ໜ່ວຍ​ໝາກ​ເໝົ້າ​ ມີ​ປະ­ລິມານ​ສານ​ອາ­ຫານ​ຢ່າງ​ຫຼວງ­ຫຼາຍ ເປັນ­ຕົ້ນ​ແມ່ນ​ມີ​ວິ­ຕາ­ມິນ, ກົດ​ອິນ​ຊີ ແລະ ​ກົດ​ອາ​ມິ​ໂນ ​ທີ່​ຈຳ­ເປັນ​ຫຼາຍຊະ­ນິດ ແລະ​ ເມື່ອ​ນຳ​ໝາກ​ເໝົ້າ​ສຸກມາ​ເຮັດ​ການ​ວິ­ເຄາະ​ປະ­ລິ­ມານ ສານ​ຕ້ານ​ອະ­ນຸ​ມູນ​ອິດ­ສະ­ຫຼະ​ ຈຳ­ພວກ​ສານ​ແອນ​ໂທ​ໄຊ​ຢາ​ນິນ ແລະ​ ສານ​ກຸ່ມ​ໂພ​ລີ​ຟີນ​ອລ​ ພົບ​ວ່າ: ນ້ຳ­ໝາກ​ເໝົ້າ 100 ກຣາມ ມີ​ສານ ແອນ​ໂທ​ໄຊ​ຢາ​ນິນ 299,9 ມິນ​ລິກຣາມ ແລະ​ ສານ​ໂພ​ລີ​ຟີນ​ອລ 566 ມິນ​ລິ​ກຣາມ ມີ​ສ່ວນ​ຊ່ວຍ​ຫຼຸດ​ຄວາມ​ສ່ຽງ​ການ​ເກີດ​ໂລກ​ມະ​ເຮັງ, ຊ່ວຍ​ກຳ­ຈັດ​ສານ­ພິດ​ອອກຈາກ​ຮ່າງ­ກາຍ, ຊະ​ລໍ​ຄວາມ​ແກ່ຊະ​ຣາ, ຫຼຸດ​ອັດ­ຕາ​ສ່ຽງ​ຂອງ​ການເກີດ​ໂລກ​ຫົວ­ໃຈ, ໂລກ​ຫຼອດ​ເລືອດ ອັດ​ຕັນ​ໃນ​ສະ­ໝອງ ແລະ​ ຊ່ວຍ​ຢັບ​ຢັ້ງ​ບໍ່​ໃຫ້​ຝະ​ໜັງ​ຫຼອດ​ເລືອດ​ເສື່ອມ ຫຼື ຂາດ​ງ່າຍ.

     ສັບ­ພະ​ຄຸນ​ທາງ​ຢາ: ໃບ ແລະ ​ໝາກ ​ໃຊ້​ຕົ້ມ​ອາບ​ແກ້​ອາ­ການ​ຕົນ​ຕົວ​ເຫຼືອງ, ເລືອດ​ຈາງ, ໃບ​ນຳ​ມາທາ​ແກ້​ອາ­ການ​ເຈັບ​ຫົວ, ແກ້​ໂລກຜິວໜັງ, ໃບ​ສົດ​ນຳ​ມາ​ຂາງ​ໃບ​ໃຫ້ອຸ່ນ​ ໃຊ້​ປະ​ຄົບ​ຕົນ​ຕົວ​ທີ່​ຊ້ຳ​ຂຽວ ຈາກ​ການ​ຖືກ​ກະ­ແທກ, ໝາກ​ເຮັດ​ເປັນ​ຢາ​ພອກ​ຕົນ​ຕົວ, ແກ້​ອາ­ການເຈັບ​ຫົວ, ແກ້​ເຈັບ​ຊ່ອງ​ທ້ອງ, ໃຄ່​ບວມ, ແກ້​ໄຂ້ (ນຳ​ສ່ວນ​ທີ່​ເຮັດ ເປັນ​ຢາ​ພໍ­ປະ­ມານ​ມາ​ປະ­ສົມ​ນ້ຳອາບ) ສ່ວນ​ຕົ້ນ ແລະ ​ຮາກ (ໃຊ້​ພໍປະ­ມານ) ນຳ​ມາ​ຕົ້ມ​ດື່ມ​ເປັນ​ຢາ​ບຳ­ລຸງ​ໝາກ​ໄຂ່­ຫຼັງ, ຂັບ​ປັດ​ສະ​ວະ, ແກ້​ຕົກ​ຂາວ​ໃນ​ແມ່­ຍິງ ແລະ ແກ້​ອາ­ການ​ອິດ​ເໝື່ອຍ.

ຂໍ້ມູນຈາກ: http://news.com.la