ກະ​ຫຼ່ຳ​ສີມ່ວງ​ ທີ່​ມີ​ສີ​ສັນ​ສົດ​ໃຫ້​ຊວນ​ກິນ​ ເຊິ່ງ​ມັກ​ເຫັນ​ເລື້ອຍໆ​ໃນ​ຈານ​ສ​ະລັດ​ ແຕ່​ໃຜ​ສິ​ຮູ້ວ່າ​ກະ​ຫຼ່ຳ​​ສີ​ງາມໆ​ນີ້​ຈະ​ມີ​ຄຸນ​ປະໂຫຍດ​ຕໍ່​ຮ່າງກາຍ​ຂອງ​ເຮົາ​ຢ່າງຫຼວງ​ຫລາຍ​ ເນື່ອງ​ຈາກ​ກະ​ຫຼ່ຳ​ສີ​ມ່ວງ​ເປັນ​ພືດ​ທີ່​ມີ​ໄຍອາຫານ​ສູງ ​ແລະ​ ​ອຸດົມ​ໄປ​ດ້ວຍ​ສານ​ອາຫານ​ຫຼາກ​ຫຼາຍ​ຊະນິດ ເຊັ່ນ: ​ໂປຣ​ຕີນ​, ຄາ​ຣ໌​ໂບ​ໄຮ​ເດນ​ຕ​, ໂຊ​ດຽມ​ ແລະ​ ວິ​ຕາ​ມິນ​ຊີ​ ນອກ​ຈາກ​ນີ້​ການ​ກິນ​ກະ​ຫຼ່ຳ​ສີມ່ວງ​ຢ່າງ​ສ​ະໝ່ຳ​ສະເໝີ​ຈະ​ຊ່ວຍ​ຫຼຸດ​ໂອ​ກາດ​ສ່ຽງ​ທີ່​ຈະ​ເປັນ​ພະຍາດ​ ມະ​ເຮັງ​ລຳ​ໄສ້​ໃຫຍ່ ​ແລະ ​ພະຍາດ​ມະ​ເຮັງ​ໃນ​ບໍລິເວນທ້ອງ​ໄດ້​.

    ນອກນັ້ນ ຍັງ​ອຸດົມ​ໄປ​ດ້ວຍ​ທາດ​ເຫຼັກ​ທີ່​ຊ່ວຍ​ເສີມ​ສ້າງ​ຮີ​ໂມ​ໂກລ​ບິນ​ຊຶ່ງ​ເປັນ​ສ່ວນ​ ສຳຄັນ​ທີ່​ເຮັດໃຫ້​ມີ​ເມັດ​ເລືອດ​ແດງ​ໄປ​ຫຼໍ່​ລ້ຽງ​ເຊລ​ລ໌​ຕ່າງ​ໆ​ໃນ​ຮ່າງກາຍ​ ຢ່າງໃດ​ກໍ​ຕາມ ​ໃນ​ແຕ່​ລະ​ມື້ ​ເຮົາ​ບໍ່​ຄວນ​ກິນ​ກະ​ຫຼ່ຳ​​ດິບ​ຫລາຍ​ເກີນ​ 1-2 ກິ​ໂລກ​ຣາມ​ ເພາະຖ້າ​ມີ​ສານ​ Goitrogen ຈາກ​ກະ​ຫຼ່ຳ​​ສະ​ສົມ​ໃນ​ຮ່າງກາຍ​ຫລາຍ​ເກີນ​ໄປ​ ອາດ​ສົ່ງ​ຜົນ​ໃຫ້​ຕ່ອມ​ໄທ​ລອຍ​ດ໌​ນຳ​ໄອ​ໂອ​ດີນ​ໃນ​ເລືອດ​ໄປ​ໃຊ້​ໄດ້​ນ້ອຍ​ລົງ​ ແຕ່​ສານ​ນີ້​ຈະ​ເສຍໄປ​ເມື່ອ​ກະ​ຫຼ່ຳ​​ນັ້ນ​ສຸກ​ແລ້ວ​.

ຂໍ້ມູນຈາກ: http://news.com.la