​        ການ​ແຂ່ງ​ຂັນ​ກິ​ລາ​ເປ​ຕັງ​ທົ່ວ​ຂົງ​ເຂດ​ວັດ​ທະ​ນະ​ທຳ​-ສັງ​ຄົມ​ປະ​ຈຳ​ປີ 2018 ໄດ້​ຈັດ​ຂື້ນ​ໃນ​ວັນ​ທີ 7 ມີ​ນາ​ນີ້ ຢູ່​ທີ່​ເດີນ​ເປ​ຕັ່ງ​ຂອງ​ແຂວງ ດຳເນີນໄປດ້ວຍຄວາມຟົດຟື້ນມ່ວນຊື່ນ ແລະ ເຕັມໄປດ້ວຍບັນຍາກາດແຫ່ງຄວາມຮັກແພງສາມັກຄີ ລະຫວ່າງພະນັກງານ-ລັດຖະກອນຂອງແຕ່ລະພະແນກການ ໂດຍມີທີມ​ນັກ​ກິ​ລາ​ຈາກ 4 ພະ​ແນກ​ການ​ທົ່ວ​ຂົງ​ເຂດ​ ຄື: ພະ​ແນກ ຖວ​ທ ແຂວງ, ພະ​ແນກ​ສາ​ທາ​ລະ​ນະ​ສຸກ​ແຂວງ, ພະ​ແນກ​ສຶກ​ສາ​ທິ​ການ ແລະ ກິ​ລາ​ແຂວງ, ພະ​ແນກ​​ແຮງ​ງານ ແລະ ສະ​ຫວັດ​ດີ​ການ-ສັງ​ຄົມ​ແຂວງ ມີ​ທັງ​ໝົດ 48 ທີມເຂົ້າຮ່ວມ ໂດຍ​ແບ່ງ​ອອກ​ເປັນ 3 ປະເພດ​ຄື: ທີມການນຳ​ພະ​ແນກ 8 ທີມ , ທີມຊາຍ​ທົ່ວ​ໄປ 24 ທີມ ແລະ ທີມ​ຍິງ​ທົ່ວ​ໄປ 16 ທີມ.

       ຜ່ານ​ການ​ແຂ່ງ​ຂັນ​ໄລ​ຍະ 1 ວັນ​ເຕັມ ​​ທີມ​ເປ​ຕັ່ງການນຳ​ພະ​ແນກ​ທີ່ສາມາດຍາດລາງວັນຊະ​ນະ​ເລີດໄປຄອງ​ ​ ໄດ້​ແກ່ ທີມ​​ພະ​ແນກ​ສຶກ​ສາ​ທິ​ການ ແລະ ກິ​ລາ​ແຂວງ, ​ອັນ​ດັບ​ທີ 2 ທີມ​ພະ​ແນກ​ສາ​ທາ​ລະ​ນະ​ສຸກ​ແຂວງ, ​ອັນ​ດັບ​ທີ 3 ທີມ​ພະ​ແນກ​ສຶກ​ສາ​ທິ​ການ ແລະ ກິ​ລາ​ແຂວງ ແລະ ​ອັນ​ດັບ​ທີ 4 ທີມ​ພະ​ແນກ​ແຮງ​ງານ ແລະ ສະ​ຫວັດ​ດີ​ການ-ສັງ​ຄົມ​ແຂວງ,​ ທີມ​ຊາຍ​ທົ່ວ​ໄປ ​ອັນ​ດັບ 1 ທີມ ພະ​ແນກ​ສາ​ທາ​ລະ​ນະ​ສຸກ​ແຂວງ, ​ອັນ​ດັບ 2 ທີມພະ​ແນກ​ສາ​ທາ​ລະ​ນະ​ສຸກ​ແຂວງ, ​ອັນ​ດັບ 3 ທີມພະ​ແນກ​ແຮງ​ງານ ແລະ ສະ​ຫວັດ​ດີ​ການ-ສັງ​ຄົມ​ແຂວງ ແລະ ​ອັນ​ດັບ 4 ທີມ ພະ​ແນກ​ແຮງ​ງານ ແລະ ສະ​ຫວັດ​ດີ​ການ-ສັງ​ຄົມ​ແຂວງ, ທີມ​ຍິງ​ທົ່ວໄປ ອັນ​ດັບ​ທີ 1 ທີມ​ພະ​ແນກ​ສຶກ​ສາ​ທິ​ການ ແລະ ກິ​ລາ​ແຂວງ​, ​​ອັນ​ດັບ​ທີ 2 ທີມ ພະ​ແນກ​ສາ​ທາ​ລະ​ນະ​ສຸກ​ແຂວງ, ​​ອັນ​ດັບ​ທີ 3 ທີມ ພະ​ແນກ​ ຖວ​ທ ​ແຂວງ ແລະ ​​ອັນ​ດັບ​ທີ 4 ທີມ ພະ​ແນກ​ ຖວ​ທ ​ແຂວງ. ສຳລັບລາງວັນໃນແຕ່ລະລຸ່ນ ທີມຊະນະເລີດ ຈະໄດ້ຮັບຂັນ 1 ໜ່ວຍ ພ້ອມລາງວັນເງີນສົດ 500.000 ກີບ, ອັນດັບ 2 ໄດ້ຮັບຂັນ 1 ໜ່ວຍ ເງີນລາງວັນ 400.000 ກີບ, ອັນດັບ 3 ຈະໄດ້ຮັບເງີນສົດ 300.000 ກີບ ແລະ ທີ 4 ໄດ້ຮັບ 200.000 ກີບ ໂດຍ​ໃຫ້​ກຽດ​ມອບ​ຂັນ​ລາງວັນ​ຈາກ​ຄະ​ນ​ະ​ພະ​ແນກ​ແຕ່​ພາກ​ສ່ວນ​ພັດ​ປ່ຽນ​ກັນ​ຂື້ນມອບ.