ພະແນກອຸດສາຫະກຳ ແລະ ການຄ້າ ສາມາດເອົາຊະນະຫ້ອງການອຸດສາຫະກຳ ແລະ ການຄ້າເມືອງຄຳເກີດ ຄົ້ວແຊມສະໃໝທີ່ 2 ໃນງານເຕະບານມິດຕະພາບລະຫວ່າງ ພະແນກອຸດສາກະກຳ-ການຄ້າແຂວງ ແລະ ຫ້ອງການອຸດສາຫະກຳ ແລະ ການຄ້າ ເມືອງທົ່ວແຂວງບໍລິຄຳໄຊ ປະຈຳປີ 2017.

ການເຕະບານມິດຕະພາບລະຫວ່າງພະແນກອຸດສາຫະກຳ ແລະ ການຄ້າ ກັບ ກັບຫ້ອງການອຸດສາຫະກຳການຄ້າເມືອງ ໃນທົ່ວແຂວງ ໄດ້ຈັດຂື້ນໃນວັນທີ 10 ກຸມພາທີ່ຜ່ານມາ ຢູ່ເດີນເຕະບານແສງມີໄຊ ມີທີມເຂົ້າຮ່ວມ 8 ທີມ ການແຂ່ງຂັນໄດ້ເລີ່ມແຕ່ເວລາ 9 ໂມງເຊົ້າ ຜ່ານການແຂ່ງຂັນສາມາດຄັດໄດ້ຄູ່ຊິງຊະນະເລີດເປັນການພົບກັນລະຫວ່າງ ທີມແຊ້ມເກົ່າພະແນກອຸດສາຫະກຳ ແລະ ການຄ້າ ແຂວງ ທີ່ສາມາດເອົາຊະນະເມືອງປາກກະດິງໃນນັດສຸດທ້າຍຢ່າງສູສີ 7 ປະຕູຕໍ່ 5 ພົບກັບທີມອຸດສາຫະກຳ ແລະ ການຄ້າເມືອງຄຳເກີດ ທີ່ເອົາຊະນະເມືອງໄຊຈຳພອນຢ່າງຄາດຮອຍ  7 ປະຕູຕໍ່ 1. ການແຂ່ງຂັນນັດຊິງຊະນະເລີດໄດ້ຈັດຂື້ນໃນຕອນແລງຂອງວັນດຽວກັນ ການແຂ່ງຂັນໄດ້ດຳເນີນໄປຢ່າງດຸເດືອດເປັນທີມພະແນກອຸດສາຫະກຳ ແລະ ການຄ້າ ແຂວງ ໃຊ້ການຕໍ່ເກມໄວຈາກແຄມເສັ້ນເຈາະແນວປ້ອງກັນຂອງການຄ້າເມືອງຂື້ນນຳໄປກອນໃນນາທີທີ່ 7 ແລະ ໄດ້ປະຕູທີ່ສອງໃນນາທີທີ່ 16 ຫ້ອງການອຸດສາຫະກຳການຄ້າເມືອງຄຳເກີດ ກໍ່ອາໄສການໂຕ້ກັບໄວ ແຕ່ກໍ່ບໍ່ສາມາດຜ່ານແນວປ້ອງກັນທີແຂງແກ່ນຂອງທີມພະແນກໄປໄດ້ ມາຮອດທ້າຍເກມຂອງເຄີ່ງເວລາທຳອິດທີມພະແນກກໍ່ຍິງໄດ້ອີກ 1 ປະຕູ ຈົບເຄີ່ງເວລາທຳອິດ ທີມພະແນກອຸດສາຫະກຳ ແລະ ການຄ້າຂື້ນນຳ 3 ປະຕູຕໍ່ 0 ຕັ້ງທີ່ສອງໄດ້ເລີ່ມຂື້ນທີມຫ້ອງການອຸດສາຫະກຳ ແລະ ການຄ້າເມືອງ ເປີດເກມບຸກຢ່າງໜັກເຮັດໃຫ້ມີໂອກາດສ້າງປະຕູໄດ້ຫຼາຍຄັ້ງ ຈົນມາຮອດນາທີທີ່ 15 ຈຶ່ງສາມາດຕີໄຂ່ແຕກໄດ້ ດ້ວຍຄວາມຜິດພາດຂອງນັກເຕະພະແນກເຮັດເຂົ້າປະຕູໂຕເອງ ແຕ່ທີມພະແນກກໍ່ບໍ່ຍອມຍິງປະຕູຄືນໄດ້ໃນຊ່ວງທ້າຍເກມ ຈົບເກັມພະແນກອຸດສາຫະກຳ ແລະ ການຄ້າແຂວງ ສາມາດເອົາຊະນະທີມຫ້ອງການອຸດສາຫະ ກຳ ແລະ ການຄ້າເມືອງຄຳເກີດໄດ້ 4-1 ປະຕູ ປ້ອງກັນແຊ້ມໄວ້ໄດ້ເປັນສະໄໝທີ່ 2.

ນອກຈາກການເຕະບານຂອງທີມຊາຍ ງານຄັງນີ້ກໍ່ຍັງມີການແຂ່ງຂັນທີມຍິງ ທີ່ໄດ້ຈັດຂື້ນເປັນປີທຳອິດທີ່ໂດຍມີ 2 ທີມເຂົ້າຮ່ວມຄື: ທີມພະແນກ ແລະ ທີມປະສົມຫ້ອງການອຸດສາຫະກຳ ແລະ ການຄ້າເມືອງ 7 ຕົວເມືອງ ຜ່ານການແຂ່ງຂັນເຫັນວ່າທີມພະແນກຫຼີນໄດ້ດີກ່ອນສາມາດເອົາຊະນະໄປໄດ້ຢ່າງສວຍງາມ 4-1 ປະຕູຄົ້ວແຊ້ມໄປຄອງເປັນປີທຳອິດ.