ຜັກກາດຕີນໝີ ສ່ວນໃຫຍ່ນິຍົມນຳມາເຮັດສົ້ມຜັກ ເຊິ່ງມີຄາໂບໄຮເດຣດ ແລະ ນ້ຳຕານຕ່ຳ, ສົ້ມຜັກແມ່ນອຸດົມໄປດ້ວຍໂປຣໄບໂອຕິກ ທີ່ມີປະໂຫຍດຕໍ່ຮ່າງກາຍຫຼາຍຢ່າງ ເຊັ່ນ: ຊ່ວຍໃນການຂັບຖ່າຍ, ຊ່ວຍໃຫ້ກະດູກ ແລະ ເມັດເລືອດແຂງແຮງ, ຊ່ວຍປັບສົມດຸນໃຫ້ກັບແບັກທີເຣຍໃນຮ່າງກາຍ, ຊ່ວຍໃຫ້ການເຜົາຜານເປັນປົກກະຕິ, ຊ່ວຍກຳຈັດສານກໍ່ມະເຮັງ, ຫຼຸດການອັກເສບ, ດີຕໍ່ລະບົບກະເພາະອາຫານ, ຫົວໃຈ ແລະ ຄວາມດັນເລືອດສູງ.

      ນອກຈາກນີ້ ຍັງມີແຄລຊຽມ ແລະ ວິຕາມິນ A ສູງ ຈຶ່ງຊ່ວຍປ້ອງກັນພະຍາດທີ່ກ່ຽວກັບສາຍຕາ ເປັນຕົ້ນແມ່ນຕາບອດກາງຄືນ ຫຼື ຕາຕໍ້ຊະນິດຕ່າງໆໃນຜູ້ເຖົ້າ, ສ່ວນສັບພະຄຸນທາງຢາພື້ນເມືອງພົບວ່າ ແກ່ນຜັກກາດຕີນໝີຈະມີລົດຊາດເຜັດຮ້ອນ ຈຶ່ງຊ່ວຍຍ່ອຍອາຫານ, ຊ່ວຍປິ່ນປົວອາການຫວັດ, ຫຼຸດອາການປວດ ແລະ ຊ່ວຍໃນເລື່ອງຄວາມຈື່ຈຳ.

ຂໍ້ມູນຈາກ: http://news.com.la