ໂດຍປົກກະຕິແລ້ວ ຄົນເຮົາມັກຈະດື່ມນ້ຳອັດລົມເປັນປະຈຳ ໂດຍສະເພາະແມ່ນເບຍ ແຕ່ຮູ້ ຫຼື ບໍ່ວ່າ ນ້ຳອັດລົມທີ່ທ່ານດື່ມເຂົ້າໄປນັ້ນ ອາດເຮັດໃຫ້ທ່ານຕຸ້ຍຂຶ້ນໂດຍບໍ່ຮູ້ໂຕ ເຊິ່ງມີຫຼາຍຊະນິດດັ່ງນີ້:

1.ນ້ຳອັດລົມ: ເຄື່ອງດື່ມທີ່ຍອດຮິດທີ່ຖືກໃຈທຸກເພດທຸກໄວຢ່າງນ້ຳອັດລົມ ທີ່ມີໃຫ້ເລືອກຫຼາຍລົດຊາດ ຫຼາຍກິ່ນ ແລະ ຫຼາກຫຼາຍຍີ່ຫໍ້ ເປັນເຄື່ອງດື່ມທີ່ເຮັດໃຫ້ອ້ວນເລີຍ ໃຜທີ່ກິນນ້ຳອັດລົມກັບອາຫານຈານມັກ ອາດຈະຕ້ອງຄິດໃໝ່ ເພາະນ້ຳອັດລົມຈະມີພະລັງງານຢູ່ທີ່ 110-120 ກິໂລແຄລໍລີ່ ເຊິ່ງມາຈາກນ້ຳຕານລ້ວນໆ ເພາະໃນນ້ຳອັດລົມ 1 ກະປ໋ອງຈະທຽບເທົ່າໄດ້ກັບນ້ຳຕານປະມານ 8 ບ່ວງກາເຟ

2.ຊາ - ກາເຟ: ຖືວ່າເປັນເຄື່ອງດື່ມທີ່ຕິດກັນຫຼາຍຄົນເລີຍ ເພາະຊ່ວຍໃຫ້ບໍ່ເຜີຫຼັບໄປຕອນສວາຍ ແຕ່ຮູ້ບໍ່ວ່າ ກາເຟທີ່ໃສ່ຄຣີມນັ້ນເຕັມໄປດ້ວຍແຄລໍລີ່ຫຼາກຫຼາຍ ບາງຈອກອາດຈະສູງເຖິງ 1000 ກິໂລແຄລໍລີ່ ເພາະໃສ່ທັງນົມ ຄຣີມ ນ້ຳຕານ ແລ້ວຖ້າດື່ມວັນລະຫຼາຍໆຈອກ ກໍ່ຈະໄດ້ຮັບແຄລໍລີ່ເຂົ້າໄປໃນຮ່າງກາຍມະຫາສານ ນອກເສຍຈາກວ່າດື່ມກາເຟດຳ ຫຼື ຊາທີ່ບໍ່ມີສ່ວນປະສົມຂອງນ້ຳຕານ.

3.ເບຍ: ດື່ມເບຍລະວັງຈະອ້ວນຂື້ນໂດຍບໍ່ຮູ້ໂຕ ເພາະວ່າປົກກະຕິເບຍຈອກໜຶ່ງ ຈະມີແຄລໍລີ່ຢູ່ທີ່ 160 ກິໂລແຄລໍລີ່ ດື່ມຈັກຈອກກໍ່ຄູນເຂົ້າໄປເລີຍ ເພາະໃນເບຍນັ້ນເຮັດມາຈາກການໜັກຍີສທີ່ມີພະລັງງານແປ້ງຢ່າງຫຼວງຫຼາຍ ເນື່ອງຈາກເບຍເຮັດໃຫ້ຮ່າງກາຍຫຼຸດການເຜົາຜານໄຂມັນໃນຮ່າງກາຍລົງ ແລະ ດຶງພະລັງງານຈາກການດື່ມເບຍໄປໃຊ້ກ່ອນເຮັດໃຫ້ໄຂມັນໃນຮ່າງກາຍບໍ່ຖືກເຜົາຜານໄປ.

4.ຊານົມໄຂ່ມຸກ: ບໍ່ວ່າຈະເປັນເຄື່ອງດື່ມ ຫຼື ແມ່ນແຕ່ໂຕເນື້ອໄຂ່ມຸກກໍ່ເຮັດໃຫ້ເຈົ້າອ້ວນໄດ້ ເພາະທັງຄູ່ລ້ວນມີສ່ວນປະສົມຂອງນ້ຳຕານທັງສິ້ນ ອີກທັງໃນໄຂ່ມຸກຍັງມີສ່ວນປະສົມຂອງແປ້ງອີກດ້ວຍ ໃນປັດຈຸບັນຍັງມີທອບປິ້ງຕ່າງໆ ບໍ່ແມ່ນພຽງແຕ່ໄຂ່ມຸກ ແຕ່ສ່ວນໃຫຍ່ແລ້ວກໍ່ໜີບໍ່ພົ້ນສ່ວນປະສົມຂອງແປ້ງ ແລະ ນ້ຳຕານຢູ່ດີນັ້ນເອງ.

5.ນຳ້ຫວານລົດໝາກໄມ້: ຊື່ກໍ່ບອກຢູ່ແລ້ວວ່ານ້ຳຫວານ ມັນຕ້ອງຫວານແນ່ນອນ ສ່ວນປະສົມອື່ນໆອາດຈະມີພຽງບໍ່ເທົ່າໃດເປີເຊັນເທົ່ານັ້ນ ແຕ່ເຫຼືອຄືນ້ຳຕານທີ່ໃຫ້ລົດຫວານນັ້ນເອງ.

6.ນົມປຸງແຕ່ງລົດຊາດຕ່າງໆ: ການດື່ມນົມຖືເປັນເລື່ອງທີ່ດີຕໍ່ສຸຂະພາບ ແຕ່ຕ້ອງດື່ມຢ່າງພໍປະມານ ແຕ່ໃຜຈະໄປຮູ້ວ່າໃນນົມນັ້ນ ກໍ່ມີສ່ວນປະສົມຂອງນ້ຳຕານຢູ່ນຳ ໂດຍສະເພາະໃນນົມທີ່ແຕ່ງກິ່ນເຕີມລົດ ປະລິມານນ້ຳຕານຫຼາຍກ່ວາລົດຈືດເປັນທະວີຄູນກັນເລີຍ ດັ່ງນັ້ນ ດື່ມນົມກໍ່ອ້ວນໄດ້.

ຂໍ້ມູນຈາກ: http://news.com.la