ຄວາມເຜັດເປັນອີກຫນຶ່ງລົດຊາດທີ່ຂາດບໍ່ໄດ້ໃນອາ­ຫານຫລາຍໆຊະ­ນິດ ແລະ ຄວາມເຜັດນັ້ນ ສ່ວນຫລາຍກໍ່ຈະໄດ້ມາຈາກ “ຫມາກ­ເຜັດ” ເຊິ່ງຫມາກ­ເຜັດແຕ່ລະຊະ­ນິດກໍ່ຈະໃຫ້ຄວາມເຜັດແຕກຕ່າງກັນອອກໄປ ພ້ອມນັ້ນຍັງມີຄຸນຄ່າທາງອາ­ຫານ ແລະ ສັບ­ພະຄຸນທີ່ຫລວງ­ຫລາຍກວ່າການຊ່ວຍເພີ່ມລົດຊາດໃຫ້ກັບອາ­ຫານ ຕ່າງໆໂດຍເລີ່ມຈາກປະ­ການທຳອິດກໍ່ຄື:

ໝາກ­ເຜັດ: ມີວິ­ຕາ­ມິນເອ, ເຊ, ແຄນຊຽມ ແລະ ທາດເຫລັກ ມີກຣົດແອສຄໍບິກທີ່ຊ່ວຍຂະ­ຫຍາຍເສັ້ນ­ເລືອດໃນລຳໄສ້ ແລະ ກະ­ເພາະອາ­ຫານເພື່ອໃຫ້ດູດຊຶມອາ­ຫານໄດ້ດີຂຶ້ນຊ່ວຍໃຫ້ການຂັບຖ່າຍ ແລະ ນຳທາດອາ­ຫານຕ່າງໆໄປຍັງເນື້ອເຍື່ອຂອງຮ່າງ­ກາຍ.

ຊ່ວຍບັນ­ເທົາ: ອາ­ການໄຂ້ຫວັດ, ຫລຸດນ້ຳມູກ, ບັນ­ເທົາອາ­ການເຈັບ­ຄໍ, ຊ່ວຍໃຫ້ຫລອດລົມຂະ­ຫຍາຍດີບໍ່ເຄັ່ງຕຶງ ສະ­ນັ້ນຄົນທີ່ເປັນຫອບຫືດ ຫລື ພູມແພ້ ຫາກກິນຫມາກ­ເຜັດເຂົ້າໄປແລ້ວຈະມີອາ­ການດີຂຶ້ນ.

ໝາກ­ເຜັດ: ຍັງມີສານແຄປໄຊຊິນ ທີ່ເຮັດໃຫ້ເກີດຄວາມເຜັດ ເຊິ່ງມີຄຸນ­ສົມ­ບັດຊ່ວຍຫລຸດອາ­ການເຈັບປວດຂອງກ້າມ­ຊີ້ນ, ບ່າໄຫລ່, ແຂນ, ປວດອັກ­ເສບຕາມຂໍ້ ແລະ ອາ­ການບວມຂຽວຕ່າງໆຂອງຮ່າງ­ກາຍ ນອກ­ຈາກນີ້ຄວາມເຜັດຈາກຫມາກ­ເຜັດກໍ່ຍັງຊ່ວຍເອີ້ນນ້ຳຍ່ອຍຂອງ ອາ­ຫານເຮັດໃຫ້ເຮົາຢາກກິນອາ­ຫານຫລາຍຂຶ້ນ.

ທັງນີ້ການບໍ­ລິ­ໂພກໝາກເຜັດເຂົ້າໄປ ຫລື ການກິນເຜັດໆກໍ່ຄວນຈະຢູ່ໃນປະ­ລິ­ມານທີ່ເຫມາະສົມບໍ່ຄວນກິນເຜັດຫລາຍຈົນເກີນໄປຈົນກາຍ­ເປັນໂລກກະ­ເພາະອາ­ຫານ ແລະ ຕ້ອງກິນເຜັດໃຫ້ຖືກຈັງຫວະເວ­ລາ ບໍ່ກິນເຜັດຫລາຍໃນຂະ­ນະທີ່ທ້ອງວ່າງຫາກເຮັດໄດ້ແບບນີ້ແລ້ວທ່ານ ກໍ່ຈະໄດ້ຮັບປະ­ໂຫຍດຈາກຫມາກ­ເຜັດໄປແບບເຕັມໆ.

ຂໍ້ມູນຈາກ: news.com.la