ການກວດກາ ເປັນວຽກໜື່ງທີ່ສຳຄັນໃນການບໍລິຫານກົງຈັກລັດ ເພາະວ່າ ໜ້າທີ່ພື້ນຖານຂອງການກວດກາ ແມ່ນກວດໃຫ້ເຫັນສີ່ງທີ່ດີ ເພື່ອຈະໄດ້ຊຸກຍູ້ສົ່ງເສີມ ແລະ ພັດທະນາໃຫ້ດີຂື້ນ, ໃນຂະນະດຽວກັນ ກວດກາໃຫ້ເຫັນສີ່ງທີ່ຫຍໍ້ທໍ້ ເພື່ອຈະໄດ້ສະກັດກັ້ນ ດັດປັບ ແລະ ແກ້ໄຂແຕ່ຫົວທີ ກ່ອນທີ່ທຸກຢ່າງຈະສາຍເກີນແກ້, ດັ່ງຜູ້ນຳ ໄດ້ກ່າວໄວ້ວ່າ: ບ່ອນໃດມີພັກນຳພາ ບ່ອນນັ້ນມີການກວດກາ  ບ່ອນໃດມີການກວດກາ ບ່ອນນັ້ນມີການນຳພາຂອງພັກ, ສະນັ້ນ, ການຕິດຕາມ, ກວດກາພັກ ແລະ ກວດກາລັດ ແມ່ນເພື່ອຮັບປະກັນໃຫ້ແກ່ການຈັດຕັ້ງປະຕິບັດພາລະບົດບາດໜ້າທີ່, ຂອບເຂດສິດຂອງຄະນະພັກທຸກຂັ້ນ ແລະ ສະມາຊິກພັກທຸກສະຫາຍ, ມີຄວາມເປັນເອກະພາບໃນການປະຕິບັດຫຼັກການລວມສູນປະຊາທິປະໄຕ  ເຮັດວຽກເປັນໝູ່ຄະນະ, ບຸກຄົນຮັບຜິດຊອບ ເພື່ອຄຸ້ມຄອງປ້ອງກັນພັກ ສະກັດກັ້ນແລະ ແກ້ໄຂບັນດາປະກົດການຫຍໍ້ທໍ້ ທີ່ລະເມີດຕໍ່ມະຕິ, ຄຳສັ່ງ, ຂໍ້ກໍານົດ, ກົດລະບຽບຂອງພັກ ກົດໝາຍ ແລະ ລະບຽບການຂອງລັດຢູ່ບັນດາການຈັດຕັ້ງ ແລະ ບຸກຄົນ ແນໃສ່ຮັກສາບົດບາດການນຳພາຂອງພັກໃຫ້ມີຄວາມໂປ່ງໃສ.

          ຈາກຄວາມໝາຍຄວາມສຳຄັນດັ່ງກ່າວນັ້ນ ຄະນະບໍລິຫານງານພັກແຂວງບໍລິຄຳໄຊ ຈຶ່ງໄດ້ເອົາໃຈໃສ່ຊີ້ນຳ - ນຳພາຄະນະກວດກາພັກແຂວງ ແລະ ຄະນະກວດກາພັກແຕ່ລະຂັ້ນ  ເຄື່ອນໄຫວຈັດຕັ້ງປະຕິບັດວຽກງານຕິດຕາມ, ກວດກາພັກ, ກວດກາລັດຢ່າງເປັນປົກກະຕິຕໍ່ເນື່ອງ  ເພື່ອຮັບປະກັນໃຫ້ແກ່ການຈັດຕັ້ງປະຕິບັດແຜນພັດທະນາເສດຖະກິດ - ສັງຄົມຂອງແຂວງໃຫ້ຖືກຕ້ອງຕາມລະບຽບກົດໝາຍຢ່າງຈະແຈ້ງ ໃຫ້ເປັນຮູບປະທຳດ້ວຍຄຸນນະພາບທີ່ແນ່ນອນ, ຄະນະກວດກາພັກແຂວງ ກໍ່ໄດ້ເອົາໃຈໃສ່ຕິດຕາມ, ກວດກາການຈັດຕັ້ງປະຕິບັດ ຕາມພາລະບົດບາດ, ໜ້າທີ່, ຂອບເຂດຄວາມຮັບຜິດຊອບຂອງຕົນຢ່າງເປັນປົກກະຕິ.

ບົດລາຍງານ ການຈັດຕັ້ງປະຕິບັດວຽກງານກວດກາ 6 ເດືອນຕົ້ນປີ 2018 ຂອງຄະນະກວດກາພັກ - ລັດແຂວງ ໄດ້ຊີ້ໃຫ້ເຫັນບາງຜົນງານທີ່ພົ້ນເດັ່ນ ເຊັ່ນ:

  1. ການສຶກສາອົບຮົມການເມືອງ-ແນວຄິດ: ແມ່ນໄດ້ເຜີຍແຜ່ເຊື່ອມຊືມບັນດາເອກະສານ ເປັນຕົ້ນແມ່ນມະຕິຂອງຄະນະບໍລິຫານງານສູນກາງພັກເລກທີ 022/ຄບສພ, ລົງວັນທີ 13 ມັງກອນ 2017 ວ່າດ້ວຍການແກ້ໄຂພະຍາດອາດຍາສິດ, ສະກັດກັ້ນ ແລະ ຕ້ານການສໍ້ລາດບັງຫຼວງ, ຜັນຂະຫຍາຍຄຳສັ່ງຂອງນາຍົກລັດຖະມົນຕີ ສະບັບເລກທີ 25/ນຍ, ລົງວັນທີ04 ພະ​ຈິກ 2008 ວ່າດ້ວຍການປະຍັດ ແລະ ຕ້ານການຟຸມເຟືອຍ ເປັນຄຳສັ່ງຂອງເຈົ້າແຂວງເລກທີ030/ຂບຊ, ລົງວັນທີ 23 ຕຸລາ 2015 ວ່າດ້ວຍການປະຢັດ ແລະ ຕ້ານການຟຸມເຟືອຍ, ຍຸດທະສາດຕ້ານການສໍ້ລາດບັງຫຼວງແຕ່ນີ້ຮອດປີ 2020 ຂອງນາຍົກລັດຖະມົນຕີເລກທີ 02/ນຍ, ລົງວັນທີ 04 ທັນ​ວາ 2012 ເປັນແຜນຍຸດທະສາດຕ້ານການສໍ້ລາດບັງຫຼວງຂອງແຂວງ  ຕາມຂໍ້ຕົກລົງເຈົ້າແຂວງເລກທີ 522/ຂບຊ, ລົງວັນທີ20 ມີນາ 2016, ຄໍາສັ່ງຂອງນາຍົກລັດຖະມົນຕີເລກທີ 15/ນຍ ມາເປັນ​ຄຳສັ່ງເຈົ້າແຂວງເລກທີ 16/ຂບຊ, ລົງວັນທີ 23 ພຶດສະພາ 2016 ວ່າດ້ວຍການເພີ່ມທະວີຄວາມເຂັ້ມງວດໃນການຄຸ້ມຄອງ ແລະ ການກວດກາຂຸດຄົ້ນໄມ້, ການເຄື່ອນຍ້າຍໄມ້ ແລະ ທຸລະກິດໄມ້, ດຳລັດຂອງລັດຖະບານເລກທີ 159/ລບ, ລົງວັນທີ 04 ມິ​ຖຸ​ນາ 2013 ແລະ ບົດແນະນຳຂອງອົງການກວດກາລັດຖະບານເລກທີ 46/ອກລ, ລົງວັນທີ20 ກຸມພາ 2017 ວ່າດ້ວຍການແຈ້ງຊັບສິນ, ຂໍ້ກໍານົດເລກທີ 05/ຄກສພ, ລົງວັນທີ 05 ມັງກອນ 2018 ວ່າ​ດ້ວຍການຕິດຕາມ, ກວດກາ ການຈັດຕັ້ງຜົນການກວດກາ, ບົດແນະນຳເລກທີ 27/ອກລ, ລົງວັນທີ 30 ມັງກອນ 2018, ກ່ຽວກັບການດໍາເນີນຄະດີການສໍ້ລາດບັງຫຼວງ ບົດແນະນຳເລກທີ 04/ຄກສພ, ລົງວັນທີ 05 ມັງກອນ 2018, ກ່ຽວກັບສິດຕົກລົງວິໄນຂັ້ນກ່າວເຕືອນ,ປ່ຽນແປງຫຼືລົບລ້າງຮູບການວິໄນ, ບົດແນະນຳຂອງອົງການກວດກາລັດຖະບານເລກທີ 46/ອກລ, ລົງວັນທີ4 ມີນາ 2015 ກ່ຽວກັບການຈັດຕັ້ງປະຕິບັດດຳລັດເລກທີ 01/ລບ ວ່າດ້ວຍການຕິດຕາມ, ກວດກາໂຄງການລົງທຶນຂອງລັດເລີ່ມແຕ່ຫົວທີ, ນອກຈາກນີ້ ຍັງໄດ້ເຜີຍແຜ່ເຊື່ອມ​ຊຶມບັນດາຂໍ້ກຳນົດ, ກົດລະບຽບຂອງພັກ, ກົດໝາຍຂອງລັດເປັນປົກກະຕິ.
  2. ຕິດຕາມ, ກວດກາດ້ານຄຸນທາດການເມືອງ, ຄຸນສົມບັດສິນທຳປະຕິວັດຂອງຄະນະພັກ ແລະ ສະມາຊິກພັກເຫັນໄດ້ວ່າ: ຄະນະພັກ, ສະມາຊິກພັກສ່ວນຫຼາຍ ແມ່ນມີຄຸນທາດການເມືອງ, ຄຸນສົມບັດສິນທຳປະຕິວັດທີ່ໜັກແໜ້ນ, ມີຄວາມຮັບຜິດຊອບຕໍ່ໜ້າທີ່ການເມືອງທີ່ໄດ້ຮັບການມອບໝາຍ, ມີແບບແຜນດຳລົງຊີວິດ, ແບບແຜນວິທີເຮັດວຽກທີ່ຄ່ອງແຄ້ວດີ ໃນຖັນແຖວສະມາຊິກພັກແຕ່ລະຂັ້ນ ມີການຂະຫຍາຍຕົວທາງດ້ານປະລິມານ ແລະ ຄຸນນະພາບ, ໃນທົ່ວອົງ​ຄະ​ນະ​ພັກແຂວງ ມີ 88 ຄະນະພັກຮາກຖານ 717 ໜ່ວຍພັກ, ມີສະມາຊິກພັກທັງໝົດ 11.938 ສະຫາຍ, ຍິງ2.705 ສະຫາຍ, ກວກກາຕີລາຄາຈັດປະເພດ ປະຈໍາປີ 2017 ສາມາດຢັ້ງຢືນການຈັດຕັ້ງພັກ ເປັນໜ່ວຍພັກເຂັ້ມແຂງ-ຮູ້ນຳພາຮອບດ້ານ 549 ໜວ່ຍ, ສະມາຊິກພັກແຂງຮອບ​ດ້ານ 9.133 ສະຫາຍ, ຍິງ 2.114, ຜົນການການທາບທາມຄວາມໄວ້ວາງໃຈຄະນະບໍລິຫານງານພັກແຂວງຈຳນວນ 29 ສະຫາຍ, ຍິງ 03 ສະຫາຍ, ຄະແນນສຽງ 80% ຂື້ນໄປມີ 23 ສະຫາຍ, 50%-79% ມີ 5 ສະຫາຍ, ຄະແນນສຽງ 50% ມີ 1 ສະຫາຍ, ທາບທາມຄວາມໄວ້ວາງໃຈ ວ່າການເລຂາພັກເມືອງ, ຫົວໜ້າພະແນກການ ແລະ ທຽບເທົ່າຈໍານວນ 18 ສະຫາຍ ຄະແນນສຽງ 80% ຂື້ນໄປມີ 15 ສະຫາຍ, 50%-79% ມີ 2 ສະຫາຍ, 50%​ມີ 1 ​ສະຫາຍ, ທາບທາມຄວາມໄວ້ວາງໃຈຄະນະບໍລິຫານງານພັກເມືອງຈຳນວນ 140 ສະຫາຍ, ຍິງ 15 ສະຫາຍ, ຄະແນນສຽງ 80% ຂື້ນໄປ ມີ 113 ສະຫາຍ,50%-79%​ມີ26 ສະຫາຍ,50​% ມີ 1 ສະຫາຍ, ທາບທາມຄວາມໄວ້ວາງໃຈຫົວໜ້າຫ້ອງການ ແລະ ທຽບເທົ່າ ຈຳນວນ 91 ສະຫາຍ ຍິງ 4 ສະຫາຍ, ຄະແນນສຽງ 80% ຂື້ນໄປ ມີ 55 ສະຫາຍ, 50%-79% ມີ27 ສະຫາຍ 50% ມີ9 ສະຫາຍ.
  3.   ຕິດຕາມ, ກວດກາດ້ານແບບແຜນວິທີນຳພາແລະວິທີເຮັດວຽກຂອງຄະນະພັກແຕ່ລະຂັ້ນ:  ເຫັນໄດ້ວ່າມີຄວາມເອົາໃຈໃສ່ຊີ້ນຳ-ນຳພາຕາມພາລະບົດບາດ,ໜ້າທີ່ ແລະ ສິດຂອງຕົນໄດ້ເປັນຢ່າງດີ,ຜ່ານການຕິດຕາມກວດກາໄດ້ພົບເຫັນສະມາຊິກພັກ,ພະນັກງານ-ລັດຖະກອນແລະປະຊາຊົນທີ່ລະເມີດຕໍ່ ກົດລະບຽບຂອງພັກ,ກົດໝາຍຂອງລັດຈຳນວນ 49 ສະຫາຍ, ຍິງ3​ ສະຫາຍ, ຕໍ່ຜູ້ກະທຳຜິດແມ່ນໄດ້ປະຕິບັດຕາມ ກົດລະບຽບຂອງພັກ, ກົດໝາຍຂອງລັດເຊັ່ນ: ປະຕິບັດວິໄນຂັ້ນກ່າວເຕືອນ 13 ສະຫາຍ, ປົດຕຳແໜ່ງ 8 ສະຫາຍ​,ໂຈະຮ່ວມຊີວິດພັກ 5 ສະຫາຍ,ລຶບຊື່ອອກຈາກພັກ 23 ສະຫາຍ, ຍິງ 3 ສະຫາຍ.
  4. ຕິດຕາມ, ກວດກາບໍລິຫານລັດແຕ່ລະຂັ້ນ: ເຫັນໄດ້ວ່າອົງການບໍລິຫານລັດແຕ່ລະຂັ້ນສ່ວນຫຼາຍ ແມ່ນໄດ້ເອົາໃຈໃສ່ຈັດຕັ້ງປະຕິບັດຕາມພາລະບົດບາດ, ໜ້າທີ່ ແລະ ຂອບເຂດສິດຂອງຕົນ, ແຕ່ມີຈໍານວນໜຶ່ງ ບໍ່ປະຕິບັດຕາມພາລະບົດບາດ, ໜ້າທີ່ ແລະ ຂອບເຂດສິດ ຈຶ່ງເຮັດໃຫ້ການປະຕິບັດໜ້າທີ່ວຽກງານຜິດຕໍ່ກົດລະບຽບຂອງພັກ, ກົດໝາຍຂອງລັດ ເຊັ່ນ: ຄະນະປະຈຳພັກແຂວງເຫັນດີໃຫ້ເຈົ້າແຂວງອອກຂໍ້ຕົກລົງລືບລ້າງຂໍ້ຕົກລົງຂອງເຈົ້າເມືອງທີ່ຂັດກັບກົດໝາຍທີ່ດີນມີ 10 ສະບັບ, ກວດກາພົບເຫັນເງິນຂອງລັດ ແລະ ຂອງບຸກຄົນທີ່ນຳໃຊ້ບໍ່ຖືກຕ້ອງຕາມລະບຽບກົດໝາຍ ຈຳນວນ 4.315.271.975 ກີບ, ເງິນໂດລາ 180.342 ໂດລາ, ເງິນບາດ 5.973.466 ບາດ, ເງິນດົງ 20 ລ້ານດົງ,ພ້ອມທັງເກັບກູ້ຄືນໃຫ້ລັດໄດ້ 3.225.143.732ກີບ, 180.342,06 ໂດລາ, 465.207 ບາດ, 20 ລ້ານດົງ.
  5. ຕິດຕາມ, ກວດກາການລົງທຶນຂອງລັດເລີ່ມແຕ່ຫົວທີ: ພະແນກກວດກາລັດແຂວງໄດ້ສະເໜີເຈົ້າແຂວງຮັບຮອງເອົາໂຄງການຕິດຕາມ, ກວດກາຕາມດຳລັດ 01/ລບ ຈຳນວນ 04 ໂຄງການ ຄື:ໂຄງການກໍ່ສ້າງນໍ້າປະປາເທດສະບານເມືອງທ່າພະບາດ ມູນຄ່າ 12.482.179.621,08 ກີບ, ໂຄງການກໍ່ສ້າງຫ້ອງການອົງການໄອຍະການປະຊາຊົນເຂດ 1 ເມືອງປາກຊັນມູນຄ່າ 9.632.000.000 ກີບ, ໂຄງການກໍ່ສ້າງໂຮງຮຽນການເມືອງ-ການປົກຄອງຊັ້ນສູງມູນຄ່າ 4,250ຕື້ກີບ ແລະ ໂຄງການກໍ່ສ້າງສະໜາມ​ກິລາຄົບວົງຈອນຂອງແຂວງ ແຕ່ບໍ່ໄດ້ຮັບການກໍ່ສ້າງຍ້ອນສະພາແຫ່ງຊາດບໍ່ໄດ້ຮັບຮອງ, ພະແນກໂຍທາທິການ ແລະ ຂົ່ນສົ່ງແຂວງໄດ້ກຳນົດເອົາ 3 ໂຄງການ ຄື: ໂຄງການກໍ່ສ້າງທາງເບຕົງເທດສະບານເມືອງປາກຊັນມູນຄ່າ 130.416.000.000 ກີບ, ກໍ່ສ້າງກັນເຈື່ອນສົ້ນຂົວນໍ້າຊັນ-ບ້ານສີມຸງຄຸນ ມູນຄ່າ 29.622.000.000 ກີບກໍ່ສ້າງນໍ້າປະປາເມືອງໄຊຈຳພອນມູນຄ່າ 12 ຕື້ກີບ, ເມືອງປາກຊັນກຳນົດເອົາ 3 ໂຄງການ ຄື: ໂຄງການສ້ອມແປງຊົນລະປະທານນໍ້າກະດັນ ມູນຄ່າ 103 ລ້ານກີບ, ກໍ່ສ້າງລະບົບສູບນໍ້າບ້ານສີບຸນເຮືອງມູນຄ່າ 618ລ້ານກີບ, ສ້ອມແປງເສັ້ນທາງເຂດບ້ານໂພນໄຊໃຕ້-ບ້ານສົມສະວາດ ມູນຄ່າ 4 ຕື້ກີບ, ອົງການກວດກາລັດຖະບານໄດ້ກຳນົດເອົາໂຄງການກວດກາເລີ່ມແຕ່ຫົວທີ່ຢູ່ແຂວງບໍລິຄຳໄຊມີ 2 ໂຄງການ ຄື:ໂຄງການກໍ່ສ້າງທາງປູຢາງສອງຊັ້ນແຕ່ບ້ານວັງຫີນ-ບ້ານນາຍາງ-ບ້ານວັງພຽງ, ບ້ານວັງພຽງ-ສາມແຍກໂຮມຈະເລີນ ທີ່ຂື້ນກັບເມືອງວຽງທອງມູນຄ່າ 560.918.316.435 ກີບ, ມີການຕິດຕາມ, ກວດກາເລີ່ມແຕ່ຫົວທີນີ້ສາມາດຄຸ້ມຄອງດ້ານງົບປະມານຂອງລັດໄດ້ຢ່າງຖືກຕ້ອງ. ພະນັກງານການນໍາ, ພະນັກງານວິຊາການ ແລະ ບັນດານັກທຸລະກິດຜູ້ປະກອບການທີ່ຈັດຕັ້ງປະຕິບັດວຽກດັ່ງກ່າວເຫັນວ່າມີສະຕິຕໍ່ກົດໝາຍຕໍ່ລະບຽບການສູງຂື້ນຖ້າທຽບໃສ່ໄລຍະຜ່ານມາ.
  6. ຕິດຕາມກວດກາການເກັບລາຍຮັບ ຄຸ້ມຄອງລາຍຈ່າຍງົບປະມານປີ 2017: ລວມຍອດລາຍຮັບທັງໝົດ759,82 ຕື້ກີບ ລື່ນແຜນປີ 36,09%,ໃນນັ້ນພູດຂອງສູນກາງ ປະຕິບັດໄດ້ 569,28 ຕື້ກີບ ລື່ນແຜນປີ 46,56%, ພູດຂອງແຂວງ ປະຕິບັດໄດ້ 190,4 ຕື້ກີບ ລື່ນແຜນປີ 12,14%, ລາຍຈ່າຍປະຕິບັດໄດ້ 479,14 ຕື້ກີບ ເທົ່າກັບ 96,51​%.
  7. ກວດກາຄຸ້ມຄອງການນຳໃຊ້ຊັບພະຍາກອນປ່າໄມ້, ການເຄື່ອນຍ້າຍໄມ້, ຂຸດຄົ້ນໄມ້ ແລະ ເຄື່ອງປ່າຂອງດົງ: ມີໄມ້ທັງໝົດໃນສະໜາມ III 32.681,388 ແມັດກ້ອນ, ການເຄື່ອນຍ້າຍໄມ້ພາຍໃນມີ 27 ຊຸດ ບໍລິມາດ7.989.77 ແມັດກ້ອນ, ໃນນັ້ນ ມີໄມ້ທ່ອນ 6 ຊຸດ ບໍລິມາດ 6.450,29 ແມັດກ້ອນ, ໄມ້ແປຮູບ 19 ຊຸດ ບໍລິມາດ1.505,89 ແມັດກ້ອນ, ໄມ້ສຳເລັດຮູບ 2 ຊຸດ ບໍລິມາດ 33,60 ແມັດກ້ອນ, ຂື້ນບັນຊີລົດຊິ້ງໄດ້ 196 ຄັນ ເກັບກູ້ຈັກຕັດໄມ້ທີ່ບໍ່ໄດ້ຮັບອະນຸຍາດ ໄດ້ 1.173 ເຄື່ອງ, ເກັບກູ້ປືນແກັບໄດ້ 1.396 ກະບອກ, ເກັບກູ້ໝໍ້ໄຟຟ້າຊ໋ອດປາໄດ້ 260 ເຄື່ອງ,ໂຕະຊອຍໄມ້ 2 ເຄື່ອງ ພອ້ມທັງຢຶດໄມ້ທີ່ບໍ່ຖືກຕອ້ງຕາມລະບຽບ 31.549 ໂຕ/ທ່ອນ ບໍລິມາດ 7.132,237 ແມັດກ້ອນ, ໄມ້ຕິດຊັ່ງ 56.878  ກິໂລ.
  8. ກວດກາການຈັດຕັ້ງປະຕິບັດດັດສົມໂຮງງານ: ໃນໄລຍະຜ່ານມາ ທົ່ວແຂວງມີໂຮງງານປຸງແຕ່ງໄມ້ທັັງໝົດ 84 ແຫ່ງ ທີ່ໄດ້ຮັບການສ້າງຕັ້ງຈາກແຂວງ ແລະ ສູນກາງ, ພາຍຫຼັງໄດ້ມີຄຳສັ່ງ 15/ນຍ ຄະນະດັດສົມໂຮງງານປຸງແຕ່ງໄມ້ຂັ້ນແຂວງ ໄດ້ລົງກວດກາດັດສົມໃຫ້ຖືກຕ້ອງຕາມລະບຽບກົດໝາຍ ເຊັ່ນ: ໂຮງງານທີ່ໄດ້ມາດຕະຖານເງື່ອນໄຂມີ 22ໂຮງງານ, ໂຮງງານທີ່ຖືກຍົກຍ້າຍອອກຈາກ 3 ປະເພດປ່າມີ 7 ໂຮງງານ, ຖືກຍຸບເລີກມີ 23 ໂຮງງານ ໂຮງງານທີ່ໃຫ້ປັບປຸງຖືກຕາມເຕັກນິກມີ 29 ໂຮງງານ, ໃນໂຮງງານທີ່ຖືກຍຸບເລີກ ແລະ ຍົກຍ້າຍແຕ່ຍັງລະເມີດຕໍ່ກົດລະບຽບພະແນກການທີ່ກ່ຽວຂ້ອງໄດ້ຕັດໄຟຟ້າອອກຈາກໂຮງງານມີ 6 ໂຮງງານ.
  9. ການເຄື່ອນໄຫວວຽກງານຕ້ານການສໍ້ລາດບັງຫຼວງ: ໄດ້ຜັນຂະຫຍາຍຍຸດທະສາດຕ້ານການສໍ້ລາດບັງຫຼວງຂອງອົງການກວດກາລັດຖະບານມາເປັນຂອງແຂວງ ເຊີ່ງໄດ້ຈັດຕັ້ງເຜີຍແຜ່ເຊື່ອມຊຶມບັນດານິຕິກຳຕ່າງໆທີ່ມີເນື້ອໃນກ່ຽວພັນກັບວຽກງານສະກັດກັ້ນຕ້ານການສໍ້ລາດບັງຫຼວງ ໂດຍການເຊື່ອມຊືມໃຫ້ແກ່ຄະນະພັກ, ສະມາຊີກພັກ, ພະນັກງານ-ລັດຖະກອນ, ພະນັກງານຂົງເຂດປ້ອງກັນຊາດ, ປ້ອງກັນຄວາມສະຫງົບ, ນັກທຸລະກິດ ແລະ ປະຊາຊົົນແຕ່ແຂວງລົງຮອດເມືອງ ມີຜູ້ເຂົ້າຮ່ວມ 7.914 ທ່ານ, ຍິງ 1.888 ທ່ານ ແລະ ໄດ້ຄັດຈ້ອນເອກະສານເປັນຄຳຖາມ-ຄຳຕອບແບບວິທະຍາສາດລົງເຜີຍແຜ່ຢູ່ໂຮງຮຽນວິສາມັນ, ໂຮງຮຽນວິຊາຊີບ ມີນັກຮຽນ ແລະ ຄູອາຈານເຂົ້າຮ່ວມ 1.203ຄົນ, ຍິງ509ຄົນ, ກວດກາພົບເຫັນຜູ້ທີ່ມີພຶດຕິກຳສໍ້ລາດບັງຫຼວງທີ່ສວຍໃຊ້ໜ້າທີ່ຕຳແໜ່ງພົບ​ເຫັນ​ງົບ​ປະ​ມານ​ຂອງ​ລັດເສຍຫາຍ 8.868.498.951 ກີບ, ເກັບກູ້ຄືນໃຫ້ລັດໄດ້ແລ້ວ 1.053.198.399  ກີບ, ຈະສືບຕໍ່ເກັບກູ້ 7.815.300.552 ກີບ.
  10. ວຽກງານແຈ້ງຊັບສີນ ແລະ ລາຍຮັບຂອງພະນັກງານໃນຮອບ 1 ແລະ ຮອບ 2: ມີພະນັກງານແຈ້ງຊັບສິນທັງໝົດ 7.726ທ່ານ, ຍິງ3.433 ທ່ານ, ໃນນັ້ນ ຂັ້ນສູນກາງຄຸ້ມຄອງມີ 33 ທ່ານ, ຍິງ 40 ທ່ານ, ຂັ້ນແຂວງຄຸ້ມຄອງ 2.540 ທ່ານ, ຍິງ 1.009 ທ່ານ, ຂັ້ນເມືອງຄຸ້ມຄອງມີ 5.153 ທ່ານ, ຍິງ 2.420 ທ່ານ.
  11. ການປະຕິບັດວຽກງານຄຳຮ້ອງ-ຄຳສະເໜີ: ດ້ວຍຄວາມເອົາໃຈໃສ່ຊີ້ນໍາ-ນຳພາຂອງການນຳແຂວງ, ການນຳທຸກຂັ້ນ ແລະ ທຸກພາກສ່ວນ ດັ່ງນັ້ນ ຄະນະກວດກາພັກແຂວງ ແລະ ຄະນະກວດກາພັກບັນດາເມືອງເຊີ່ງໄດ້ຮັບຄຳຮອ້ງ-ຄຳສະເໜີ 48 ເລື່ອງ, ໄດ້ແກ້ໄຂຕາມພາລະບົດບາດ 22 ເລື່ອງ, ໄດ້​ນຳສົ່ງໃຫ້ພາກສ່ວນທີ່ກ່ຽວຂ້ອງ​ແກ້​ໄຂ 11 ເລື່ອງ, ກຳ​ລັງ​ຄົ້ນ​ຄວ້າ 15 ເລື່ອງ.

ທ່ານ ສາຍຄຳ ວົງຄຳທອງ ຮອງປະທານກວດກາພັກແຂວງ ໄດ້ຊີ້ນຳບາງບັນຫາສຳຄັນ ໃນກອງປະຊຸມສະຫລຸບວຽກງານກວດກາ 6 ເດືອນຕົ້ນປີ ທົ່ວແຂວງ ວ່າ: ຄຽງຄູ່ກັບຜົນສຳເລັດທີ່ເຮັດໄດ້ໃນໄລຍະຜ່ານມານັ້ນ ກໍຍັງມີບາງບັນຫາທີ່ຄວນເອົາໃຈໃສ່ແກ້ໄຂບັນດາຂໍ້ຄົງຄ້າງ ເຊັ່ນ: ຄະນະພັກ, ຄະນະນຳຈຳນວນໜຶ່ງຍັງຖືເບົາ ຕໍ່ວຽກງານຕິດຕາມ, ກວດກາ, ສະແດງອອກຂະແໜງກວດກາບາງພະແນກການຍັງບໍ່ທັນກຳໄດ້ຕໍ່ພາລະບົດບາດ, ໜ້າທີ່, ຂອບເຂດສິດຂອງວຽກງານກວດກາ, ຄະນະພັກ, ຄະນະນຳຈຳນວນໜຶ່ງຢ້ານການກວດກາ ແລະ ຜູ້ເຮັດວຽກງານກວດກາ ຢູ່​ບາງໜ່ວຍພັກ​ອ້ອມ​ຂ້າງ​ແຂວງ, ເມືອງ ແລະ ຂັ້ນບ້ານຍັງບໍ່ທັນມີຄວາມຮັບຜິດຊອບຕໍ່ວຽກງານຕາມ​ພາ​ລະ​ບົດ​ບາດ​ຂອງ​ຕົນ, ດ້ານຄວາມຮູ້ຄວາມສາມາດຂອງຜູ້ເຮັດວຽກງານກວດກາໜ່ວຍພັກຍັງຈຳກັດ. ເພຶ່ອເປັນການປັບປຸງ ແກ້ໄຂບັນດາຂໍ້ຄົງຄ້າງໃນຕໍ່ໜ້າ ຄະນະກວດກາພັກ, ອົງ​ການກວດ​ກາ​ລັດແຂວງບໍລິຄຳໄຊຈະຕ້ອງສຸມໃສ່ບາງວຽກງານ ດັ່ງນີ້:

  1. ເຜີຍແຜ່ເຊື່ອມຊຶມບັນດານິຕິກຳແລະກົດໝາຍ ກ່ຽວກັບວຽກງານກວດກາພັກ, ກວດກາລັດ,ສະກັດກັ້ນແລະ ຕ້ານການສໍ້ລາດບັງຫຼວງ ໃຫ້ສະມາຊິກພັກ, ພະນັກງານ-ລັດຖະກອນ,ກຳລັງປະກອບອາວຸດ ນັກທຸລະກິດ ພໍ່ຄ້າຊາວຂາຍຕະຫຼອດຮອດປະຊາຊົນບັນ​ດາ​ເຜົ່າໃຫ້ຮັບຮູ້ຢ່າງທົ່ວເຖິງ.
  2. ຊຸກຍູ້ຄະນະພັກແຕ່ລະຂັ້ນເປັນເຈົ້າການຊີ້ນຳ-ນຳພາຢ່າງຈິງຈັງ, ສ້າງເງື່ອນໄຂອຳນວຍຄວາມສະດວກ ໃຫ້ແກ່ການເຄື່ອນໄຫວວຽກງານຕິດຕາມ, ກວດກາ ເປັນຕົ້ນວຽກງານຝືກອົບຮົມໃຫ້ແກ່ພະນັກງານກວດກາຂັ້ນຕົນພ້ອມທັງ ດ້ານພາຫະນະ ແລະ ອຸບປະກອນຮັບໃຊ້ຢ່າງເໝາະສົມ
  3. ສ້າງພະນັກງານທີ່ເຮັດວຽກງານກວດກາແຕ່ລະຂັ້ນ ນັບທັງອາຊີບ ແລະ ບໍ່ແມ່ນອາຊີບ ເອົາໃຈໃສ່ຄົ້ນຄວ້າກຳ   ແໜ້ນບັນດານິຕິກຳຕ່າງໆ ທີ່ກ່ຽວຂ້ອງກັບການປະຕິບັດໜ້າທີ່ວຽກງານຂອງຕົນ ແລະ ຄົ້ນຄວ້າກຳແໜ້ນວຽກງານກວດ ກາພັກ, ກວດກາລັດ, ວຽກງານສະກັດກັ້ນແລະ ຕ້ານການສໍ້ລາດບັງຫຼວງ,ວຽກງານແກ້ໄຂຄຳຮ້ອງ-ຄຳສະເໜີຕາມຂອບເຂດຄວາມຮັບຜິດຊອບຂອງຕົນ
  4. ເອົາໃຈໃສ່ເຄື່ອນໄຫວຕິດຕາມ, ກວດກາການປະຕິບັດໜ້າທີ່ວຽກງານຂອງຄະນະພັກ, ສະມາຊິກພັກໃນຂອບເຂດຄວາມຮັບຜິດຊອບເປັນແຕ່ລະໄລຍະ
  5. ຄະນະພັກ, ອົງການປົກຄອງແຕ່ລະຂັ້ນ ຕ້ອງໄດ້ຍົກລະດັບວຽກງານກວດກາຂື້ນຕື່ມເປັນຕົ້ນແມ່ນການກວດກາ​ການ​ປະ​ຕິ​ບັດບັນດາມະຕິຂອງພັກ, ກວດກາບັນດາຂໍ້ຕົກລົງຂອງລັດ,ກວດກາບັນດາໂຄງການລົງທຶນຂອງລັດແລະກວດກາຕາມຜົນການກວດສອບ, ຖ້າວຽກງານກວດກາດຳເນີນໄປຢ່າງຖືກຕ້ອງ, ກໍສາມາດສະກັດກັ້ນປະກົດການຫຍໍ້ທໍ້ການສໍ້ລາດບັງຫຼວງໄດ້ຢ່າງຈະແຈ້ງ.