ຮູ້ ຫລື ບໍ່? ໝາກສີດານັ້ນ ມີປະໂຫຍດຫລາຍກວ່າທີ່ທ່ານຄິດ, ໝາກສີດາ ເປັນຫມາກໄມ້ທີ່ຫາຊື້ໄດ້ງ່າຍ ມີຕະຫລອດທັງປີ, ລາຄາບໍ່ແພງ ແຕ່ມີຄຸນຄ່າທາງໂພສະນາການສູງຫຼາຍ, ມີວິຕາມິນສູງ, ໃຊ້ແກ້ອາການເຈັບທ້ອງ, ລະງັບກິ່ນປາກ, ຊ່ວຍປ້ອງກັນພະຍາດເລືອດອອກຕາມຊ່ອງແຂ້ວ, ບຳລຸງເຫງືອກ ແລະ ແຂ້ວ, ບຳລຸງຜິວພັນ ມີສານເບຕ້າແຄໂລທີນທີ່ຊ່ວຍຫຼຸດສານພິດໃນຮ່າງກາຍ, ຊ່ວຍຫຼຸດລະດັບໄຂມັນໃນຫລອດເລືອດ, ປ້ອງກັນບໍ່ໃຫ້ໄຂມັນຈັບທີ່ຝາຫລອດເລືອດ ຊຶ່ງເປັນສາເຫດຂອງພະຍາດເລືອດແຂງຕົວ ບາງຄົນອາດຈະບໍ່ມັກຮັບປະທານໝາກສີດາສົດໆ ມື້ນີ້ເຮົາເລີຍມີສູດການເຮັດນ້ຳໝາກສີດາມາຝາກ.

ສ່ວນປະກອບ:

– ໝາກສີດາ 2 ໜ່ວຍ

– ນ້ຳຕົ້ມສຸກ 200 ກຣາມ

– ນ້ຳເຊື່ອມ 15 ກຣາມ

– ເກືອ 2 ກຣາມ

ວິທີເຮັດ

– ນຳໝາກສີດາມາລ້າງໃຫ້ສະອາດ ແລະ ຝານເປັນປ່ຽງນ້ອຍໆ (ໃຊ້ແຕ່ເນື້ອໝາກສີດາ)

– ນຳໝາກສີດາທີ່ຝານແລ້ວໃສ່ໃນເຄື່ອງປັ່ນ ຕື່ມນ້ຳຕົ້ມສຸກ ແລະ ປັ່ນຈົນລະອຽດ

– ຕອງດ້ວຍຜ້າຂາວບາງ, ຕື່ມນ້ຳເຊື່ອມ ແລະ ເກືອ ຊິມລົດຊາດຕາມໃຈມັກໄດ້ເລີຍ

     ນ້ຳໝາກສີດາ ເຮັດບໍ່ຍາກເລີຍແມ່ນບໍ່? ຖ້າຫາກໃສ່ແກ້ວທີ່ສະອາດ ສາມາດແຊ່ເຢັນໄວ້ໄດ້ເຖິງ 5-7 ມື້ເລີຍ ລອງເຮັດແລ້ວແຊ່ເຢັນເກັບໄວ້ດື່ມແກ້ຮ້ອນ ແລະ ຍັງໄດ້ປະໂຫຍດຕໍ່ສຸກຂະພາບອີກດ້ວຍ.

ຂໍ້ມູນຈາກ: http://news.com.la