1. ອຸດົມດ້ວຍສານຕ້ານອະນຸມູນອິດສະຫຼະ ບໍ່ວ່າຈະເປັນສານຟລາໂວນອຍ ແຄໂຣທີນອຍ ຊ່ວຍປ້ອງກັນບໍ່ໃຫ້ເຊວຖືກທຳລາຍ ຫຼຸດການອັກເສບ ອັນເປັນສາເຫດຂອງໂລກໄພຕ່າງໆ ເຊັ່ນ: ໂລກມະເຮັງ, ໂລກຫົວໃຈ, ໂລກອັນໄຊເມີ້ ລວມທັງຊ່ວຍຊະລໍການເກີດຮ່ອງຮອຍກ່ອນໄວອີກດ້ວຍ.

    2. ຊ່ວຍຫຼຸດນ້ຳໜັກ: ເພາະວ່າ ຖົ່ວລັນເຕົາ ມີໄຂມັນຕ່ຳເໝາະສຳຫຼັບຄົນທີ່ຕ້ອງການຫຼຸດນ້ຳໜັກ ອີກທັງໄຟເບີ້ໃນຖົ່ວລັນເຕົາກໍ່ຍັງຊ່ວຍເຮັດໃຫ້ອີ່ມດົນຂື້ນ ຈື່ງເປັນຜົນດີ ບໍ່ເກີດອາການຫີວໄວກ່ວາປົກກະຕິ.

  3. ຫຼຸດຄໍເລັດເຕີລອນ: ໄນອະຊິນ (Niacin) ທີ່ຢູ່ໃນຖົ່ວລັນເຕົາມີສ່ວນສຳຄັນໃນການຊ່ວຍຫຼຸດການສ້າງໄຂມັນ ໄຕຣກລີເຊີໄລ ແລະໄຂມັນ VLDL ເຊິ່ງເປັນໄຂມັນທີ່ຖືກສ້າງຂື້ນເພື່ອເຮັດໜ້າທີ່ລຳລຽງໄຕຣກລີເຊີໃຫ້ຫຼຸດລົງ ແຕ່ເຮັດໃຫ້ຄໍເລັດເຕີລອນທີ່ດີເພີ້ມຂື້ນ (HDL) ຈຶ່ງຊ່ວຍຫຼຸດຄວາມສ່ຽງໂລກຫຼອດເລືອອຸດຕັນໄດ້.

    4. ແກ້ທ້ອງຜູກ: ສຳລັບຄົນທີ່ມີປັນຫາເລື່ອງທ້ອງຜູກ ຖົ່ວລັນເຕົາຊ່ວຍທ່ານໄດ້ ເພາະມີໄຟເບີ້ສູງ ຊ່ວຍກະຕຸ້ນການເຮັດວຽກຂອງລະບົບຂັບຖ່າຍ ແລະເຮັດໃຫ້ລະບົບລຳໃສ້ເຮັດວຽກໄດ້ເປັນປົກກະຕິ.
   5. ບຳລຸງຫົວໃຈ: ລູທິນ ແລະ ໄຟເບີ້ທີ່ຢູ່ໃນຖົ່ວລັນເຕົາກໍ່ຍັງຊ່ວຍຫຼຸດອັດຕາການເກີດ ໂລກຫຼອດເລືອດແດງແຂງໄດ້ດີອີກດ້ວຍ ໂດຍຈະເຂົ້າໄປປ້ອງກັນການກໍ່ໂຕຂອງຄາບພລັກພາຍໃນຜະໜັງຫຼອດເລືອດແດງ ບໍ່ພຽງເທົ່ານັນໄທອະມິນ ໂຟເລດ ໄຣໂບຟລາວີນ ໄນອະຊິນແລະວິຕາມິນບີ 6 ຍັງຊ່ວຍລະດັບຂອງຮໍໂມຊີສເຕອິນ (Homocysteine) ເຊິ່ງເປັນປັດໃຈສ່ຽງໂລກຫົວໃຈລົງ.

  6. ປ້ອງກັນມະເຮັງໃນຊ່ອງທ້ອງ: ການສຶກສາໃນປະເທດແມັກຊິໂກພົບວ່າ ການກິນໝາກຖົ່ວລັນເຕົາເປັນປະຈຳທຸກວັນຈະຊ່ວຍຫຼຸດຄວາມສ່ຽງໂລກມະເຮັງໃນຊ່ອງທ້ອງໄດ້ ທັງນີ້ກໍ່ເປັນເພາະວ່າ ຖົ່ວລັນທີ່ມີຊື່ວ່າ ຄູເມສທຣອນ ເຕົາມີສານຕ້ານອະນຸມູນອິດສະຫຼະ (Coumestrol) ສູງເຖິງ 10 ມິນລີກຼາມຕໍ່ຖົ່ວລັນເຕົາ 1 ຖ້ວຍ ເຊິ່ງສານນີ້ຈະເຂົ້າໄປປ້ອງກັນການອ໊ອກຊິເດຊັນທີ່ເຮັດໃຫ້ເກີດການອັກເສບ ແລະ ຍັບຢັ້ງການກໍ່ໂຕຂອງເຊວມະເຮັງ.

  7. ຄວບຄຸມລະດັບນ້ຳຕານໃນເລືອດ: ຖົ່ວລັນເຕົາມີໄຟເບີ້ກາຍເປັນອາຫານທີ່ເໝາະສຳລັບຜູ້ປ່ວຍເບົາຫວານ ເພາະໄຟເບີ້ຈະໄປເຮັດໃຫ້ນ້ຳຕານຖືກຍ່ອຍຊ້າລົງ ອີກທັງສານຕ້ານອະນຸມູນອິດສະຫຼະກໍ່ຍັງປ້ອງກັນພາວະດື້ອິນຊູລິນ ເຊິ່ງເປັນສາເຫດຂອງໂລກເບົາຫວານຊະນິດທີ 2 ໄດ້ ທີ່ສຳຄັນຄາໂບໄຮເດຣດ ແລະ ນ້ຳຕານຢູ່ໃນຖົ່ວຊະນິດນີ້ຍັງເປັນມິດກັບສຸຂະພາບ.

   8. ບຳລຸງສາຍຕາ: ໃນຖົ່ວລັນເຕົາມີວິຕາມິນເອຫຼາຍ ໂດຍໃນຖົ່ວລັນເຕົາພຽງ ½ ຖ້ວຍມີປະລິມານວິຕາມິນເອເຖີງ 32% ຂອງປະລິມານທີ່ຮ່າງກາຍໄດ້ຮັບຕໍ່ມື້ ອີກທັງຍັງມີລູທີນ (Lutein) ເຊິ່ງມີຄຸນສົມບັດເປັນສານຕ້ານອະນຸມູນອິດສະຫຼະ ຊ່ວຍປົກປ້ອງດວງຕາຈາກພາວະຕໍ້ກະຈົກ ແລະ ຈໍປະສາດຕາເສື່ອມ ຊ່ວຍໃຫ້ດວງຕາຂອງເຮົາໃສປິ້ງໄປອີກດົນ.

   9. ບຳລຸງກະດູກ: ຖົ່ວລັນເຕົາມີວິຕາມິນເຄສູງ ພຽງ 1 ຖ້ວຍມີວິຕາມິນເຄເຖີງ 44% ຂອງປະລິມານທີ່ຄວນໄດ້ຮັບຕໍ່ມື້ ເຊິ່ງແຮ່ທາດຊະນິດນີ້ລະທີ່ຈະເຂົ້າໄປຊ່ວຍເສີມສ້າງກະດູກ ຊ່ວຍໃຫ້ກະດູກສະສົມແຄນຊ້ຽມໄດ້ຫຼາຍຂື້ນ ນອກຈາກນີ້ຍັງມີວິຕາມິນບີ ທີ່ມີສັບພະຄຸນປ້ອງກັນໂລກກະດູກພຸອີກດ້ວຍ.
   10. ອຸດົມດ້ວຍທາດເຫຼັກ: ຖົ່ວລັນເຕົາເຄິ່ງຖ້ວຍມີທາດເຫຼັກ 1.2 ມິນລີກຼາມ ເຊິ່ງທາດເຫຼັກນັນເປັນສານອາຫານສຳຄັນທີ່ພົບໄດ້ໃນຮີໂມໂກບິນ ໂປຮຕີນສຳຄັນທີ່ເຮັດໜ້າທີ່ລຳລຽງອ໊ອກຊິເຈັນໄປລ້ຽງສ່ວນຕ່າງໆຂອງຮ່າງກາຍ.

   ຂໍ້ຄວນລະວັງ: ໃນການກິນຖົ່ວລັນເຕົາ ເຖິງຈະມີປະໂຫຍດຫຼາຍແຕ່ກໍ່ມີຂໍ້ຄວນລະວັງ ໂດຍສະເພາະຄົນທີ່ເປັນໂລກໝາກໄຂ່ຫຼັງ ຫຼື ປະດົງ ເພາະໃນຖົ່ວລັນເຕົານັນມີສານພິວຣີນ (Purines) ເຊິ່ງສານນີ້ຖືກແປສະພາບແລ້ວຈະກາຍເປັນກົດຢູ່ລິກແລະກົດຢູລິກກໍ່ຈະເຮັດໃຫ້ອາການໂລກໄຂ່ຫຼັງ ໂລກປະດົງກຳເລີບຂື້ນໄດ້ ດັ່ງນັ້ນ ຄວນຫຼີກລ່ຽງ ຫຼື ກິນໜ້ອຍຈະດີທີ່ສຸດ.

ຂໍ້ມູນຈາກ: http://news.com.la