່ໃນສະຫຼັດກໍໄດ້ ເພາະຈາກການສຶກສາພົບວ່າ ອາງຸ່ນດຳ ອຸດົມໄປດ້ວຍໄຟເບີ້ ເຮັດໃຫ້ຮູ້ສຶກອິ່ມ ແລະ ໃຫ້ຄໍເລັດເຕີລອນຕ່ຳ ເຮັດໃຫ້ການທຳງານຂອງລຳໄສ້ເປັນໄປຕາມປົກກະຕິ ສານແອນຕີ້ອ໊ອກຊິແດ້ນໃນອະງຸ່ນດຳ ຍັງຊ່ວຍໃນການຂັບທ໊ອກຊິນອອກຈາກຮ່າງກາຍ ເຊິ່ງຊ່ວຍໃນກະບວນການຫຼຸດນ້ຳໜັກໃຫ້ມີປະສິດທິພາບຫຼາຍຂື້ນອີກດ້ວຍ.

ຂໍ້ມູນຈາກ: http://news.com.la