ໝາກປີທີ່ເຮົາກິນມາແຕ່ນ້ອຍກຳລັງເປັນທີ່ນິຍົມໃນຕ່າງປະເທດ ເພາະລົດຊາດຄ້າຍຊີ້ນສັດແຕ່ແຄລໍລີ້ຕ່ຳ ແຖມຫຍັງມີປະໂຫຍດຫຼາກຫຼາຍ

  1. ບຳລຸງເລືອດ: ໝາກປີມີທາດເຫຼັກສູງຊ່ວຍບຳລຸງເລືອດປ້ອງກັນເລືອດຈາງ ໂດຍສະເພາະໃນແມ່ຍິງຖືພາ ຫຼືແມ່ລູກອ່ອນ.
  2. ຂັບນ້ຳນົມ: ດ້ວຍປະໂຫຍດຂອງມາກປີທີ່ຊ່ວຍບຳລຸງເລືອດ ຈຶ່ງມີປະໂຫຍດໃນການຊ່ວຍຂັບນ້ຳນົມຂອງແມ່ລູກອ່ອນ ໂດຍໃຫ້ກິນເມນູໝາກປີຫຼັງເກີດລູກໃໝ່ໆຈະຊ່ວຍຂັບນ້ຳນົມໄດ້ດີ.

3. ຫຼຸດລະດັບນ້ຳຕານໃນເລືອດ: ການສຶກສາໃນວາລະສານ Phytoterapy Research ເມື່ອປີ 2000 ເຜີຍການວິໃຈລິດຂອງໝາກປີກັບການລຸດລະດັບນ້ຳຕານໃນເລືອດ ໂດຍທົດລອງໃຫ້ໜູກິນໝາກປີ 0.15-0.25 ກຼາມຕໍ່ນ້ຳໜັກໂຕ ຕະຫຼອດໄລຍະເວລາ 30 ວັນ ເຊິ່ງພົບວ່າລະດັບນ້ຳຕານໃນເລືອດຂອງໜູຫຼຸດລົງ ແລະມີລະດັບຮີໂມໂກບິນເພີ້ມຂື້ນ ແຕ່ແນວໃດກໍ່ຕາມການທົດລອງນີ້ຍັງຢູ່ໃນຂອບເຂດຂອງສັດທົດລອງເທົ່ານັ້ນ ສ່ວນການທົດລອງໃນຄົນຍັງຄົງຕ້ອງມີການສຶກສາເພີ້ມຕື່ມຕໍ່ໄປ.

4. ຫຼຸດການອັກເສບໃນຮ່າງກາຍ: ໃນໝາກປີມີສານຕ້ານອະນຸມູນອິດສະຫຼະທີ່ເອີ້ນວ່າມີທານອລ ເຊິ່ງງານວິໃຈທີ່ຕີພິມໃນວາລະສານ Food Science and Biotechnology ເມື່ອປີ 2010 ພົບວ່າສານສະກັດຈາກໝາກປີ ມີສານຕ້ານອະນຸມູນອິດສະຫຼະຢູ່ຂ້ອນຂ້າງຫຼາຍ ແລະເປັນສານຕ້ານອະນຸມູນອິດສະລະທີ່ມີປະສິດທິພາບໃນການປ້ອງກັນເຊວຖືກທຳລາຍ ປ້ອງກັນການອັກເສບໃນຮ່າງກາຍໄດ້.

5. ປະຈຳເດືອນມາຫຼາຍໝາກປີຊ່ວຍໄດ້: ແມ້ໝາກປີຈະມີສັບພະຄຸນບຳລຸງເລືອດ ແຕ່ສຳລັບສາວໆທີ່ປະຈຳເດືອນມາຫຼາຍເກີນໄປ (ຕ້ອງໃຊ້ຜ້າອານາໄມ 5 ອັນຕໍ່ວັນ) ໝາກປີຊ່ວຍຫຼຸດປະລິມານເລືອດປະຈຳເດືອນໃຫ້ໄດ້ ໂດຍມາກປີມີສັບພະຄຸນກະຕຸ້ນຮ່າງກາຍໃຫ້ສ້າງຮໍໂມນໂປຣເຈສເທີໂຣນ ເຊິ່ງເປັນຮໍໂມນເພດຊາຍ ຊ່ວຍໃຫ້ປະລິມານເລືອດປະຈຳເດືອນທີ່ມາຫຼາຍເກີນຄວາມຈຳເປັນຫຼຸດໜ້ອຍລົງໄດ້.

6. ຊ່ວຍຕ້ານຄວາມເສົ້າ: ໝາກປີມີແມັກນິຊ້ຽມ ທາດອາຫານສຳຄັນທີ່ມີຜົນຮັກສາອາການຊຶມເສົ້າ ດັ່ງນັ້ນໃຜຮູ້ສຶກບໍ່ຄ່ອຍດີຄືຊຶມໆເສົ້າໆ ລອງກິນໝາກປີຈັກເມນູເບິ່ງເດີ້

7.ຮັກສາໂລກກະເພາະ: ຢາງຈາກໝາກປີມີລິດສະມານແຜໃນກະເພາະອາຫານ ໂດຍວິທີໃຊ້ໃຫ້ເອົາໝາກປີມາເຜົາແລ້ວຄັ້ນເອົາແຕ່ນ້ຳມາດື່ມ ໃຫ້ໄດ້ປະມານເຄິ່ງຈອກ ໃຊ້ເປັນຢາເຄືອບກະເພາະກ່ອນກິນອາຫານປະມານ 1 ຊົ່ວໂມງ ສູດນີ້ເປັນຢາບູຮານເລີຍ.

ຂໍ້ມູນຈາກ: http://news.com.la