ອະນຸສາວະລີນີ້ ເປັນຮູບແກະສະຫຼັກພະເຈົ້າ ຊີອຸສ ທີ່ນັ່ງຢູ່ເທິງບັນລັງສີທອງຄໍາ ຮູບປັ້ນນີ້ ແກະສະຫຼັກດ້ວຍງາຊ້າງຢ່າງຫຼວງຫຼາຍປະກອບກັນຂື້ນ ຜູ້ທີ່ປັ້ນເທວະຮູບ ຊີອຸສ ນີ້ ເປັນປະຕິມາກອນເອກຊາວ ເກຼັກ ທີ່ມີຊື່ວ່າ ຟີດີອັສ.

      ເທວະຮູບ ຊີອຸສ ໄດ້ຖືກຈັດໃຫ້ເປັນສິ່ງທີ່ໜ້າມະຫັດສະຈັນໃນຍຸກເກົ່າແກ່ສິ່ງໜື່ງຂອງໂລກ ຍ້ອນວ່າໄດ້ສ້າງຂື້ນປະມານ 2400 ປີກ່ອນລະຫວ່າງປີ ຄສ 53-111, ຕາມຕໍານານທີ່ຈາລຶກໄວ້ ໄດ້ລະບຸວ່າ ເທວະຮູບນີ້ ໄດ້ເຮັດຈາກງາຊ້າງ ສູງ 17,5 ແມັດ ມີຂະໜາດໃຫຍ່ກວ່າຄົນປົກກະຕິເຖິງ 8 ເທົ່າ, ແຂນຊ້າຍຍົກຂື້ນ, ແຂນຂວາຮອງຮັບ ແລະ ມີເຄື່ອງປະດັບປະດາດ້ວຍທອງຄໍາ, ຊາວໂຣມັນ ເອີ້ນອີກຊື່ໜື່ງວ່າ ຈູປີເຕີ ແລະ ຊາວເກຼັກເອີ້ນເທວະຮູບນີ້ວ່າ ຊຸສ ເຊິ່ງເປັນສັນຍາລັກຂອງຜູ້ນໍາແຫ່ງເທບພະເຈົ້າ ທີ່ຊາວເກຼັກໃຫ້ຄວາມນັບຖືຫຼາຍທີ່ສຸດໃນຍຸກນັ້ນ, ແມ່ນໃຜຈະອອກເດີນທາງໄປໃສກໍ່ຕາມ ຈະຕ້ອງໄດ້ມາຂໍພອນຈາກພະອົງກ່ອນ ແຕ່ບັດນີ້ບໍ່ມີຫຼັກຖານໃຫ້ໄດ້ຊົມ ເພາະໄດ້ຖືກໄຟເຜົາໄໝ້ໝົດທັງອົງ ໃນປີ ຄສ 476 ຍັງຄົງໃຫ້ເຫັນພາບໃນຫຼຽນກາບູຮານ ແລະ ຈາກຈິນຕະນາການທີ່ໄດ້ມາຈາກຄໍາບອກເລົ່າ ຫຼື ນິຍາຍເທົ່ານັ້ນ ແຕ່ຄວາມງາມ ແລະ ຄວາມສັກສິດຍັງຄົງເປັນທີ່ຍົກຍ້ອງເລົ່າລື ແລະ ກ່າວຂານກັນມາໃຫ້ຊາວໂລກໄດ້ຮັບຮູ້ຈົນເຖິງທຸກວັນນີ້.