ພືດຜັກ ນອກຈາກເປັນອາຫານ ທີ່ຄົນເຮົາມັກນຳມາປຸງແຕ່ງກີນແລ້ວ ບາງຊະນິດ ຍັງເປັນສະໝຸນໄພ ທີ່ສາມາດປີ່ນປົວພະຍາດບາງຊະນິດໄດ້ອີກ, ແຕ່ໃນນີ້ ພວກເຮົາຈະນຳສະເໜີ ພືດຜັດ ບາງຊະນິດ ທີ່ໃຫ້ຄຸນປະໂຫຍດ ແກ່ກາານບໍລິໂພກຂອງເຮົາ ຄື:

    1. ກະເພົາ: ກະເພົາເປັນຜັກສວນຄົວກິ່ນຫອມ ມີລົດເຜັດຮ້ອນໃນໂຕ ມີກິ່ນແຮງ ກິນແລ້ວໂລ່ງໄປທັງດັງແລະ ຄໍ ກະເພົາຍັງເປັນຜັກທີ່ຫາງ່າຍລາຄາຖືກ ໃບກະເພົາສາມາດເພີ້ມຄວາມອົບອຸ່ນໃຫ້ຮ່າງກາຍຈາກລິດຮ້ອນໃນໂຕກະເພົາເອງ.

    2. ຍອດໝາກຂາມ: ມີລົດຊາດສົ້ມພໍເໝາະ ມີປະໂຫຍດຊ່ວຍແກ້ຄວາມໜາວໄດ້ຫຼາຍ ເນື່ອງຈາກລົດສົ້ມທີ່ພໍເມາະປັບສົມດຸນຂອງທາດທັງສີ່ໃນຮ່າງກາຍ ເພີ້ມການໄຫຼວຽນຂອງເລືອດ ຊ່ວຍໃຫ້ຮູ້ສຶກອຸ່ນຈາກພາຍໃນ ອີກທັງຍອດໝາກຂາມຍັງມີຄຸນສົມບັດຂັບເສມຫະໃນລຳຄໍ ແລະ ມີວິຕາມິນຊີສູງ ຈຶ່ງຊ່ວຍເສີມພູມຕ້ານທານ ປ້ອງກັນໂລກຫວັດໄດ້.

     3. ໃບສົ້ມພໍດີ: ໃບສົ້ມພໍດີ ມີລົດສົ້ມທີ່ພໍເໝາະຕໍ່ການປັບສົມດຸນທາດທັງສີ່ໃນຮ່າງກາຍ ຊ່ວຍກະຕຸ້ນການໄຫຼວຽນຂອງເລືອດໄດ້ເຊັ່ນດຽວກັນ ຈຶ່ງຊ່ວຍເພີ້ມຄວາມອົບອຸ່ນໃຫ້ຮ່າງກາຍໄດ້ ເພາະເລືອດລົມໄຫຼວຽນຢ່າງສະດວກຫຼາຍຂື້ນນັ້ນເອງ.

   4. ມະຣະ: ເປັນຜັກພື້ນບ້ານທີ່ມີລົດຂົມຈັດ ເປັນຕຳລັບອາກຫານແກ້ຄວາມໜາວມາແຕ່ສໄໝບູຮານເຊັ່ນກັນ ເນື່ອງຈາກມະຣະມີທັງລົດຂົມ ແລະ ລົດສົ້ມຊ່ວຍໃຫ້ທາດທັງສີ່ໃນຮ່າງກາຍມີຄວາມສົມດຸນ.

  5. ຜັກກະເດົາ: ຜັກກະເດົາເປັນຜັກທີ່ມີລົດຂົມປົນສົ້ມ ມີສັບພະຄຸນຊ່ວຍເສີມທາດໃນຮ່າງກາຍໃຫ້ແຂງແຮງ ຊ່ວຍໃຫ້ລະບົບພູມຄຸ້ມກັນແຂງແກ່ນ ມີພູມຕ້ານທານຕໍ່ອາກາດໜາວ ແລະ ໂລກໜ້າໜາວໄດ້ເປັນຢ່າງດີ.

      6. ໝາກເຜັດ: ໝາກເຜັດມີຄວວາມເຜັດຮ້ອນຈາກສານແຄັບໄຊຊິນ ເຊິ່ງມີຊັບພະຄຸນຊ່ວຍເພີ້ມການໄຫຼວຽນຂອງເລືອດ ແລະ ຍັງຊ່ວຍບັນເທົາອາການໜາວຊາບໍລິເວນປາຍມື-ປາຍຕີນໄດ້ດີດ້ວຍ ເຊິ່ງວິທີການກິນໝາກເຜັດແກ້ໜາວແນະນຳໃຫ້ກິນເມນູທີມີໝາກເຜັດເປັນສ່ວນປະກອບ.

    7. ພິກໄທ: ຈັດເປັນເຄື່ອງເທດ ແລະ ສະໝຸນໄພທີ່ມີລົດຮ້ອນ ຈຶ່ງຊ່ວຍເພີ້ມຄວາມອົບອຸ່ນໃຫ້ຮ່າງກາຍໄດ້ງ່າຍ ສາມາດກິນແບບພິກໄທປົ່ນ ຫຼື ກິນສົດກໍ່ໄດ້ ຈະຊ່ວຍໃຫ້ຮ່າງກາຍມີພູມຕ້ານທານຕໍ່ຄວາມໜາວ ເກີດຄວາມອົບອຸ່ນພາຍໃນຮ່າງກາຍ.

  8. ຂິງ: ຂິງມີລິດຮ້ອນອີກທັງສານເຄີຄູມິນໃນຂິງຍັງຊ່ວຍຫຼຸດອາການອັບເສບ ເສີມສ້າງພູມຄຸ້ມກັນໃຫ້ແຂງແຮງແກ້ໄຂ້ຫວັດບັນເທົາອາການໄອ ຊ່ວຍຂັບລົມແກ້ທ້ອງອືດທ້ອງເຟີ້ ຊ່ວງໜາວແບບນີ້ສາມາດນຳຂິງມາກິນໄດ້ຫຼາຍຮູບແບບ ຈະດື່ມເປັນຊາຮ້ອນ, ປຸງອາຫານກໍ່ໄດ້ ກໍ່ລ້ວນແຕ່ເພີ້ມຄວາມອົບອຸ່ນໃຫ້ຮ່າງກາຍໄດ້ທັງນັ້ນ.

    9. ຂ່າ: ເປັນສະໝຸນໄພທີ່ມີລົດຮ້ອນຄືຂິງ ມີສັບພະຄຸນຊ່ວຍແກ້ໄອແກ້ຫວັດ ຈຶ່ງເໝາະທີ່ຈະກິນຂ່າໃນໜ້າໜາວເພາະບໍ່ພຽງແຕ່ຊ່ວຍແກ້ໜາວໄດ້ເທົ່ານັ້ນ ແຕ່ຍັງມີຊັບພະຄຸນບັນເທົາອາການຫວັດອີກດ້ວຍ.

    10. ກະຊາຍ: ເປັນສະໝຸນໄພທີ່ໃຫ້ລົດເຜັດຮ້ອນ ເມື່ອກິນໄປແລ້ວສາມາດເຮັດໃຫ້ອຸນຫະພູມໃນຮ່າງກາຍຂອງເຮົາສູງຂື້ນໄດ້ ດັ່ງນັ້ນຖ້າຕ້ອງການໃຫ້ຮ່າງກາຍອົບອຸ່ນຂື້ນ ຈຶ່ງຄວນກິນອາຫານທີ່ຊ່ວຍເພີ້ມອຸນຫະພູມໃຫ້ຮ່າງກາຍ ເຊິ່ງກະຊາຍຖືເປັນທາງເລືອກທີ່ດີເລີຍ.

   11. ຍີ່ຫຣ່າ: ເປັນເຄື່ອງເທດທີ່ມີລິດຮ້ອນ ຈະເຂົ້າໄປຊ່ວຍເສີມສ້າງການທຳງານຂອງລະບົບເຜົາຜານໃນຮ່າງກາຍ ເຮັດໃຫ້ຮ່າງກາຍອົບອຸ່ນຂື້ນ ແຕ່ທັງນີ້ກໍ່ຄວນລະມັດລະວັງເລື່ອງຄວາມເຜັດຮ້ອນ ເພາະຖ້າຫາກຕື່ມເຄື່ອງເທດເຫຼົ່ານີ້ຫຼາຍເກີນໄປ ແທນທີ່ຈະຊ່ວຍໃຫ້ອົບອຸ່ນກໍ່ອາດເຮັດໃຫ້ເກີດເຫື່ອອອກ ແລະ ສູນເສຍຄວາມຮ້ອນທີ່ລະບາຍອອກມາຜ່ານເຫື່ອໄດ້.

ຂໍ້ມູນຈາກ: http://news.com.la