ການແຂ່ງຂັນກິລາປະເພດບານເຕະ ລະຫ່ວາງທີມໂຮງຮຽນການເມືອງ-ການປົກຄອງແຂວງບໍລິຄຳໄຊ ພົບກັບ ທີມເຕະບານຂອງອຳນາດການປົກຄອງ ເມືອງປາກກະດິງ ແຂວງບໍລິຄຳໄຊ ເພື່ອສ້າງຂະ ບວນການຂ່ຳນັບຮັບຕ້ອນ ຊົມເຊີຍ ວັນຊາດທີ່ 2 ທັນວາທີ່ຈະມາເຖິງ ແລະ ເພື່ອມິດຕະພາບ, ຮັດແໜ້ນຄວາມສາມັກຄີ  ໄດ້ດຳເນີນໃນຕອນແລງວັນທີ 13 ພະຈິກ 2017 ຢູ່ທີ່ເມືອງປາກກະດິງ. ທີມໂຮງຮຽນການເມືອງ-ການປົກຄອງ ແຂວງບໍລິຄຳໄຊ ໃສ່ຊຸດສີຂາວ ນຳໂດຍທ່ານ ພູເຂົາເງິນ ອິນທະວົງ ຫົວໜ້າອຳນວຍໂຮງຮຽນການເມືອງ-ການປົກຄອງແຂວງບໍລິຄຳໄຊ ມີຄູອາຈານ ແລະ ນັກສຶກສາລະບົບຊັ້ນກາງຮຸ່ນທີ 12 ທີມການນຳເມືອງປາກກະດິງ ນຳໂດຍທ່ານ ໂຄສາຈານແສນທະວີໄຊ ຮອງເຈົ້າເມືອງປາກກະດິງ ການແຂ່ງຂັນເຕະບານຄັ້ງນີ້ ແຕ່ລະທີມໄດ້ໃຊ້ຄວາມສາມາດ ຫຼີ້ນດ້ວຍຄວາມລະມັດລະວັງ ໃຫ້ກຽດຊຶ່ງກັນ ແລະ ກັນ ເພື່ອຫຼີກລ້ຽງການບາດເຈັບ  ເຮັດໃຫ້ການແຂ່ງຂັນດຳເນີນໄປດ້ວຍບັນຍາກາດຄວາສາມັກຄີ ໃນທ່າມກາງ ທ້ອງຟ້າປອດໂປ່ງ ມີແສງແດດອ່ອນໆ ຊຶ່ງກອງເຊັຍແຕ່ລະຟ່າຍໄດ້ໃຫ້ກຳລັງໃຈຢ່າງເຕັມທີ່ຢູ່ຂອບ ສະໝາມ. ຜົນການແຂ່ງຂັນໃນໄດ້ສະເໝີກັນໄປ 5 ປະຕູຕໍ່ 5.