ວັດໃນພຸດທະສາສະໜາທີ່ໃຫຍ່ທີ່ສຸດໃນໂລກ ແມ່ນວັດບູໂຣພຸດໂທ (Borobudur) ພາສາອິນໂດເນເຊຍ ເອີ້ນວ່າ: ຈັນດີ ບູໂຣພຸດໂທ ( chandi Borobudur ) ເປັນສະຖານທີ່ທ່ອງທ່ຽວທີ່ມີຊື່ສຽງຂອງປະເທດ ອິນໂດເນເຊຍ ຕັ້ງຢູ່ພາກກາງຂອງເກາະ ຊາວາ ໃກ້ກັບເມືອງ ມາເກລັງ ( Magelang) ຫ່າງຈາກ ໂຢເກຍກາຕາ ( Yogyakarta) ປະມານ 40 ກິໂລແມັດ ໄປທາງພາກຕາເວັນຕົກສ່ຽງເໜືອ.

ວັດບູໂຣພຸດໂທ ແຫ່ງນີ້ສ້າງຂື້ນໃນປີ ຄສ 750-850 ໂດຍໃຫ້ວັດບູໂຣພຸດໂທແຫ່ງນີ້ເປັນສະຖານທີ່ທາງສາດສະໜາພຸດ ນິກາຍມະຫາຍານ ຖ້າບໍ່ນັບນະຄອນອັງກໍວັດຂອງກໍາປູເຈຍ ເຊິ່ງເປັນສະຖານທີ່ທ່ອງທ່ຽວຂອງສາສະໜາພາມ-ຮິນດູ, ວັດບູໂຣພຸດໂທ ຈະເປັນສະຖານທີ່ທາງສາດສະໜາພຸດທີ່ໃຫຍ່ທີ່ສຸດໃນໂລກ ວັດແຫ່ງນີ້ສ້າງຂື້ນໂດຍ ກະສັດແຫ່ງລາດຊະວົງ ແຊເລນດຼາ ເປັນແບບມະຫາຍານ ສັນນິຖານວ່າສ້າງໃນສະຕະວັດທີ່ 7-9 ຫຼື ປີ ຄສ 850.

ວັດບູໂຣພຸດໂທ ນີ້ ສ້າງດ້ວຍຫີນພູໄຟ ປະມານ 185.800 ມ2  ວັດແຫ່ງນີ້ມີພື້ນເປັນສີ່ຫຼຽ່ມ ກວ້າງຂ້າງລະ 121 ແມັດ ສູງ 123 ແມັດ ເປັນຮູບແບບປີລະມິດ ປະກອບດ້ວຍ 8 ຊັ້ນ ໃນແຕ່ລະຊັ້ນມີເດີນ, ໃນ 8 ຊັ້ນນັ້ນ 5 ຊັ້ນລຸ່ມເປັນເດີນຮູບສີ່ຫຼຽ່ມ ແລະ ອີກ 3 ຊັ້ນທາງເທິງ ເປັນເດີນວົງມົນ ແລະ ເທິງຊັ້ນວົງມົນສູງສຸດມີພະພຸດທະຮູບຕັ້ງຢູ່ສູງຂື້ນໄປອີກ 31,5 ແມັດ.

ໃນປີ ຄສ 1991 ວັດບູໂຣພຸດໂທ ແຫ່ງນີ້ໄດ້ຖືກຮັບຮອງຈາກອົງການ ອຸຍແນສໂກ ( UNESCO) ໃຫ້ເປັນມໍລະດົກໂລກ.