ເຫັດຫູໜູ ຫຼາຍໆຄົນອາດຈະເຄີຍໄດ້ຍິນ ແຕ່ບາງທ້ອງຖິ່ນຈະເອີ້ນວ່າ ເຫັດຕັ່ນ ນັ້ນເອງ ສ່ວນຫຼາຍເຮົາມັກຈະເອົາເຫັດນີ້ໃສ່ແກງໜໍ່ໄມ້ ແລະ ອາຫານອື່ນໆຕາມທີ່ເຮົາມັກ ແຕ່ຮູ້ບໍ່ວ່າ ເຫັດນີ້ມີສັບພະຄຸນ ແລະ ມີປະໂຫຍດໃນການປິ່ນປົວພະຍາດ ແນວໃດ ເຮົາໄປອ່ານເບີ່ງເລີຍ:

1.ສັບພະຄຸນເຫັດຫູໜູມີສານສໍາຄັນເຊັ່ນ: ສານທີ່ມີຊື່ວ່າ ອະດີໂນຊີນ ຊຶ່ງມີສັບພະຄຸນຊ່ວຍຫຼຸດຄວາມໜຽວຂຸ້ນຂອງເລືອດ ເຮັດໃຫ້ເລືອດບໍ່ໄປອຸດຕັນເສັ້ນເລືອດຫົວໃຈ, ສະໝອງ ແລະ ໃນອະໄວຍະວະອື່ນໆພາຍໃນຮ່າງກາຍ.

2 ມີສັບພະຄຸນຊ່ວຍເຮັດໃຫ້ຮ່າງກາຍມີກໍາລັງ.
3. ມີຄຸນສົມບັດຊ່ວຍຄາຍຄວາມຄຽດຂອງຮ່າງກາຍ ສົ່ງຜົນໃຫ້ຮ່າງກາຍສົດຊື່ນ ເຮັດໃຫ້ຜິວພັນສົດໃສມີສຸຂະພາບດີ.

4.ເປັນຢາເຢັນຊ່ວຍແກ້ອາການໄອ, ບັນເທົາອາການເຈັບຄໍ, ແກ້ຮ້ອນໃນ ລວມທັງມີສັບພະຄຸນຊ່ວຍແກ້ອາການຮາກເປັນເລືອດ ແລະ ແກ້ເລືອດດັງໄຫຼໄດ້.

5.ມີສັບພະຄຸນຊ່ວຍຫຼຸດຄວາມດັນໂລຫິດສູງ, ຊ່ວຍບໍາລຸງເລືອດ, ປິ່ນປົວພະຍາດໂລຫິດຈາງ ເຮັດໃຫ້ເລືອດລົມໃນຮ່າງກາຍໄຫຼວຽນໄດ້ສະດວກ.

6.ມີຄຸນສົມບັດເຮັດໃຫ້ລະບົບຂັບຖ່າຍດີຂຶ້ນ, ປ້ອງກັນພະຍາດລິດສີດວງທະວານ, ສາມາດຂັບຂອງເສຍອອກຈາກໃນລໍາໄສ້ໄດ້ດີ ເນື່ອງຈາກເຫັດຫູໜູອຸດົມໄປດ້ວຍເສັ້ນໄຍອາຫານ ຊຶ່ງຍັງມີຜົນດີຕໍ່ການຊ່ວຍຄວບຄຸມນໍ້າໜັກ.

7.ຊ່ວຍແກ້ອາການຂອງປະຈໍາເດືອນມາຫຼາຍ ຫຼື ມາບໍ່ປົກກະຕິ ລວມທັງປິ່ນປົວອາການລົງຂາວທີ່ຜິດປົກກະຕິ.
8. ມີລິດໃນການຊ່ວຍເບິ່ງແຍງ ແລະ ບໍາລຸງອະໄວຍະວະຕ່າງໆໃນຮ່າງກາຍເຊັ່ນ: ຕັບ, ປອດ, ກະເພາະອາຫານ ຫຼື ລໍາໄສ້ໃຫຍ່ ໃຫ້ສົມບູນແຂງແຮງ ສາມາດທໍາງານໄດ່ຢ່າງມີປະສິດທິພາບດີ.

9.ເປັນແຫຼ່ງຂອງວິຕາມິນຫຼາຍຊະນິດ ໂດຍສະເພາະວິຕາມິນຊີ ຊຶ່ງມີລິດໃນການຕໍ່ຕ້ານອະນຸມຸນອິດສະຫຼະ ຊ່ວຍປ້ອງກັນ ແລະ ຢັບຢັ້ງບໍ່ໃຫ້ເຊລມະເຮັງຜິດປົກກະຕິຈົນກາຍເປັນເນື້ອຮ້າຍໄດ້.

10.ອຸດົມໄປດ້ວຍຟົດສະຟໍຣິກ ຊຶ່ງເປັນແຮ່ທາດທີ່ມີຄວາມສໍາຄັນກັບທຸກເຊລໃນຮ່າງກາຍ ມີໜ້າທີ່ຊ່ວຍສົ່ງເສີມການທໍາງານຂອງເຊລມະເຮັງຕ່າງໆ ໃຫ້ທໍາງານໄດ້ຢ່າງເປັນປົກກະຕິ.

ຂໍ້ມູນຈາກ: http://news.com.la