ຄາດໝາຍສູ້ຊົນຂອງກອງປະຊຸມໃຫຍ່ຄັ້ງທີ V

ກອງ​ປະຊຸມ​ ໃຫຍ່​ຄັ້ງ​ທີ V ຂອງ​ອົງຄະ​ນະ​ພັກ​ແຂວງ​ບໍລິ​ຄຳ​ໄຊ ​ໄດ້​ໄຂ​ຂື້ນ​ໃນ​ຕອນ​ເຊົ້າ​ວັນ​ທີ 27/5/2010 ​ແລະ ດຳ​ເນີນ​ເປັນ​ເວລາ 2 ວັນ, ​ໂດຍ​ມີ​ຜູ້​ແທນ​ສົມບູນ 187 ສະຫາຍ, ຍິງ 18 ສະຫາຍ ​ຊຶ່ງ​ເປັນ​ຕົວ​ແທນ​ໃຫ້​ແກ່​ສະ ມາ​ຊິກ​ພັກ​ທົ່ວ​ແຂວງ​ທັງໝົດ 6.953 ສະຫາຍ, ມີ​ແຂກ​ຖຶກ​ເຊີນ​ເຂົ້າ​ຮ່ວມ 97 ທ່ານ, ບັນດາ​ສະຫາຍ​ທີ່​ເຂົ້າ​ຮ່ວມ​ ກອງ​ປະຊຸມ ລ້ວນ​ແຕ່​ໄດ້​ຍົກ​ສູງ​ຄວາມ​ຮັບຜິດຊອບ, ມີ​ລະບຽບວິ​ໄນ​ສຸ​ສະຕິ​ປັນຍາ​ຂອງ​ຕົນ​ເຮັດ​ໃຫ້ ກອງ​ປະຊຸມ​ດຳ​ເນີນ​ໄປ​ດ້ວຍ​ບັນຍາກາດ​ຟົດ​ຟື້ນ​ແລະ​ປະສົບ​ຜົນສຳ​ເລັດ​ຢ່າງ​ ສະຫງ່າ​ງາມ​ຕາມ​ຈຸດປະສົງ​ຄາດໝາຍຂອງ ກອງ​ປະຊຸມ​ທີ່​ໄດ້​ກຳນົດ​ໄວ້.

  • ກອງ​ປະຊຸມ​ໃຫຍ່​ຄັ້ງ​ທີ V ຂອງ​ອົງຄະ​ນະ​ພັກ​ແຂວງ​ບໍລິ​ຄຳ​ໄຊ ​ໄດ້​ລົງ​ປະຊາ​ມະຕິ​ເປັນ​ເອກະ​ພາບ​ກັນຮັບ ຮອງ​ເອົາບັນດາ​ເນື້ອ​ໃນ​ຄື:

ກອງ ​ປະຊຸມ​​ໄດ້​ພ້ອມ​ກັນ​ຄົ້ນ​ຄ້ວາ​ປະກອບ​ຄຳ​ຄິດ​ເຫັນ​ໃສ່​ລາຍ​ງານ​ການ​ເມືອງ ບົດ​ສຳຫຼວດການ​ນຳພາ​ຂອງ​ຄະນະ​ພັກ, ກອງ​ປະຊຸມ​ໄດ້​ເປັນ​ເອກະ​ພາບ​ກັນ​ຕີ​ລາຄາ​ດ້ານ​ດີ, ດ້ານ​ອ່ອນ​ກໍ້​ຄົງ​ຄ້າງ, ສາ​ເຫດ​ ​ແລະ ຖອດ​ຖອນ​ບົດຮຽນ​ໃນ​ການ​ຊີ້​ນຳໆພາ ​ແລະ ການຈັດ​ຕັ້ງ​ປະຕິບັດ​ມະຕິ​ກອງ​ປະຊຸມ​ໃຫຍ່​ໃນ 5ປີຜ່ານມາ, ພ້ອມ​ນີ້​ຍັງ​ໄດ້​ເປັນ​ເອກະ​ພາບ​ກັນ​ຮັບຮອງ​ເອົາ​ທິດ​ທາງ​ແຜນການ 5ປີ​ນັບ​ແຕ່​ປີ 2011-2015ຊຶ່ງ​ມີ​ເນື້ອ​ໃນ​ດັ່ງ​ນີ້:

 

1/ ຮັບປະກັນ​ໃຫ້​ທົ່ວ​ແຂວງ​ສືບ​ຕໍ່​ມີ​ສະຖຽນລະ​ພາບ​ທາງ​ການ​ເມືອງ ​ແລະ ຄວາມ​ເປັນ​ລະບຽບຮຽບຮ້ອຍ​ທາງ​ສັງຄົມ​ ເຮັດ​ໃຫ້ວຽກງານ​ປ້ອງ​ກັນຊາ​ດ-ປ້ອງ​ກັນ​ຄວາມ​ສະຫງົບ​ກາຍ​ເປັນ​ຂອງ​ທົ່ວ​ປວງ​ ຊົນ​ຮອບດ້ານ.

2/ ພັດທະນາ​ເສດຖະກິດ​ສັງຄົມ ​ໃຫ້​ຂະຫຍາຍຕໍ່​ເນື່ອງ ດ້ວຍ​ຈັງຫວະ​ໄວ ​ແລະ ມີ​ຄວາມໝັ້ນທ່ຽງ, ສ້າງ​ໂຄງ​ປະກອບ​ເສດຖະກິດ​ໄປ​ຕາມ​ທິດ ຫັນ​ເປັນ​ອຸດສາຫະກຳ ​ແລະ ທັນ​ສະ​ໄໝ ຂຸດ​ຄົ້ນ​ຄວາມ​ອາດ​ສາມາດ​ບົ່ມ​ຊ້ອນ ຂອງ​ທຸກ​ພາກສ່ວນ​ເສດຖະກິດ ​ເຂົ້າ​ໃນ​ການ​ພັດທະນາ, ຊຸກຍູ້​ສົງ​ເສີມ​ການ​ຜະລິດ​ເປັນ​ສີນ​ຄ້າ​ຢ່າງ​ແຂງ​ແຮງ, ຈັດ​ສັນ​​ພູມລຳ​ເນົາ ​ແລະ ອາຊີບ​ຄວາມໝັ້ນຄົງຖາວອນ ​ໃຫ້​ປະຊາຊົນ, ​ເອົາ​ໃສ່​ລຶບລ້າງ​ຄວາມທຸກ​ຍາກ​ຂອງ​ປະຊາຊົນ, ສ້າງ​ບ້ານ ​ແລະ ກຸ່ບ້ານ​ພັດທະນາ, ສ້າງ​ພື້ນຖານ​ໂຄ່ງ​ລ້າງ​ທີຈຳ​ເປັນ, ຮັບປະກັນການ​ປົກ​ປັກ​ຮັກສາຊັບພະຍາກອນ​ທຳ​ມະ​ຊາດ ນຳ​ໃຊ້​ຢ່າງ​ສົມ​ເຫດ​ສົມ​ຜົນ​ບໍ່​ໃຫ້​ບົກ​ແຫ້ງ.

3/ ພັດທະນາ​ຊັບພະຍາກອນ​ມະນຸດ ​ໃຫ້​ມີ​ຄວາມ​ຮູ້​ຄວາມ​ສາມາດ, ມີ​ຄຸນສົມບັດ​ສິນ​ທຳ​ປະຕິວັດ, ມີ​ສຸຂະພາບ​ແຂງ​ແຮງ, ມີ​ສີມື​ແຮງ​ງານ ​ເພື່ອ​ຕອບ​ສະໜອງຄວາມ​ຕ້ອງການ​ຂອງ​ກາ​ນັດ​ທະນາ.

4/ ຍົກ​ສູງ​ຄວາມ​ສາມາດ​ນຳພາ​ຂອງ​ພັກ, ສຸມ​ໃສ່​ປັບປຸງ-ກໍ່ສ້າງ​ພັກ​ໃຫ້​ມີ​ຄວາມ​ປອດ​​ໃສ​ເຂັ້ມ​ແຂງໜັກ​ແໜ້ນ, ຮັບປະກັນ​ບົດບາດ​ເປັນ​ແກນ​ນຳ​ໃນ​ລະບົບ​ການ​ເມືອງ ປະຊາທິປະ​ໄຕ ປະຊາຊົນ​ທຸກ​ຂັ້ນ, ​ເພີ່ມ​ທະວີ​ຄວາມ​ສາມັກຄີ​ປະຊາຊົນ​ບັນດາ​ເຜົ່າ ​ໃຫ້​ເປັນ​ປຶກ​ແຜ່ນ​ພາຍ​ໃຕ້ ການ​ນຳພາ​ຂອງ​ພັກ, ​ເສີມ​ຂະຫຍາຍ​ສິດ​ເປັນ​ເຈົ້າ​ຂອງ​ປະຊາ ຊົນ, ສ້າງ​ຄວາມ​ເຂັ້ມ​ແຂງ​ໃຫ້​ອົງການ​ຈັດ​ຕັ້ງ​ມະຫາຊົນ, ຍົກ​ສູງ​ປະສິດ​ທິບາບ​ຂອງ​ການ​ບໍລິຫານ​ລັ​ໃຫ້​ມີ​ຄວາມ​ສັກ ສິດ, ​ໂປ່​ງ​ໃສ, ວ່ອງ​ໄວ, ຫັນ​ການ​ຄຸ້ມ​ຄອງ​ລັດ, ຄຸ້ມ​ຄອງ​ສັງຄົມ ​ໄຕາມ​ທິດ​ລັດ​ແຫ່ງ​ກົດໝາຍ.

5/ ​ເພີ່ມ​ທະວີ​ຄວາມ​ສຳ​ມະ​ຄີ​ພິ​ເສດ ​ແລະ ການ​ຮ່ວມ​ມື​ຮອບດ້ານ​ກັບ​ແຂວງ​ແຮກສ່ຽວ ສສ ຫວຽດນາມ, ພົວພັນ​ຮ່ວມ​ມື​ເຊື່ອມ​ໂຍງ​ກັບ​ພາກ​ພື້ນ ​ແລະ ສາກົນ​ບົນ​ພື້ນຖານ​​ແນວທາງ​ການ​ຕ່າງປະ​ເທດ​ຂອງ​ພັກ, ຍາດ​ແຍ່ງ​ເອົາ​ການ​ລົງທຶນ ​ແລະ ຊ່ວຍ​ເຫຼືອ​ເຂົ້າ​ໃນ​ການ​ພັດທະນາ.

  • ກອງ ​ປະຊຸມ​ໄດ້​ຮັບ​ການ​ລາຍ​ງານ ​ແລະ ການ​ປະກອບ​ຄຳ​ເຫັນ​ກັບ​ຜູ້ຕາງໜ້າຄະນະ​ບໍລິຫານ​ງານ​ພັກ​ຈາກ​ນະຄອນຫຼວງວຽງຈັນ, ​ແຂວງ​ວຽງຈັນ, ຄຳ​ມ່ວນ ​ແລະ ​ແຂວງ​ຊຽງຂວາງ; ພ້ອມ​ນີ້​ຜູ້ຕາງໜ້າ ຈາກ​ຂົງ​ເຂດ​ຕ່າງໆອ້ອມ​ຂ້າງ​ແຂວງ​ກໍ່​ໄດ້​ຂື້ນ​ປະກອບ​ຄຳ​ເຫັນ​ເພື່ອ​ ເໜັ້ນໜັກ ​ແລະ ຢືນຢັນ​ຕື່ມ​ໃນ​ການ​ປະກອບ​ສ່ວນ​ເຮັດ​ສຳ​ເລັດ​ໃນ ໜ້າທີ່​ການ​ເມືອງ​ຂອງ​ຕົນ​ຄື: ຈາກ​ຂົງ​ເຂດ​ປ້ອງ​ກັນຊາ​ດ-ປ້ອງ​ກັນ​ຄວາມ​ສະຫງົບ, ​ເສດຖະກິດ, ວັດທະນະທຳ-ສັງຄົມ, ຂົງ​ເຂດ​ການ​ເມືອງ, ອົງການ​ຈັດ​ຕັ້ງ​ມະຫາຊົນ, ຂົງ​ເຂດ​ຕຸລາການ ​ແລະ ບັນດາ​ເມືອງ​ພາຍ​ໃນ​ແຂວງ​ຊຶ່ງ​ຍົກ ​ໃຫ້​ເຫັນໝາກຜົນ ​ໃນ​ການ​ສ້າງໜ່ວຍພັກ​ແຂວງ​ຮູ້ນຳພາ​ຮອບດ້ານ, ການ​ສ້າງ​ບ້ານ ​ແລະ ກຸ່ມ​ບ້ານ​ພັດທະນາ, ການ​ຊຸກຍູ້​ສົ່ງ​ເສີມ​ການ​ຜະລິດ ​ເປັນ​ສິນ​ຄ້າ ​ແລະ ​ແກ້​ໄຂ​ຄວາມທຸກ​ຍາກ, ການ​ປະກອບ​ຄຳ​ເຫັນ​ຂອງ​ແຕ່​ລະ​ພາກ​ສ່ວນ ​ໄດ້​ສະ​ແດງ​ການ​ຍ້ອງຍໍ​ຊົມ​ເຊີຍ​ກອງ​ປະຊຸມ​ໃຫຍ່ ​ແລະ ຢັ້ງຢືນ​​ເຖິງຜົນ​ການ​ສຳ​ເລັດຜ່ານ​ມາ ​ແລະ ທິດ​ທາງ​ໜ້າທີ່​ໃນຕໍ່ໜ້າ ຊຶ່ງ​ເປັນ​ການ​ປະກອບ​ສ່ວນ​ເຮັດ​ໃຫ້​ກອງ​ປະຊຸມ​ມີ​ເນື້ອ​ໃນ​ອຸດົມສົມບູນ​ຂື້ນ ​ຕື່ມ.
  • ຜູ້​ແທນ​ກອງ​ປະຊຸມ ​ໄດ້​ພ້ອມ​ກັນ​ໃກ້​ສິດ ປະຊາທິປະ​ໄຕ​ຂອງ​ຕົນ ປ່ອນ​ບັດ​ຄັດ​ເລືອກ​ເອົາ​ຄະນະ​ບໍລິ ຫານ​ງານ​ພັກ​ແຂວງ​ບໍລິ​ຄຳ​ໄຊ ຊຸດ​ໃໝ່, ​ເລືອກ​ເອົາ​ຜູ້​ແທນ​ສົມບູນ ​ແລະ ສຳຮອງ​ເຂົ້າ​ຮ່ວມ​ຮ່ວມ​ກອງ​ປະ​ຊຸມ​ໃຫຍ່ ຄັ້ງ​ທີ IX ຂອງ​ພັກ ບົນ​ພື້ນຖານ​ຖືກຕ້ອງ​ສອດຄ່ອງ​ກັບ​ມາດຖານ​ເງື່ອນ​ໄຂ ກົດ​ລະບຽບຂອງ ພັກ​ທຸກ​ປະການ.

     

  • ເລຂາ, ຮອງເລຂາ ແລະ ຄະນະກຳມະການປະຈຳພັກແຂວງ