ພິມ
ໝວດ: ຂ່າວກິລາ
ກົດເບິ່ງ: 171

 

       ວັນທີ່ 26 ມັງກອນ 2019 ຢູ່ທີ່ໂຮງຮຽນ ມສ ນະຄອນໄຊ ໄດ້ຈັດພິທີເປີດງານມະຫາກຳກິລາ - ສີລະປະນັກຮຽນຄັ້ງທີ່ 6 ທົ່ວເມືອງຄຳກີດຂື້ນ ໂດຍການໃຫ້ກຽດເຂົ້າຮ່ວມຂອງທ່ານ ກີ່ ຊົງລາຫ່ວາງ ຮອງເຈົ້າເມືອງຄຳເກີດ ປະທານຈັດງານແຂ່ງຂັນກິລານັກຮຽນຄັ້ງທີ່ 6, ມີຄະນະປະຈຳ, ກຳມະການພັກເມືອງ, ຄູອາຈານ, ນ້ອງນັກຮຽນ - ນັກກິລາ ແລະ ແຂກຖືກເຊີນ ເຂົ້າຮ່ວມ.

     

      ໃນພິທີ ທ່ານ ວຽງພອນ ແສງຈັນທະຜິວ ຜູ້ອຳນວຍການໂຮງຮຽນ ມສ ນະຄອນໄຊ ໄດ້ໃຫ້ກຽດຂຶ້ນລາຍງານການກະກຽມຄວາມພ້ອມ ຈັດງານແຂ່ງຂັນກິລາ - ສີລະປະນັກຮຽນສາມັນທົ່ວເມືອງຄຳເກີດຄັ້ງທີ່ 6 ທີ່ ມສ ນະຄອນໄຊເປັນເຈົ້າພາບໃນຄັ້ງນີ້ ວ່າ: ການແຂ່ງຂັນກິລາ - ສີລະປະນັກຮຽນຄັ້ງທີ່ 6 ທົ່ວເມືອງຄໍາເກີດແມ່ນໄດ້ຈັດການແຂ່ງຂັນມາແຕ່ວັນທີ 20 ມັງກອນ 2019  ໂດຍມີ 5 ປະເພດກິລາ ຄື: ແລ່ນ - ລານ, ບານເຕະ, ບານສົ່ງ, ເປຕັງ ແລະ ກະຕໍ້ ເຊີ່ງມີນັກກິລາ ແລະ ຄູຝືກເຂົ້າຮ່ວມ 1.428 ຄົນ ໂດຍຈະໄດ້ມີການຊິງຫລຽນລາງວັນໃນການແຂ່ງຂັນທັງໜົດ 562 ຫຼຽນ, ໃນນັ້ນ ຫຼຽນຄຳ 202 ຫຼຽນ, ຫຼຽນເງິນ 180 ຫຼຽນ ແລະ ຫຼຽນທອງແດງ 180 ຫຼຽນ.

 

       ຈາກນັ້ນ ທ່ານ ກີ່ ຊງົລາຫ່ວາງ ຮອງເຈົ້າເມືອງຄຳເກີດ ກໍໄດ້ໃຫ້ກຽດຂື້ນກ່າວເປີດງານມະຫາກຳກິລາກິລານັກຮຽນສາມັນຄັ້ງທີ່ 6 ທົ່ວເມືອງຄຳເກີດ ແລະ  ລັ່ນຄ້ອງ 9 ບາດ ເພື່ອເປີດງານຢ່າງເປັນທາງການ.