1.ກະຕຸ້ນລະບົບພູມຄຸ້ມກັນ: ປະໂຫຍດສູງສຸດປະການໜຶ່ງຂອງໝາກມັງກອນ ກໍ່ຄືຊ່ວຍກຸຕຸ້ນລະບົບພູມຕ້ານທານຂອງຮ່າງກາຍໄດ້ເປັນຢ່າງດີ ຈາກການທີ່ມາກມັງກອນມີວິຕາມິນຊີທີ່ມີຄວາມເຂັ້ມຂຸ້ນສູງ ສາມາດເສີມສ້າງລະບົບພູມຄຸ້ມກັນໄດ້ເປັນຢ່າງດີ ແລະຍັງກະຕຸ້ນການອອກລິດຂອງສານຕ້ານອະນຸມູນອິດສະລະ

2.ປ້ອງກັນໂລກຫົວໃຈ: ມັງກອນບໍ່ມີໄຂມັນຄໍເລັດເຕີລອນ ແລະມີໄຂມັນທີ່ດີ ເຮັດໃຫ້ມີການສັງເຄາະໄຂມັນຄໍເລັດເຕີລອນໃນປະລິມານພຽງເລັກໜ້ອຍ ການກິນໝາກມັງກອນຊ່ວຍຫຼຸດປະລິມານຄໍເລັດເຕີລອນໃນເລືອດໄດ້ ເຊິ່ງເປັນການຫຼຸດຄວາມສ່ຽງໃນການອຸດຕັນຂອງເລືອດ ດັ່ງນັ້ນໂອກາດໃນການເກີດຫຼອດເລືອດແດງແຂງຫົວໃຈລົ້ມເຫຼວ ຫຼືໂລກຫຼອດເລືອດສະໝອງ ຈຶ່ງມີໜ້ອຍດ້ວຍເຊັ່ນກັນ ໄຂມັນບາງຊະນິດທີ່ພົບໄດ້ໃນມາກມັງກອນ ກໍ່ມີປະໂຫຍກດ້ວຍເຊັ່ນກັນ ໂດຍສະເພາະໄຂມັນທີ່ພົບໃນເມັດເຊິ່ງຊ່ວຍກະຕຸ້ນລະດັບໄຂມັນທີ່ດີໄດ້

3.ປ້ອງກັນມະເຮັງ: ນອກເໜືອຈາກວິຕາມິນຊີ ເຊິ່ງເປັນຄືພູມຄຸ້ມກັນລະບົບພູມຄຸ້ມກັນແລ້ວ ໝາກມັງກອນຍັງເປັນແລ່ງກຳເນີດຂອງສານຕ້ານອະນຸມູນອິດສະລະຕາມທຳມະຊາດ ໂດຍສະເພາະຢ່າງຍິ່ງແຄໂຣທີນ ມີສັບພະຄຸນໃນການຕ້ານມະເຮັງ ແລະຍັງຊ່ວຍຫຼຸດໂອກາດໃນການເກີດເນື້ອງອກໄດ້ເປັນຢ່າງດີ

4.ຊ່ວຍໃຫ້ລະບົບຍ່ອຍອາຫານດີຂື້ນ: ດ້ວຍອົງປະກອບສ່ວນທີ່ເປັນເສັ້ນໃຍໃນມາກມັງກອນ ມີຄວາມສຳຄັນເຊິ່ງກາລັນຕີວ່າຈະຊ່ວຍໃນການຂັບຖ່າຍໄດ້ດີ ດັ່ງນັ້ນຈຶ່ງຊ່ວຍໃຫ້ທາງເດີນອາໂຈມລາລຽບ ກະຕຸ້ນການເຄື່ອນໄຫວຂອງລຳໃສ່ ກະຕຸ້ນການສ້າງນ້ຳຍ່ອຍ ດ້ວຍຄຸນສົມບັດດັ່ງກ່າວຈຶ່ງເຮັດໃຫ້ທ່ານຫ່າງໄກຈາກອາການທ້ອງຜູກ ອາການລຳໃສ້ແປປວນ ແລະແມ້ແຕ່ມະເຮັງລຳໃສ້ໃຫຍ່ ແລະທະວານໜັກ

5.ຕ້ານແບັກທີເລຍແລະເຊື້ອລາ: ປະໂຫຍດຕໍ່ສຸຂະພາບອັນສຳຄັນຍິ່ງອີກປະການໜຶ່ງຂອງໝາກມັງກອນ ກໍ່ຄືຊັບພະຄຸນໃນການຕ້ານເຊື້ອລາແລະແບັກທີເລຍ ໂດຍມາກມັງກອນສາມາດເພີ້ມຈຳນວນເມັດເລືອດຂາວທີ່ຕໍ່ຕ້ານສານພິດຕ່າງໆ ລວມທັງການລຸກລາມຂອງການຕິດເຊື້ອ ທີ່ເກີດຈາກເຊື້ອລາແລະແບັກທີເລຍ ນອກຈາກນີ້ຍັງຊ່ວຍກະຕຸ້ນການສ້າງເຊວໃໝ່ໃນຂະນະທີ່ເລັ່ງຂະບວນການຊ່ອມແຊມເຊວອີກດ້ວຍ

ຂໍ້ມູນຈາກ: http://news.com.la