ສະພາບ​ການ​ຂອງ​ໂລກ​ຍັງ​ສືບ

​ຕໍ່​ຜັນ​ແປ​ໄປ​ຢ່າງ​ສັບສົນ, ການ​ເດີນ​ປະ​ທ້ວງ, ການ​ປະ ​ທະ​ດ້ວຍ​ກໍາລັງ​ອາວຸດ ການກໍ່​ການ​ຮ້າຍ​ທີ່​ເກີດ​ຂຶ້ນ ​ຢູ່​ບາງ​ປະ​ເທດ​ໃນ​ໂລກອາດຈະ ​ສົ່ງ​ຜົນ​ກະທົບ​ເຖິງ​ພາກ​ພື້ນ ​ແລະ ຈະ​ກະທົບ​ໃສ່​ປະ​ເທດ​ພວກ​ເຮົາ ​ທີ່​ມີ​ພື້ນຖານ​ເສດຖະກິດ​ອ່ອນ​ນ້ອຍ - ບອບ​ບາງ ຊຶ່ງ​ເປັນ​ສິ່ງທີ່​ຫຼີກ​ລຽງ​ບໍ່​ໄດ້.

- ຂະ​ບວນການ​ຫັນ​ເປັນ​ສາກົນ, ການ​ເຂົ້າ​ຮ່ວມ​ເຂດການຄ້າເສລີອາຊຽນ  (AFTA), ປະຊາ​ຄົມ​ເສດຖະກິດ​ອາ​ຊຽນ(AEC), ​ເຂດ​ການ​ຄ້າ​ເສລີອາ​ຊຽນ+ ສປຈີນ, ອົງການ​ການ​ຄ້າ​ໂລກ(WTO) ​ແລະອົງການ​ສາກົນ​ອື່ນໆຮຽກຮ້ອງໃຫ້​ພວກ​ເຮົາ​ຕ້ອງ​ມີ​ການ​ຫັນປ່ຽນ​ຢ່າງ​ ຕັ້ງໜ້າ​ເພື່ອ​ຍາດ​ແຍ່ງ​ໃຫ້​ໄດ້ຜົນ​ປະ​ໂຫຍ​ດສູງ​ສຸດ​ຈາກ​ການ​ເຊື່ອມ​ໂຍງ​ ເສດຖະກິດ​ສາກົນ, ຕ້ານ​ແລະຮັບ​ມື​ດ້ານ​ຫຍໍ້​ທໍ້​ຕ່າງໆ​ຈາກ​ການ​ເຊື່ອມ​ໂຍງ ​ເປັນ​ຕົ້ນຜົນ​ກະທົບ​ຕໍ່​ຄວາມ​ສາມາດ​ໃນການ​ແກ້ງ​ແຍ່ງ​ແຂ່ງຂັນ​ຂອງ​ທຸລະ​ກິດ​ ພາຍ​ໃນ​ປະ​ເທດ; ຜົນ​ກະທົບ​ຕໍ່ວັດທະນະ​ທໍາ-ສັງຄົມ ທີ່ມີ​ຄວາມ​ສ່ຽງ​ຕໍ່​ກຸ່ມ​ບອບ​ບາງ​ກວ່າ​ໝູ່​ໂດຍ​ສະ​ເພາະ​​ແມ່​ຍິງ, ​ໄວ​ໜຸ່ມແລະ​ເດັກນ້ອຍທີ່​ຈະ​ຖືກຕົວະ​ຍົວະ​ຫຼອກ​ລວງ​ໄປ​ເຮັດ​ວຽກ​ຢູ່​ຕ່າງປະ​ ເທດທີ່​ຜິດ​ກົດໝາຍ, ຕົກ​ເປັນ​ເຫຍື່ອຈາກ​ການ​ໃຊ້​ຄວາມ​ຮຸນ​ແຮງ, ການ​ຄ້າ​ມະນຸດ, ການ​ຂູດ​ຮີດ​ແຮງ​ງານ, ກົດຂີ່ທາງ​ເພດ, ບັນຫາສິ່ງເສບຕິດ​ແລະປະກົດ​ການ​ຫຍໍ້​ທໍ້​ດ້ານ​ອື່ນໆ​ຕາມ​ມາ​ລວມເຖິງຜົນ​ກະທົບ ​ຕໍ່ສິ່ງ​ແວດ​ລ້ອມ​ທໍາ​ມະ​ຊາດທີ່​ຫຼີກ​ລຽງ​ບໍ່​ ໄດ້.                                                      

-ການ​ແກ້ງ​ແຍ່ງ​ແຂ່ງຂັນ​ກັນ​ພັດທະນາ​ໂດຍ​ສະ​ເພາະ​ການ​ດຶງດູດ​ການ​ລົງ​ທຶນຂອງ ​ຕ່າງປະ​ເທດ, ການ​ຄ້າ​ເສລີ​ຢູ່​ຂົງ​ເຂດ​ກຸ່ມນີ້​ແລະຂົງ​ເຂດ​ກຸ່ມອື່ນໆ​ຂອງ​ໂລກ​ມີ​ລັກສະນະ ​ຂ້ຽວຂາດ​ແລະຊີງ​ດີ-ຊີງ​ເດັ່ນ​ກັນ​ຫຼາຍ​ຂຶ້ນ​ກວ່າ​ເກົ່າ ​ເພື່ອ​ຜົນ​ປະ​ໂຫຍ​ດຂອງ​ແຕ່​ລະ​ກຸ່ມ​ແລະພັກ​ຝ່າຍ​ໂດຍ​ອີງ​ໃສ່​ອໍານາດຕໍ່​ລອງ ​ທີ່​ມີ​.

-ການປ່ຽນແປງນະໂຍບາຍທາງດ້ານເສດຖະກິດ, ການເມືອງ ຂອງປະເທດມະຫາອໍານາດແລະວິກິດການທາງດ້ານການເງິນ-ເສດຖະກິດ ມັກຈະເກີດຂຶ້ນຍ້ອນຄວາມບໍ່ສົມດຸນຂອງລະບົບການເງິນ-ເສດຖະກິດຂອງໂລກ ໃນແຕ່ລະໄລຍະຊຶ່ງຈະມີຄວາມກົດດັນແລະມີຜົນກະທົບຕໍ່ເສດຖະກິດຂອງປະເທດເຮົາ ເຊັ່ນ: ລາຄານໍ້າມັນ, ຄຸນຄ່າຂອງເງິນສະກຸນຫຼັກໆແຂງຄ່າຂຶ້ນ,ການອຸດໜຸນລາຄາສິນ​ຄ້າ​ທີ່​ຜະລິດ​ຢູ່ພາຍ​ ໃນ​ເພື່ອ​ສົ່ງ​ອອກແລະກໍາແພງທີ່ບໍ່ມີພາສີ​ເຂົ້າ-ອອກຕ່າງໆ ຈະ​ກະທົບຕໍ່ສິນຄ້າ​ແລະລາຍ​ຮັບຂອງປະເທດພວກເຮົາ.

-ການປ່ຽນແປງສະພາບດິນຟ້າອາກາດ ເປັນຕົ້ນ: ອາກາດໂລກຮ້ອນຂຶ້ນ, ລະດັບນໍ້າທະເລສູງຂຶ້ນ, ອາກາດປົນເປື້ອນສານພິດ, ພູເຂົາໄຟລະເບີດ, ໄຟໄໝ້ປ່າ, ໄພນໍ້າຖ້ວມ, ໄພແຫ້ງແລ້ງ, ແຜ່ນດິນໄຫວ,ລົມພາຍຸຮ້າຍແຮງ, ຊືນາມິແລະພະຍາດລະບາດຕ່າງໆ ໄດ້ເກີດຂຶ້ນເລື້ອຍໆຢູ່ຫຼາຍປະເທດໃນໂລກສໍາລັບປະເທດພວກເຮົາຈະເປັນສິ່ງທ້າທາຍແລະອຸປະສັກຕໍ່ການພັດທະນາເສດຖະກິດ-ສັງຄົມໃນຕໍ່ໜ້າ, ຈະ​ມີ​ຄວາມ​ຫຍຸ້ງຍາກທັງ​ເປັນ​ສິ່​ງທ້າ​ ທາຍທີ່ຈະບັນລຸຄາດໝາຍຂອງແຜນການສູ້ຊົນທີ່ໄດ້ກໍານົດໄວ້.