ການແຂ່ງຂັນກິລາເປຕັງ ເພື່ອຂ່ຳນັບຮັບຕ້ອນກອງປະຊຸມໃຫຍ່ຄະນະພັກຮາກຖານ ຂອງພະແນກ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງ ໄດ້ຈັດຂຶ້ນໃນຕອນເຊົ້າຂອງວັນທີ 20 ກຸມພາ 2018 ຢູ່ທີ່ພະແນກ ຖວທ ແຂວງ ໂດຍເປັນກຽດເຂົ້າຮ່ວມຂອງທ່ານ ເຄນ ລໍມະນີ ເລຂາຄະນະພັກຮາກຖານ ຫົວໜ້າພະແນກ ຖວທ ແຂວງບໍລິຄຳໄຊ, ມີບັນດານັກກິລາຈາກໜ່ວຍພັກແຕ່ລະຂະແໜງການ, ກອງວິຊາການເຂົ້າຮ່ວມ.

          ເພື່ອເປັນການຄັດເລືອກນັກກິລາທີ່ຈະເຂົ້າແຂ່ງຂັນຊິງຂັນລາງວັນກິລາຂົງເຂດວັດທະນະທຳ-ສັງຄົມ ເຊິ່ງປີນີ້ແມ່ນພະແນກ ຖວທ ຈະໄດ້ຮັບກຽດເປັນເຈົ້າພາບ. ມີນັກກິລາເຂົ້າຮ່ວມເພດຊາຍ 9 ທີມ ຍິງ 6 ທີມ, ການແຂ່ງຂັນໄດ້ດຳເນີນໄປເປັນເວລາໜຶ່ງວັນເຕັມ ຜ່ານແຂ່ງຂັນເພດຊາຍ ຊະນະເລີດໄດ້ແກ່ໜ່ວຍພັກ ຖະແຫຼງຂ່າວ2, ອັນດັບ 2 ໄດ້ແກ່ໜ່ວຍພັກ ວິທະຍຸ-ໂທລພາບ-ເວບໄຊ ແລະ ອັນດັບ 3 ໄດ້ແກ່ໜ່ວຍພັກ ທ່ອງທ່ຽວ, ປະເພດຍິງ ຊະນະເລີດ ໄດ້ແກ່ໜ່ວຍພັກ ທ່ອງທ່ຽວ, ອັນດັບ 2 ໄດ້ແກ່ໜ່ວຍພັກຖະແຫຼງຂ່າວ ແລະ ອັນດັບ 3 ໄດ້ແກ່ໜ່ວຍພັກບໍລິຫານ, ສຳລັບລາງວັນ ອັນດັບ 1 ໄດ້ຮັບເງິນສົດ 200.000 ກີບ ພ້ອມຂັນໜຶ່ງໜ່ວຍ, ອັນດັບ 2 ໄດ້ຮັບເງິນສົດ150.000 ກີບ ແລະ ອັນດັບ 3 ໄດ້ຮັບເງິນສົດ 100.000 ກີບ.