ສະໜາມບິນທີ່ໃຫຍ່ທີ່ສຸດໃນໂລກແມ່ນ ສະໜາມບິນສາກົນ ເດິຄີງຄາລີດ (The King Khalid International Airport ) ຢູ່ຫ່າງຈາກທາງທິດເໜືອຂອງນະຄອນຣີຢາດ (Riyadh) ປະເທດຊາອຸດີອາຣະເບຍ ປະມານ 35 ກິໂລແມັດ ອອກແບບໂດຍນັກສະຖາປານິກ Hellmuth, Obata ແລະ Kassabaum ສະໜາມບິນແຫ່ງນີ້ເລີ່ມມີການກໍ່ສ້າງໃນປີ 1983 ແລະ ສໍາເລັດໃນປີ 1999.

ສະໜາມບິນສາກົນ ເດິຄີງຄາລີດ (The King Khalid International Airport ) ມີເນືອທີ່ທັງໝົດປະມານ 225 ກມ2 ( 55.040 acres)  ປະກອບດ້ວຍອາຄານອໍານວຍຄວາມສະດວກຕ່າງໆເຊັ່ນ: ອາຄານຜູ້ໂດຍສານ, ມັດສະຍິດ, ຫໍຄອຍຄວບຄຸມ ແລະ ລານແລ່ນສອງເສັ້ນຂະໜານກັນ, ແຕ່ລະເສັ້ນຍາວເຖິງ 4.200 ແມັດ.

ສະໜາມບິນສາກົນແຫ່ງນີ້ ເປັນສູນກາງຄົມມະນາຄົມທາງອາກາດທີ່ສໍາຄັນຂອງຊາອຸດີອາຣະເບຍ ມີຫໍຄວບຄຸມການບິນມີຄວາມສູງເຖິງ 81 ແມັດ ເຊິ່ງເປັນຫໍຄວບຄຸມການບິນທີ່ສູງທີ່ສຸດໃນໂລກ ຫໍນີ້ປະກອບດ້ວຍ 19 ຊັ້ນ ສະໜາມບິນແຫ່ງນີ້ອອກແບບຮັບຜູ້ໂດຍສານສູງເຖິງ 900 ຄົນ ຕໍ່ຊົ່ວໂມງ, ໃນສະໜາມບິນແຫ່ງນີ້ປະກອບມີອາຄານ 2 ຫຼັງສໍາລັບຜູ້ໂດຍສານ ເຊິ່ງມີ 2 ທາງແລ່ນຂື້ນລົງ, ມີບໍລິເວນທີ່ພັກເຊົາ 171 ຫຼັງ, ອາຄານທີ່ມີຫ້ອງພັກຄົບຊຸດ 219 ຫ້ອງ, ເຮືອນພັກ 248 ຫຼັງ ແລະ ໂຮງຮຽນ 4 ຫຼັງ.