ເມື່ອເວົ້າເຖິງຜັກ​ກູດ ​ເຊື່ອວ່າຫຼາຍຄົນຄົງຮູ້ດີ​ ເພາະຜັກ​ກູດ​ຖືເປັນ​ພືດຊະນິດ​ໜຶ່ງ​ ທີ່​ສາມາດ​ນຳ​ມາປຸງ​ເປັນ​ອາຫານ​ໄດ້​ ແລະ​ ຍັງ​ເປັນ​ຜັກ​ພື້ນ​ບ້ານ​ທີ່​ມີ​ປະໂຫຍດ​ນໍາອີກ​​ ໂດຍມັກນິຍົມ​ນຳ​ຍອດ​ອ່ອນ​ ແລະ​ ໃບ​ອ່ອນ​ມາປຸງ​ອາຫານ​ ຫລື​ ລວກ​ກິນກັບແຈ່ວ.

   ພືດ​ຊະນິດ​ນີ້ ມັກ​ເກີດ​ຢູ່​ຕາມ​ບໍລິເວນ​ທີ່​​ຊຸ່ມ​ນໍ້າ,​ ແຄມຫ້ວຍ​, ໜອງ​ ແລະ ບຶງ​ ຫຼື ໃນ​ພື້ນ​ທີ່​ເປີດ​ໂລ່ງ​ ຍິ່ງ​ໃນ​ຊ່ວງ​ໜ້າ​ແລ້ງ​ ຜັກ​ກູດ​ຈະ​ມີລົດຊາດ​ແຊບ​ກວ່າ​ລະດູ​ອື່ນ​ໆ​ ຜັກ​ກູດ​ຈະ​ມີລົດຈືດ​ອົມ​ ຫວານ​-ກອບ​​ ເປັນ​ຜັກ​ທີ່​ມີ​ເສັ້ນ​ໃຍ​ກາກ​ຫລາຍ​ ເຮັດໃຫ້​ລະບົບ​ຂັບ​ຖ່າຍ​ດີ,​ ນອກ​ຈາກ​ນີ້​ ຍັງມີ​ວິ​ຕາ​ມິນ​ເອ​, ວິ​ຕາ​ມິນ​ບີ​1​, ວິ​ຕາ​ມິນ​ບີ​2​, ວິ​ຕາ​ມິນ​ຊີ​ ແລະ​ ໄນ​ອາ​ຊິນ​ ຂ້ອນ​ຂ້າງ​ສູງ​, ນຳ​ມາລວກ ​ຫລື ​ຕົ້ມ​ໃຫ້​ສຸກ​ ໃຊ້​ເປັນ​ຜັກກິນກັບແຈ່ວປະເພດ​ຕ່າງ​ໆ​ ຫລື ​ນຳ​ໄປຸ​ປງ​ອາຫານ​ໄດ້​ຫຼາຍ​ຢ່າງ​.

    ຜັກກູດ ນ້ອງຈາກເປັນອາຫານ ທີ່ສາມາດບໍລິໂພກໄດ້ແລ້ວ ຍັງມີຄຸນຄ່າດ້ານອື່ນໆອີກ ຄື:

   1.ຊ່ວຍ​ເພີ່ມ​ພູ​ມຄຸ້ມ​ກັນ​ ແລະ​ ຊ່ວຍ​ຕໍ່​ຕ້ານ​ອະ​ນຸ​ມູນ​ອິດສະຫລະ​
   2.ໃບ​ຜັກ​ກູດ​ນຳ​ມາ​ຕົ້ມ​​ດື່ມ​ ຊ່ວຍ​ແກ້​ໄຂ້​ຕັວ​ຮ້ອນ​
   3.ເປັນ​ຜັກ​ທີ່​ມີ​ຄຸນສົມບັດ​ຊ່ວຍ​ດັບ​ຮ້ອນ​

   4. ຊ່ວຍ​ຫລຸດ​ລະ​ດັບ​ຄໍ​ເລດ​ເຕີ​ຣອນ​ໃນ​ເມັດ​ເລືອດ​
   5. ອຸດົມ​ໄປ​ດ້ວຍ​ທາດ​ເຫຼັກ​ ແລະ ​ບີ​ຕາ​ແຄ​ໂຣ​ທີນ​
   6. ຊ່ວຍ​ແກ້​ພະຍາດ​ເລືອດ​ຈາງ​

  7. ຊ່ວຍ​ບຳ​ຣຸງ​ສາຍ​ຕາ​
  8. ຊ່ວຍ​ລະບົບ​ຂັບ​ຖ່າຍ​ ເພາະ​ເປັນ​ຜັກ​ທີ່​ມີ​ເສັ້ນ​ໃຍສູງ​ຫລາຍ​
ສິ່ງທີ່​ຄວນ​ລະ​ວັງ​: ບໍ່​ຄວນ​ຮັບປະທານ​ຜັກ​ກູດ​ແບບ​ດິບ​ໆ​ ຫລື​ ແບບ​ສົດ​ໆ​ ໃນປະລິມານທີ່ຫຼາຍເກີນໄປ ເນື່ອງ​ຈາກ​ຜັກ​ກູດ​ມີ​ສານ​ອອກ​ຊາ​ເລດ​ໃນ​ປະລິມານ​ທີ່​ສູງ​.

ຂໍ້ມູນຈາກ: http://news.com.la